ສຳນັກຂ່າວເອພີ ລາຍງານຈາກເມືອງຄາບູລ ປະເທດອາຟະການິດສະຖານ ເມື່ອວັນທີ 8 ມີນາ ວ່າ ການໂຈມຕີໃນວັນພູດທີ 7 ມີນາ ມີເປົ້າຫມາຍສະຖານທີ່ແຫ່ງຫນື່ງ ໃນແຂວງຄຸນາຣ໌ ຂອງອາຟະການິດສະຖານ ຢູ່ຫ່າງເຂດແດນປາກິດສະຖານພຽງບໍ່ຮອດກິໂລແມັດ ເຊີ່ງເປັນສະຖານທີ່ໆ ມຸລເລາະ ຟັສລຸລເລາະ ຫົວຫນ້າໃຫຍ່ກຸ່ມຕາລີບັນປາກິດສະຖານ ຂ້າມແດນໄປລົບລີ້. ເຈົ້າຫນ້າທີ່ຂ່າວກອງປາກິດສະຖານເຜີຍວ່າ ໃນລະຫວ່າງການໂຈມຕີ ຄາດວ່າ ຟັສລຸລເລາະ ແມ່ນບໍ່ໄດ້ຢູ່ບ່ອນນັ້ນ ແຕ່ຫາກແມ່ນລູກຊາຍຂອງເຂົາທີ່ເສຍຊີວິດຢູ່ທີ່ນັ້ນ. ຜູ້ບັນຊາການຮົບລະດັບສູງ 3 ຄົນ ຂອງກຸ່ມຕາລີບັນປາກິດສະຖານ ກ່າວຍືນຢັນການໂຈມຕີ ແລະ ຄວາມສູນເສຍຕາມລາຍງານ.
ເບື້ອງຕົ້ນທາງການສະຫະລັດຍັງບໍ່ອອກຄວາມຄິດເຫັນໃດໆໃນເລື່ອງນີ້ເຊັ່ນດຽວກັນກັບກອງກຳລັງນາໂຕ ເຈົ້າຫນ້າທີ່ອາຟະການິດສະຖານ ຫລື ລັດຖະບານປາກິດສະຖານ ຍັງບໍ່ແນ່ຊັດວ່າສົບຜູ້ເສຍຊີວິດຈາກການໂຈມຕີຂອງຍົນໂດຣນເມື່ອວັນພຸດ ຈະຖືກນຳກັບຂ້າມຊາຍແດນສູ່ປາກິດສະຖານເພື່ອເຮັດພິທີຝັງສົບຫລືບໍ ລັດຖະບານປາກິດສະຖານໄດ້ຮ້ອງຂໍຕໍ່ທາງການສະຫະລັດ ແລະ ອາຟະການິດສະຖານມາຫລາຍປີ ໃຫ້ຈັດການ ຟັສລຸລເລາະ ແລະ ຜູ້ນຳລະດັບສູງລາຍອື່ນໆຂອງກຸ່ມຕາລີບັນປາກິດສະຖານ ຊື່ງເຂື່ອກັນວ່າລົບລີ້ຢູາໃນອາຟະການິດສະຖານ ແລະ ຂ້າມຊາຍແດນກັບໄປໂຈມຕີໃນປາກິດສະຖານເລື້ອຍໆ.
ກຸ່ມຕາລີບັນເປັນກຸ່ມກໍ່ການຮ້າຍອິດສະລາມ ແລະ ກຸ່ມການເມືອງຊື່ງປົກຄອງພື້ນທີ່ສ່ວນໃຫຍ່ຂອງປະເທດອາຟະການິດສະຖານ ແລະ ເມືອງຫລວງຄາບູລ.
ແຫລ່ງຂ່າວຕ່າງປະເທດ TDN
ຮຸບພາບປະກອບ REUTERS
ວິດີໂອປະກອບ Voh