spot_img
Homeຂ່າວພາຍ​ໃນອະນຸກຳມະການເປີດປະມູນ "ນໍ້າດື່ມ" ເຊິ່ງເປັນຊັບສິນຂອງພີເອັສ ມູນຄ່າກວ່າ 1 ພັນລ້ານກີບ

ອະນຸກຳມະການເປີດປະມູນ “ນໍ້າດື່ມ” ເຊິ່ງເປັນຊັບສິນຂອງພີເອັສ ມູນຄ່າກວ່າ 1 ພັນລ້ານກີບ

Published on

ມື້ວານນີ້ (20 ກຸມພາ 2018) ຄະນະກຳມະການປະມູນ ແລະ ຂາຍສິນຄ້າ ຂອງອະນຸກຳມະການກວດກາການເຄື່ອນໄຫວ, ຖານະການເງິນ ແລະ ຊັບສິນຂອງບໍລິສັດ ພີເອັສ ສົ່ງເສີມກະສິກຳ ແລະ ອຸດສາຫະກຳ ຄົບວົງຈອນ ຂາອອກ-ຂາເຂົ້າ ຈຳກັດຜູ້ດຽວ (PS) ໄດ້ອອກໜັງສືເຊີນມວນຊົນເຂົ້າຮ່ວມການປະມູນຊັບສິນຂອງບໍລິສັດ ພີເອັສ ເຊິ່ງສິນຄ້າທີ່ນຳມາປະມູນແມ່ນ ນໍ້າດື່ມລາວ ມູນຄ່າຕໍ່າສຸດ 1 ພັນ 3 ຮ້ອຍ ລ້ານກີບ.

ໃນໜັງສືເຊີນດັ່ງກ່າວ ລະບຸວ່າ ລາຍການນໍ້າດື່ມລາວທີ່ຈະນຳມາປະມູນນັ້ນ ປະກອບດ້ວຍນໍ້າດື່ມລາວ 4 ຂະໜາດຄື 250 ມິນລີລິດ, 350 ມິນລີລິດ, 600 ມິນລີລິດ ແລະ 1,500 ມິນລີລິດ ຈຳນວນກວ່າ 133,000 ແກັດ ເຊິ່ງຜູ້ທີ່ສົນໃຈສາມາດເຂົ້າໄປເບິ່ງສິນຄ້າໂຕຈິງໄດ້ທີ່ບໍລິສັດຕັ້ງແຕ່ວັນທີ 21-27 ກຸມພາ ໃນໂມງລັດຖະການ.

ທັງນີ້ ໃນແຈ້ງການໄດ້ກຳນົດວັນປິດຮັບຊອງປະມູນໃນວັນທີ 28 ກຸມພາ 2018 ເວລາ 09:00 ໂມງ ແລະ ເປີດຊອງປະມູນໃນເວລາ 10:00 ໂມງຂອງມື້ດຽວກັນ.

ສຳລັບ ຄະນະກຳມະການກວດກາການເຄື່ອນໄຫວ, ຖານະທາງການເງິນ ແລະ ຊັບສິນຂອງບໍລິສັດພີເອັສ ສົ່ງເສີມກະສິກຳ ແລະ ອຸດສາຫະກຳ ຄົບວົງຈອນ ຂາອອກ-ຂາເຂົ້າ ຈຳກັດຜູ້ດຽວ ນັ້ນ ໄດ້ຮັບການແຕ່ງຕັ້ງຂຶ້ນໃນວັນທີ 25 ທັນວາ 2017 ພາຍຫຼັງທີ່ເກີດເຫດຊຸມນຸມຂອງບັນດາສະມາຊິກທີ່ໄດ້ເອົາເງິນໄປຮ່ວມທຶນກັບບໍລິສັດ ເພື່ອກົດດັນໃຫ້ປະທານບໍລິສັດສົ່ງເງິນຄືນ.

 

ແຫລ່ງຂ່າວ : ໜັງສືພິມວຽງຈັນໃໝ່

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...