spot_img
Homeຊີວິດແລະຄວາມຮັກຄວາມເຊື່ອຕ່າງໆ ເລື່ອງການແຕ່ງງານ

ຄວາມເຊື່ອຕ່າງໆ ເລື່ອງການແຕ່ງງານ

Published on

ໃນຫົວບົດທີ່ກ່ຽວກັບຄວາມເຊື່ອ ມື້ນີ້ແອັດມິນຈະມານຳສະເໜີອີກໜຶ່ງຄວາມເຊື່ອ ກ່ຽວກັບ ຄວາມເຊື່ອງຕ່າງໆ ເລື່ອງການແຕ່ງງານ ແອັດມິນໄດ້ໄປອ່ານຢູ່ທີ່ເວັບໄຊໜຶ່ງທີ່ມີຊື່ວ່າ “ສະຫຼະໂສດ” ແລ້ວຮູ້ສຶກວ່າມັນເປັນບົດທີ່ໜ້າສົນໃຈ ບວກກັບໄລຍະນີ້ເປັນລະດູຂອງການສະຫຼະໂສດຂອງຫຼາຍຄູ່ ດັ່ງນັັ້ນເມື່ອອ່ານຈົບແອັດມິນກໍ່ບໍ່ພາດທີ່ຈະນຳມາຝາກແຟນເພສໃຫ້ໄດ້ອ່ານນຳກັນ ເຊິ່ງຄວາມເຊື່ອຕ່າງໆ ເລື່ອງການແຕ່ງງານນີ້ຈະມີເລື່ອງຫຍັງແນ່ ເຮົາມາອ່ານນຳກັນເລີຍ

  • ວ່າດ້ວຍຄວາມເຊື່ອໃນເລື່ອງການແຕ່ງງານ ເລີ່ມກັນຕັ້ງແຕ່ການຫາມື້ຫາຍາມ ວັນງາມວັນດີໃນການຈັດພິທີແຕ່ງງານ
  • ໃນງານດອງຈະມີການກັ້ນສາຍແອວເງິນສາຍແອວທອງ (ປະຕູເງິນປະຕູທອງ) ເພື່ອເຊື່ອວ່າເຈົ້າບ່າວຈະມີເງິນທອງສາມາດເບິ່ງແຍງເຈົ້າສາວໄດ້ ພໍ່ແມ່ມີຄວາມໄວ້ວາງໃຈຍົກລູກສາວໃຫ້ດູແລແທນໄດ້
  • ການເລືອກເພື່ອນເຈົ້າບ່າວ ຄວນເລືອກຄົນທີ່ອາຍຸນ້ອຍນ້ອຍກວ່າ ຫຼື ອາຍຸໃກ້ຄຍງກັບຄູ່ບ່າວສາວ ແລະ ເພື່ອນຄົນນັ້ນຢູ່ໃນຊ່ວງໄລຍະທີ່ໃກ້ຈະແຕ່ງງານແລ້ວຄືກັນ ເພາະຫາກເປັນຄົນໂສດ ຈະເຮັດໃຫ້ຄົນທີ່ມາເປັນເພື່ອນເຈົ້າບ່າວເຈົ້າສາວຕ້ອງໂສດຕະຫລອດໄປ ເລື່ອງແບບນີ້ທາງຕະເວັນຕົກເຂົາມີຄວາມເຊື່ອວ່າ ຖ້າຄົນໂສດຄົນໃດໄປເປັນເພື່ອນເຈົ້າບ່າວເຈົ້າສາວຮອດ 3 ຄັ້ງ ເຊື່ອວ່າຈະບໍ່ມີໂອກາດໄດ້ເປັນເຈົ້າບ່າວ-ເຈົ້າສາວອີກຕໍ່ໄປ
  • ໃນພິທີບາສີສູ່ຂັວນ ເມື່ອພິທີສູ່ຂັວນແລ້ວເຊື່ອວ່າຫາກໃຜລຸກຂຶ້ນຈາກພິທີກ່ອນຄົນນັ້ນຈະຢູ່ເໜືອຄູ່ຄອງ
  • ຄວນເຊີນຜູ້ໃຫຍ່ທີ່ເຄົາລົບ ແລະ ເປັນຄົນທີ່ມີຊີວິດຄອບຄົວທີ່ດີມາເປັນຄົນນຳຂະບວນຂັນໝາກ ຫຼື ການສົ່ງຕົວຄູ່ບ່າວສາວເຂົ້າຫ້ອງ ເພື່ອໃຫ້ຊີວິດຂອງຄູ່ບ່າວສາວຈະໄດ້ດີຄືກັບຜູ້ໃຫຍ່ທີ່ເຊີນມາອວຍພອນ
  • ເລື່ອງອາຫານໃນງານດອງບໍ່ຄວນມີ: ຕົ້ມຢຳ, ເຂົ້າປຽກ, ອ່ອມຫອຍຈູບ, ປາແດກ ປາຈາວ, ຕີນໄກ່, ຫມີ່ກອບ ເພາະເປັນອາຫານບໍ່ເປັນມົງຄຸນເຊື່ອວ່າອາຫານພວກນີ້ຈະເຮັດໃຫ້ຄູ່ບ່າວສາວມີເລື່ອງເດືອດຮ້ອນໃຈຫຼັງແຕ່ງງານໄປແລ້ວ
  • ເຈົ້າບ່າວ ເຈົ້າສາວບໍ່ຄວນແຕ່ງໜ້າເອງ ເພາະເຊື່ອວ່າແຕ່ງງານໄປແລ້ວຈະຫາກິນລຳບາກ
  • ໃນການແຕ່ງງານຫ້າມມີການຜິດຖຽງກັນ ຫຼື ເຮັດເຄື່ອງຂອງໃນງານແຕກ ເພາະຖືເປັນລາງບໍ່ດີ ຫາກມີເຫດການແບບນີ້ຂຶ້ນໃຫ້ເຮັດເສີຍໆ ແລະ ຟ້າວເອົາອອກໄປຈາກງານແຕ່ງ
  • ຫ້າມພີ່ນ້ອງແຕ່ງງານໃນປີດຽວກັນ ຫຼື ມື້ດຽວກັນ ເພາະຈະເຮັດໃຫ້ພົບແຕ່ເລື່ອງຮ້າຍໆ
  • ເຈົ້າສາວຫ້າມໃສ່ຊຸດສີຂຽວ ເພາະເປັນສີຂອງເທບທິດາ ເຊື່ອວ່າຖ້າໃສ່ສີນີ້ເທບທິດາຈະລົງໂທດ ຈະເຮັດໃຫ້ຊີວິດການແຕ່ງງານບໍ່ມີຄວາມສຸກ

ສິ່ງທີ່ກ່າວມາຂ້າງເທິງນີ້ກໍ່ເປັນພຽງຄວາມເຊື່ອບາງສ່ວນ ແຕ່ຕາມຄວນຈິງແລ້ວເລື່ອງຄວາມເຊື່ອໃນເລື່ອງງານແຕ່ງງານແຕ່ລະທ້ອງຖິ່ນກໍ່ຈະມີຄວາມເຊື່ອທີ່ແຕກຕ່າງກັນອອກໄປ ແຕ່ສິ່ງສຳຄັນເລື່ອງແບບນີ້ເປັນຄວາມເຊື່ອສ່ວນບຸກຄົນ ຖ້າສຳລັບຄົນທີ່ບໍ່ເຊື່ອກໍ່ໃຫ້ອ່ານເພື່ອຄວາມບັນເທີງເທົ່ານັ້ນ
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...