spot_img
Homeອຸບັດເຫດແລະປາກົດການຫຍໍ້ທໍ້ລາຍລະອຽດເຫດການລົດຮັບ-ສົ່ງນັກກິລາບານເຕະ ປກສ ເກີດອຸບັດຕິເຫດ

ລາຍລະອຽດເຫດການລົດຮັບ-ສົ່ງນັກກິລາບານເຕະ ປກສ ເກີດອຸບັດຕິເຫດ

Published on

ລົດເມໂດຍສານຮັບ-ສົ່ງທັບນັກກິລາບານເຕະຂອງກະຊວງປ້ອງກັນຄວາມສະຫງົບ ທີ່ເດີນທາງໄປແຂ່ງຂັນບານເຕະເປບຊີລາວ ພຣີເມຍລີກ ລະດູການ 2018 ທີ່ຈະພົບກັບທີມຫຼວງພະບາງ ຢູໄນເຕັດ ໂດຍການແຂ່ງຂັນຈະຈັດຂຶ້ນຢູ່ແຂວງຫຼວງພະບາງ ໄດ້ເກີດອຸບັດຕິເຫດຕຳຕະຝັ່ງທາງ ຢູ່ເຂດບ້ານຜາແດງ ເມືອງວັງວຽງ ແຂວງວຽງຈັນ ໃນເວລາ 13:20 ໂມງ ຂອງວັນທີ 8 ມີນາ 2018 ຍ້ອນຖົງລົມລົດແຕກ ເຮັດໃຫ້ຄົນຢູ່ໃນລົດບາດເຈັບສົມຄວນ 6 ຄົນ ສ່ວນຕາຕະລາງການແຂ່ງຂັນບານເຕະນັດນີ້ ແມ່ນໄດ້ເລື່ອນອອກໄປແບບບໍ່ມີກຳນົດ.

ກົມກິລາ ກົມໃຫຍ່ການເມືອງ ກະຊວງ ປກສ ໃຫ້ຮູ້ວ່າ: ລົດໂດຍສານຮັບ-ສົ່ງນັກກິລາ ບານເຕະ ຂອງກະຊວງປ້ອງກັນຄວາມສະຫງົບ ຂອງບໍລິສັດ ນິຍົມຈັນທະລີ ໝາຍເລກທະບຽນ ບຂ 8847 ກຳແພງນະຄອນ ໄດ້ອອກເດີນທາງຈາກນະຄອນຫຼວງວຽງຈັນ ໂດຍມີຜູ້ໂດຍສານເປັນທັບນັກກິລາກະຊວງ ປກສ ພ້ອມຄູຝຶກ ແລະ ພະນັກງານ ລວມທັງໝົດ 32 ຄົນ ໃນວັນທີ 8 ມິນາ 2018 ເພື່ອມຸ່ງໜ້າໄປແຂວງຫຼວງພະບາງ ເພື່ອແຂ່ງຂັນບານເຕະເປັບຊີລາວ ພຣີເມຍລີກ ລະດູການ 2018 ພົບກັບ ຫຼວງພະບາງ ຢູໄນເຕັດ ໃນວັນ 11 ມິນາ 2018; ພໍເດີນທາງໄປຮອດຈຸດເກີດເຫດ ເຂດບ້ານຜາແດງ ເມືອງວັງວຽງ ແຂວງວຽງຈັນ ໃນເວລາ 13:20 ໂມງ ໄດ້ເກີດອຸບັດຕິເຫດລົດເມໂດຍສານຄັນດັ່ງກ່າວ ຖົງລົມແຕກ ເຮັດໃຫ້ລົດເສຍຫຼັກເຈືອກໄປຕໍາຕະຝັງທາງ ສົ່ງຜົນເຮັດໃຫ້ຄົນຢູ່ໃນລົດບາດເຈັບສົມຄວນ 6 ຄົນ ຊື່ ຮ້ອຍຕີ ແສງອາທິດ ສົມວົງ ຜູ້ຮັກສາປະຕູ ບາດເຈັບຄິ້ວແຕກ ຫຍິບ 5 ເຂັມ, ຮ້ອຍຕີ ພະເສົາ ສີມະໂນລາດ ນັກກິລາ ປາກແຕກ, ທ້າວ ກິດສະໜາ ແສງດວງພະຈັນ ນັກກິລາ ຫົວແຕກ, ທ້າວ ຈັນທະຈອນ ທິໂນລາດ ນັກກິລາ ປາກແຕກ, ພະນັກງານຂອງບໍລິສັດແຫ້ວໂອໂຕກຼຸບ 1 ຄົນ ທີ່ເດີນທາງໄປນໍາ ບາດເຈັບຂາ ແລະ ແລະ ແມ່ຂອງ ພັຕ ຂັນຕິລາ ທີ່ເດີນທາງໄປນໍາ ບາດເຈັບບ່າໄຫຼ່ເບື້ອງຂວາກະດູກແຕກ, ສ່ວນລົດເມໂດຍສານເປ່ເພສົມຄວນ ຄື: ໜ້າລົດເບື້ອງຂວາຍຸບເຂົ້າສົມຄວນ, ແວ່ນໜ້າແຕກ ແລະ ປະຕູເບື້ອງຂວາຫັກອອກ.

ສໍາລັບຕາຕະລາງການແຂງຂັນຂອງທີມບານເຕະ ກະຊວງປ້ອງກັນຄວາມສະຫງົບ ທີ່ພົບກັບທີມຫຼວງພະບາງ ຢູໄນເຕັດ ໃນວັນ 11 ມິນາ 2018 ເວລາ 16:00 ໂມງ ແມ່ນຍົກເລີກການແຂ່ງຂັນ, ສ່ວນຄູຝືກ ແລະ ນັກກິລາ ແມ່ນກັບຄືນກົມກອງ. ສໍາລັບທີມບານເຕະ ກະຊວງ ປກສ ໄດ້ແຂ່ງມາແລ້ວ 2 ນັດ; ໃນນັ້ນ, ຊະນະ 1 ເສຍ 1 ຈາກທັງໝົດໃນຕາຕະລາງທີ່ຈະລົງແຂ່ງຂັນ ຂາໄປ 7 ນັດ, ຂາກັບ 7 ນັດ ລວມທັງໝົດ 14 ນັດ.

 

ແຫລ່ງຂ່າວ: Sengaloun Sayalath

ບົດຄວາມຫຼ້າສຸດ

ມະຕິກອງປະຊຸມສະພາແຫ່ງຊາດກ່ຽວກັບການຮັບຮອງເອົາກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ)

ມະຕິກອງປະຊຸມສະພາແຫ່ງຊາດກ່ຽວກັບການຮັບຮອງເອົາກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ) ມີລາຍລະອຽດດັ່ງນີ້:

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...