Masaya Nakamura ຜູ້ກໍ່ຕັ້ງບໍລິສັດ Namco ໄດ້ເສຍຊີວິດແລ້ວດ້ວຍອາຍຸ 91 ປີ 

0
180

​ອີງຕາມການປະກາດຈາກ Namco Bandai ເຮັດໃຫ້ເຮົາໄດ້ຮູ້ວ່າ: Masaya Nakamura ຜູ້ກໍ່ຕັ້ງບໍລິສັດ Namco ແລະໜຶ່ງໃນຜູ້ບຸກເບີກອຸດສາຫະກຳເກມໃນຍີ່ປຸ່ນ ໄດ້ເສຍຊີວິດລົງແລ້ວໃນວັນທີ 22 ມັງກອນທີ່ຜ່ານມານີ້ ດ້ວຍອາຍຸລວມທັງໝົດ 91 ປີ. 

ຈາກປະຫວັດຂອງເພິ່ນໃນປີ 1955, ທ່ານມາສາຢະ ນາຄາມູຣະ ໄດ້ກໍ່ຕັ້ງບໍລິສັດ Nakamura Manufacturing ຂຶ້ນມາ, ກ່ອນທີ່ຈະປ່ຽນມາເປັນ Nakamura Amusement Machine Manufacturing Company ຫຼື “Namco”. ແຕ່ພາຍຫຼັງກໍໄດ້ຄວບລວມກັບບໍລິສັດ Bandai ໃນປີ 2005.

ໃນຊ່ວງຫຼັງສົງຄາມໂລກຄັ້ງທີ 2 ບໍລິສັດໄດ້ເຂົ້າມາມີບົດບາດກັບທຸລະກິດເຄື່ອງໃຊ້ພາຍໃນເຮືອນຫຼາກຫຼາຍ ແລະສ້າງເກມອາເຂດ. ໂດຍໃນຊ່ວງທ້າຍປີ 1970 ຫາຕົ້ນປີ 1980 ທຸລະກິດຂອງນາຄາມູຣະກໍມີເກມດັງຫຼາກຫຼາຍຈາກບັນດາເກມອາເຂດເຊັ່ນ: Galaxian, Galaga, Pole Position ແລະ Xevious. ແນ່ນອນວ່າສິ່ງທີ່ຂາດບໍ່ໄດ້ເລີຍກໍຄືເກມ Pac-Man ທີ່ເປັນໜຶ່ງໃນເກມທີ່ສ້າງຄວາມຍິ່ງໃຫຍ່ໃຫ້ກັບອຸດສາຫະກຳເກມຂອງຍີ່ປຸ່ນ ອີກທັງຍັງມີຄວາມສຳຄັນຫຼາຍຕໍ່ວົງການເກມຍີ່ປຸ່ນນຳ.

ມາຮອດປີ 2007 ດ້ວຍຄວາມສຳເລັດອັນຍິ່ງໃຫຍ່ຂອງທ່ານ Masaya Nakamura ເຮັດໃຫ້ລາວໄດ້ຮັບລາງວັນ Order of the Rising Sun ຈາກລັດຖະບານຍີ່ປຸ່ນ.

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: kotaku

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.