spot_img
Homeຂ່າວພາຍ​ໃນການສົ່ງເສີມທຸລະກິດຂະໜາດນ້ອຍ ແລະ ຂະໜາດກາງເປັນວຽກງານທີ່ສຳຄັນ

ການສົ່ງເສີມທຸລະກິດຂະໜາດນ້ອຍ ແລະ ຂະໜາດກາງເປັນວຽກງານທີ່ສຳຄັນ

Published on

ອີງຕາມການເປີດເຜີຍຂອງທ່ານ ສີສະຫຼຽວ ສະແຫວງສຶກສາ ປະທານສະມາຄົມການພັດທະນາສັງຄົມຊາວຊົນນະບົດ ທັງເປັນປະທານ ບໍລິສັດ ຜະລິດຕະພັນກະສິກອນລາວ ໃຫ້ຮູ້ວ່າ ວິທີສົ່ງເສີມເພື່ອສ້າງຄວາມເຂັ້ມແຂງແມ່ນຄວາມຈຳເປັນພາວະວິໄສໃຫ້ທຸລິດຂະໜາດນ້ອຍ ແລະ ຂະໜາດກາງຂອງລາວເຮົາ ມີເງື່ອນໄຂແຂ່ງຂັນໃນຍຸກເຊື່ອມໂຍງເສດຖະກິດພາກພື້ນ ເຊິ່ງກ່ອນອື່ນຕ້ອງນິຍາມຄຳວ່າທຸລະກິດເສຍກ່ອນຄື: ທຸລະກິດຕ້ອງມີທຶນຈົດທະບຽນ, ມີທະບຽນວິສາຫະກິດ, ມີທະບຽນອາກອນ, ຕ້ອງນຳໃຊ້ຜັງບັນຊີວິສາຫະກິດ ແລະ ຕ້ອງມີການກຳນົດເງິນເດືອນບຸກຄະລາກອນ ເຖິງແມ່ນວ່າແຕ່ລະປີຕ້ອງປິດບັນຊີ ເພື່ອສະຫຼຸບການເຄື່ອນໄຫວປະຈຳປີບັນຊີ, ສ່ວນຫົວໜ່ວຍທຸລະກິດທີ່ບໍ່ຖືທະບຽນທຸລະກິດຄວນຈັດເປັນ “ເສດຖະກິດຄອບຄົວ”.

ການສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ ແມ່ນໜຶ່ງໃນບັນດາບູລິມະສິດຂອງລັດຖະບານແຫ່ງ ສປປ ລາວ, ແຕ່ການສົ່ງເສີມຕົວຈິງຍັງພົບຂໍ້ຫຍຸ້ງຍາກຢ່າງຫຼວງຫຼາຍ. ທັງນີ້, ກໍ່ເພາະວ່າຊາວລາວເຮົາຍັງບໍ່ທັນມີວິໄສທັດກ່ຽວກັບການເຮັດທຸລະກິດ ໂດຍຄົນລາວສ່ວນຫຼາຍຍັງເຮັດເສດຖະກິດຄອບຄົວ ດ້ວຍການນຳໃຊ້ແຮງງານທີ່ມີຢູ່ໃນຄອບຄົວ, ໃຊ້ທຶນເອງບໍ່ຖືບັນຊີ, ບໍ່ມີບົດວິພາກເສດຖະກິດ, ບໍ່ຮູ້ສະພາບຕະຫຼາດ, ສ່ວນຫຼາຍເຮັດໄປຕາມຂະບວນ.

ທ່ານ ສິສະຫຼຽວ ສະແຫວງສຶກສາ ກ່າວຕື່ມອີກວ່າ ເພື່ອສົ່ງເສີມທຸລະກິດຂະໜາດນ້ອຍ ແລະ ຂະໜາດກາງໃຫ້ປະກົດຜົນເປັນຈິງຕ້ອງປະຕິບັດ 3 ວິທີຄື: ນຳໃຊ້ການຈັດຕັ້ງສັງຄົມລາວເພື່ອຍາດແຍ່ງທຶນຈາກການຈັດຕັ້ງສັງຄົມສາກົນມາສະໜັບສະໜູນການພັດທະນາທຸລະກິດຂະໜາດນ້ອຍ ແລະ ຂະໜາດກາງ, ນຳໃຊ້ການຈັດຕັ້ງສັງຄົມລາວເພື່ອຍາດແຍ່ງທຶນຈາກການຈັດຕັ້ງສັງຄົມສາກົນມາສະໜັບສະໜູນທຸລະກິດຄອບຄົວໃຫ້ກາຍເປັນຜູ້ປະກອບການ (ເຮັດໃຫ້ທຸລະກິດທີ່ຕິດພັນກັບການປຸງແຕ່ງ ແລະ ການຈຳໜ່າຍ), ຄວນໃຫ້ມີຄະນະພັດທະນາທຸລະກິດຂະໜາດນ້ອຍ ແລະ ຂະໜາດກາງ (SMEs) ເປັນອົງກອນ ຫຼື ຄະນະພັດທະນາເຊັ່ນດຽວກັບຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກ.

 

 

 

 

 

ຮຽບຮຽງບົດ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ເສດຖະກິດ-ການຄ້າ

ບົດຄວາມຫຼ້າສຸດ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...

ນໍ້າຖ້ວມຂັງໃນຕົວເມືອງ ນວ ໃນ ໄລຍະລະດູຝົນ ເກີດຈາກຫຼາຍປັດໄຈ

ບັນຫານ້ຳຖ້ວມຂັງໃນຕົວເມືອງ-ຖ້ວມຖະໜົນຫົນທາງ ໃນນະຄອນຫຼວງວຽງຈັນ(ນວ) ໃນລະດູຝົນ ແມ່ນບັນຫາໜຶ່ງທີ່ເກີດຂຶ້ນເປັນປະຈຳທຸກໆປີ, ສ້າງຄວາມຫຍຸ້ງຍາກໃຫ້ແກ່ການດໍາລົງຊີວິດ ແລະ ຊັບສິນຂອງປະຊາຊົນ ເຮັດໃຫ້ການສັນຈອນເດີນທາງໄປມາ ມີຄວາມຫຍຸ້ງຍາກ ແລະ ສ້າງພາບພົດທີ່ບໍ່ດີ ໃຫ້ແກ່ການຈັດຕັ້ງລັດ ແລະ ອື່ນໆ. ທ່ານ...

ຍອດຜູ້ເສຍຊີວິດພຸ່ງຂຶ້ນ 109 ຄົນ ຈາກເຫດການນ້ຳຖ້ວມຮຸນແຮງໃນລັດເທັກຊັດ ສ.ອາເມລິກາ

ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ. ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025...

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...