spot_img
Homeຂ່າວຕ່າງປະເທດການເມືອງບຣາຊິນລະອຸ! ສະພາຜູ້ແທນຯ ລົງມະຕິຖອດຖອນ ປະທານາທິບໍດີ ດິນມາ ຣຸດເຊບ ອອກຈາກຕຳແໜ່ງ!

ການເມືອງບຣາຊິນລະອຸ! ສະພາຜູ້ແທນຯ ລົງມະຕິຖອດຖອນ ປະທານາທິບໍດີ ດິນມາ ຣຸດເຊບ ອອກຈາກຕຳແໜ່ງ!

Published on

ສຳນັກຂ່າວຕ່າງປະເທດ ລາຍງານໃນວັນທີ 19 ເມສານີ້ວ່າ ເມື່ອວັນທີ 18 ເມສາ 2016 ຜ່ານມານີ້ ສະມາຊິກສະພາຜູ້ແທນປະຊາຊົນບຣາຊິນ ໄດ້ມີມະຕິດ້ວຍຄະແນນສຽງສ່ວນຫລາຍ 367 ສຽງ ຕໍ່ 167 ສຽງ ໃຫ້ມີການດຳເນີນຂະບວນການຖອດຖອນ ນາງ ດິນມາ ຣຸດເຊບ ປະທານາທິບໍດີບຣາຊິນ ອອກຈາກຕຳແໜ່ງ ດ້ວຍຂໍ້ກ່າວຫາວ່າ ທ່ານ ນາງ ຣຸດເຊບ ດັດແປງຕົວເລກງົບປະມານຂອງລັດ ເພື່ອຫວັງຜົນທາງດ້ານການເມືອງ ຈົນເຮັດໃຫ້ຊະນະການເລືອກຕັ້ງ ເປັນປະທານາທິບໍດີສະໄໝທີ 2 ຕິດຕໍ່ກັນ ເມື່ອປີ 2014 ຜ່ານມາ ຊຶ່ງທ່ານເອງ ໄດ້ປະຕິເສດຂໍ້ກ່າວຫາດັ່ງກ່າວມາໂດຍຕະຫລອດ ພ້ອມທັງກ່າວຫາຄືນວ່າ ທ່ານ ມິເຊວ ເທເມີ ຮອງປະທານາທິບໍດີບຣາຊິນ ພ້ອມດ້ວຍພັກພວກ ໄດ້ສົມຄົບຄິດກັນຫວັງໂຄ່ນລົ້ມອຳນາດຂອງນາງ, ດ້ານທ່ານ ເທເມີ ກໍໄດ້ອອກມາປະຕິເສດຄືນອີກເຊັ່ນດຽວກັນ.

ການປະຊຸມເພື່ອລົງມະຕິດັ່ງກ່າວ ຂອງສະພາຜູ້ແທນປະຊາຊົນບຣາຊິນ ໄດ້ດຳເນີນໄປທ່າມກາງປວງຊົນຊາວບຣາຊິນ ປະມານ 25,000 ຄົນ ຊຶ່ງມີທັງຝ່າຍສະໜັບສະໜູນຂະບວນການຖອດຖອນ ແລະ ຝ່າຍຕໍ່ຕ້ານ ອອກມາໂຮມຊຸມນຸມ ຕໍ່ໜ້າອາຄານລັດຖະສະພາ ພາຍໃຕ້ການຄວບຄຸມຮັກສາຄວາມສະຫງົບ ຂອງເຈົ້າໜ້າທີ່ຢ່າງເຂັ້ມງວດ.

ແນວໃດກໍຕາມ ຂະບວນການຖອດຖອນດັ່ງກ່າວນີ້ ແມ່ນຍັງຈະຕ້ອງໄດ້ຜ່ານການລົງມະຕິ ຈາກວຸດທິສະພາ ຫລື ສະພາສູງຂອງບຣາຊິນອີກເສຍກ່ອນ ຊຶ່ງພັກແຮງງານບຣາຊິນ ຊຶ່ງເປັນພັກຝ່າຍລັດຖະບານ ໄດ້ອອກມາປະກາດວ່າ ຈະຕໍ່ສູ້ຢ່າງສຸດຂີດ ເພື່ອປົກປ້ອງປະທານາທິບໍດີ ຣຸດເຊບ ບໍ່ວ່າດ້ວຍວິທີການໃນ ຫລື ນອກສະພາກໍຕາມ.

 

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...