ເມິ່ງ ເວີ່ຍ ໂຄສົກຂອງຄະນະກຳມະການການປະຕິຮູບ ແລະ ພັດທະນາແຫ່ງຊາດຂອງຈີນ (ເອັນດີອາຣ໌ຊີ) ເປີດເຜີຍວ່າ ລັດຖະບານຈີນຕ້ອງຜັກດັນໃນການສ້າງງານໃນປະເທດ ແລະ ການສົ່ງເສີມການເປັນຜູ້ປະກອບການແນວນະໂຍບາຍຫຼັກປະຈຳປີນີ້ ເພື່ອຫຼຸດຈຳນວນປະຊາກອນວ່າງງານເກືອບ 10 ລ້ານຄົນໃນປະເທດ

ໂຄສົກເອັນດີອາຣ໌ຊີ ເສີມວ່າ ໃນປັດຈຸບັນຈຳນວນປະຊາກອນວ່າງງານໃນຈີນຢູ່ທີ່ 9.7 ລ້ານຄົນ ໂດຍສາເຫດການວ່າງງານສ່ວນໜຶ່ງມາຈາກການປັບຫຼຸດການຜະລິດສ່ວນເກີນໃນພາກອຸດສາຫະກຳ ຂະນະທີ່ນັກສຶກສາຈົບໃໝ່ໃນປີນີ້ມີກວ່າ 8.2 ລ້ານຄົນ

ທັງນີ້ ໃນການກະຕຸ້ນການຈ້າງງານ ລັດຖະບານຈະເລັ່ງຜັກດັນພາກອຸດສາຫະກຳໃໝ່ໆເຊັ່ນ: ພາກເທັກໂນໂລຢີ ແລະ ພາກບໍລິການ ໃຫ້ກາຍເປັນກົນໄກໃໝ່ຂັບເຄື່ອນການຂະຫຍາຍຕົວທາງເສດຖະກິດ ໂດຍເມິງລະບຸວ່າ ຈີນຈະອອກນະໂຍບາຍທາງປັດໄຈແວດລ້ອມເພື່ອນສະໜັບສະໜູນເສດຖະກິດດິຈິທັລ ຮວມເຖິງການສົ່ງເສີມພາກອຸດສາຫະກຳບິ໊ກດາຕ້າ ປັນຍາປະດິດ (ເອໄອ) ແລະ ອິນເຕີເນັດໃນຮູບແບບອຸດສາຫະກຳຫຼາຍຂຶ້ນ ນອກຈາກນີ້ລັດຖະບານຈີນຍັງກຽມປັບປຸງນະໂຍບາຍເພື່ອສະໜັບສະໜູນການຈະເລີນເຕີບ ໂຕຂອງບໍລິສັດເອກະຊົນອີກດ້ວຍ