ກົມພາສີກະຊວງການເງິນ ຈັດກອງປະຊຸມກ່ຽວກັບມາດຕະການຈັດເກັບລາຍຮັບ ທ້າຍສົກປີ 2013-2014
ຂອງຂະແໜງພາສີຂຶ້ນ ວັນທີ 29 ສິງຫາ 2014 ຢູ່ຫໍປະຊຸມແຫ່ງຊາດ ໂດຍເປັນປະທານຂອງທ່ານ ດຣ. ລຽນ
ທິແກ້ວ ລັດຖະມົນຕີວ່າການກະຊວງການເງິນ ມີຄະນະນຳກົມພາສີ ພະແນກອ້ອມຂ້າງພາສີປະຈຳເຂດດ່ານ
ພາສີຊາຍແດນ ແລະ ພະນັກງານພາສີທົ່ວປະເທດເຂົ້າຮ່ວມ.
ຈຸດປະສົງຂອງກອງປະຊຸມ ເພື່ອເຜີຍແຜ່ມາດຕະການກວດກາການຈັດເກັບລາຍຮັບ ທ້າຍສົກປີ 2013-2014
ໃຫ້ແກ່ຄະນະວິຊາການຂອງກົມພາສີ ທີ່ຈະກະກຽມລົງເຮັດວຽກວິຊາສະເພາະຢູ່ບັນດາດ່ານພາສີສາກົນ 15
ດ່ານທົ່ວປະເທດ ແລະ ສືບຕໍ່ເອົາໃຈໃສ່ການນຳໃຊ້ເຄື່ອງມືທັນສະໄໝ ເຂົ້າໃນວຽກງານຄຸ້ມຄອງພາສີ ເປັນຕົ້ນ
ລະບົບແຈ້ງພາສີອັດຕະໂນມັດ ລະບົບກວດກາສິນຄ້າດ້ວຍລະບົບສາຍແສງ ແນໃສ່ເພີ່ມທະວີການອຳນວຍ
ຄວາມສະດວກການນຳເຂົ້າ-ສົ່ງອອກສິນຄ້າ ແລະ ສ້າງຄວາມໂປ່ງໃສໃນການເຮັດວຽກ ສືບຕໍ່ເປັນເຈົ້າການ
ຜັນຂະຫຍາຍແນວທາງເຊື່ອມໂຍງສາກົນ ເຊັ່ນ: ການຈັດຕັ້ງປະຕິບັດພັນທະ ທີ່ຕິດພັນການເປັນສະມາຊິກ
ອົງການການຄ້າໂລກ ສຸມໃສ່ສ້າງຄວາມພ້ອມ ແລະ ກຳນົດແຜນຮອງຮັບໃນການເຂົ້າຮ່ວມປະຊາຄົມເສດຖະ
ກິດອາຊຽນ ໃຫ້ບັນລຸຕາມເປົ້າໝາຍ ຄະນະລົງເຮັດວຽກຢູ່ບັນດາດ່ານພາສີຊາຍແດນທົ່ວປະເທດ ຕ້ອງມີຄວາມ
ຕັດສິນໃຈສູງຕໍ່ການບຸກທະລຸ ໃຫ້ໄດ້ມີຄວາມໜັກແໜ້ນໃນການຈັດຕັ້ງປະຕິບັດເຫັນບັນຫາ ຕ້ອງກ້າແກ້ໄຂ
ຢ່າງເດັດຂາດ ແລະ ຕ້ອງມີຈັນຍາບັນຂອງເຈົ້າໜ້າທີ່ຜູ້ຮັບໃຊ້ປະຊາຊົນ ຮັບໃຊ້ປະເທດຊາດຢ່າງແທ້ຈິງ.
ແຫຼ່ງຂ່າວ: ວຽງຈັນໃໝ່