spot_img
Homeຂ່າວຕ່າງປະເທດສະມໍລະພູມເຂດກູຕາ ຕາເວັນອອກນອງເລືອດ ເສຍຊີວິດເພີ່ມ 250ສົບ ພາຍໃນ 2ມື້.

ສະມໍລະພູມເຂດກູຕາ ຕາເວັນອອກນອງເລືອດ ເສຍຊີວິດເພີ່ມ 250ສົບ ພາຍໃນ 2ມື້.

Published on

ຈຳນວນຜູ້ເສຍຊີວິດຈາກການສູ້ຮົບຢ່າງດຸເດືອດໃນເຂດກູຕາ ຕາເວັນອອກ, ເມືອງດາມັສກັສຂອງ ຊີຣີ ເພີ່ມຂື້ນຫລາຍກວ່າ 250 ຄົນ ພາຍໃນໄລຍະເວລາພຽງ 48 ຊົ່ວໂມງ ລະຫວ່າງລັດຖະບານຊີຣີ ແລະກຸ່ມກະບົດ ຫວັງທຳລາຍລ້າງໃຫ້ຫມົດໄປ.

ສຳນັກຂ່າວຕ່າງປະເທດລາຍງານຈາກເມືອງດາມັສກັສ, ປະເທດ ຊີຣີ ໃນວັນທີ 21 ກຸມພາ ວ່າອົງກອນສັງເກດການເພື່ອສິດທິມະນຸດຊີຣີ (SOHR) ລາຍງານຈຳນວນຜູ້ເສຍຊີວິດຈາກການສູ້ຮົບລະຫວ່າງກອງທັບຊີຣີກັບກອງກຳລັງຝ່າຍຕໍ່ຕ້ານລັດຖະບານ ໃນເຂດກູຕາ ຕາເວັນອອກ, ເຂດປົກຄອງບ່ອນສຸດທ້າຍຂອງຝ່າຍກະບົດທີ່ຢູ່ເມືອງດາມັສກັສ ໃນລະຫວ່າງວັນຈັນຫາວັນອັງຄານທີ່ຜ່ານມານີ້, ຍອດຜູ້ເສຍຊີວິດແມ່ນເພີ່ມຂື້ນຫລາຍກວ່າ 250 ຄົນ ແລະຈຳນວນຜູ້ໄດ້ຮັບບາດເຈັບເພີ່ມຂື້ນອີກຫລາຍກວ່າ 1,200 ຄົນ.

ລາຍງານຂອງ (SOHR) ລະບຸນຳວ່າ ການໂຈມຕີເຂດກຸຕາຕາເວັນອອກສະເພາະວັນອັງຄານທີ່ຜ່ານມາ ສ້າງຄວາມເສຍຫາຍໃຫ້ກັບໂຮງຫມໍໃນພື້ນທີ່ເພີ່ມອີກເປັນ 6 ແຫ່ງ ແລະຫມູ່ບ້ານອີກ 10 ແຫ່ງ, ໄດ້ຮັບຄວາມເສຍຫາຍ ນອກຈາກນີ້ ຄວາມສູນເສຍຕໍ່ຊີວິດໃນເຂດກູຕາ ຕາເວັນອອກຄັ້ງນີ້ຖືວ່າຫລາຍສຸດ.

ຂະນະທີ່ປະຊາຊາດ (UN) ອອກມາຖະແຫລງການຮຽກຮ້ອງໃຫ້ມີການຢຸດຍິງເພື່ອເປີດທາງໃຫ້ແກ່ເຈົ້າຫນ້າທີ່ບັນເທົາທຸກໃນການລຳລຽງຄວາມຊ່ວຍເຫລືອເຂົ້າສູ່ພື້ນທີ່ ແລະນຳຜູ້ໄດ້ຮັບບາດເຈັບສາຫັດອອກໄປຮັກສາ ແຕ່ການຮຽກຮ້ອງຈາກ UN ແມ່ນຍັງບໍ່ທັນໄດ້ຮັບການຕອບສະຫນອງຈາກຝ່າຍໃດ.

 

ແຫລ່ງຂ່າວຕ່າງປະເທດ DLN

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...