spot_img
Homeນານາສາລະແກວ່ງແຂນ ນອກຈາກຫຼຸດພຸງແລ້ວ ຍັງຊ່ວຍປົວພະຍາດໄດ້ຫຼາຍຢ່າງ

ແກວ່ງແຂນ ນອກຈາກຫຼຸດພຸງແລ້ວ ຍັງຊ່ວຍປົວພະຍາດໄດ້ຫຼາຍຢ່າງ

Published on

ຫຼາຍຄົນຄົງສົງໄສ “ພຽງແຕ່ຢືນແກວ່ງແຂນຊື່ໆ ຈະໄດ້ຜົນລັບທີ່ດີເລີດແກ່ຮ່າງກາຍໄດ້ຈັ່ງໃດ?” ຄຳຖາມນີ້ເປັນຄຳຖາມທີ່ດີຫຼາຍແລະຕອບຢູ່ນີ້ເລີຍວ່າ ບໍ່ພຽງແຕ່ພຸງຍຸບລົງເທົ່ານັ້ນ ແຕ່ການແກວ່າງແຂນຍັງມີປະໂຫຍດຫຼວງຫຼາຍ ຢາກຮູ້ວ່າຄືຫຍັງ ແລະວິທີການແກວ່ງແຂນທີ່ຖືກຕ້ອງເຮັດຈັ່ງໃດແລະມັນໄດ້ຫຍັງແດ່ ມາອ່ານນຳກັນເລີຍ.
1. ຊ່ວຍໃຫ້ເລືອດລົມໄຫຼວຽນໄດ້ສະດວກ
ແພດຈີນບູຮານເຊື່ອວ່າ ສິ່ງທີ່ເປັນບັນຫາສຸຂະພາບພາຍໃນຮ່າງກາຍເກີດມາຈາກ “ເລືອດລົມ” ເປັນຫຼັກ ເພາະຖ້າຫາກເລືອດລົມພາຍໃນຮ່າງກາຍຂອງເຮົາຜິດປົກກະຕິ ພະຍາດຕ່າງໆ ຫຼວງຫຼາຍກໍຈະຫຸ້ມລຸມເຂົ້າມາ ແຕ່ “ການແກວ່າງແຂນ” ນີ້ລະທີ່ຈະຊ່ວຍໃຫ້ເລືອດລົມພາຍໃນຮ່າງກາຍໄຫຼວຽນໄດ້ສະດວກດີຂຶ້ນ ແລະບໍ່ຕິດຂັດງ່າຍໆ ເຊິ່ງແນ່ນອນວ່າຈະຊ່ວຍປ່ຽນສະພາບອະໄວຍະວະທີ່ຜິດປົກກະຕິໃຫ້ກັບມາເປັນແຂງແຮງອີກຢ່າງແນ່ນອນ.
2. ລະບົບນໍ້າເຫຼືອງເຮັດວຽກໄດ້ດີຂຶ້ນ
ບໍລິເວນຂີ້ແຮ້ ຄື ຈຸດຊຸມນຸມຂອງຕ່ອມນໍ້າເຫຼືອງ ການກະຕຸ້ນໃຫ້ນໍ້າເຫຼືອງໄຫຼວຽນດີຂຶ້ນດ້ວຍການແກວ່ງແຂນ ພ້ອມໆໄປກັບການຫາຍໃຈເລິກໆ ຈະຊ່ວຍໃຫ້ຕ່ອມນໍ້າເຫຼືອງໄດ້ເຄື່ອນໄຫວ ແລະເຮັດໃຫ້ນໍ້າເຫຼືອງໄຫຼວຽນໄປທົ່ວຮ່າງກາຍໄດ້ດີຍິ່ງຂຶ້ນ ເມື່ອລະບົບນໍ້າເຫຼືອງເຮັດວຽກໄດ້ດີ ມ້າມ ຕ່ອມທອນຊິນ ຕ່ອມໂທມັສ ທໍ່ນໍ້າເຫຼືອງ ເຊິ່ງເປັນລະບົບທີ່ຮ່າງກາຍສ້າງຂຶ້ນມາເພື່ອທຳຄວາມສະອາດ ຂົນຖ່າຍຂອງເສຍແລະສານພິດທີ່ສະສົມໃນຮ່າງກາຍ ກໍຈະເຮັດວຽກໄດ້ດີຂຶ້ນພ້ອມ.
3. ເພິ່ມພູມຄຸ້ມກັນຮ່າງກາຍ
ເມື່ອລະບົບນໍ້າເຫຼືອງດີ ການສ້າງເມັດເລືອດຂາວແອນຕີ້ບໍດີ້ຂອງລະບົບພູມຄຸ້ມກັນກໍຈະເຮັດວຽກໄດ້ດີຂຶ້ນ ເຮັດໃຫ້ອາຫານເຈັບປ່ວຍທີ່ທ່ານກຳລັງເປັນຢູ່ທຸເລົາລົງ ຫຼືມີສຸຂະພາບທີ່ແຂງແຮງຫຼາຍຂຶ້ນໄດ້ນັ້ນເອງ.
4. ຊ່ວຍຫຼຸດນໍ້າໜັກ
ການເຄື່ອນໄຫວຮ່າງກາຍໄປມາ ຍ່ອມເຮັດໃຫ້ທ່ານໃຊ້ພະລັງງານໄດ້ຫຼາຍຍິ່ງຂຶ້ນ ເຜົາຜານພະລັງງານໄດ້ດີ ແລະຊ່ວຍຫຼຸດຄວາມອ້ວນໄດ້ນັ້ນເອງ. ແກວ່ງແຂນຕິດຕໍ່ກັນພຽງ 10 ນາທີ ກໍຊ່ວຍຫຼຸດພຸງໄດ້ແລ້ວ.
5. ຫຼຸດຄວາມດັນເລືອດສູງ ຫຼຸດການສະສົມຂອງໄຂມັນ ຮັກສານໍ້າຕານໃນກະແສເລືອດ ຊະລໍການເສື່ອມຂອງເຂົ່າ ແລະຫຼຸດອາການປວດຄໍ ບ່າໄຫຼ່ ຈາກພະຍາດອັອບຟິດຊິນໂດຣມ.
6.ຫຼຸດໄຂມັນກ້ອງແຂນ
ຖ້າໃຜມີທ້ອງແຂນຍານ ໄຂມັນມັນຢ່ອນ ຢາກຫຼຸດແຂນດ້ວຍການແກວ່ງແຂນກໍສາມາດເຮັດໄດ້ ແຕ່ໃຫ້ເພິ່ມນໍ້າຫນັກດ້ວຍດຳເບວຫຼືຕຸກນໍ້າຂະໜາດພໍດີມືເຂົ້າໄປ ຮັບຮອງວ່າທັງສຸຂະພາບດີແລ້ວມີແຂນແຮວໄດ້ແນ່ນອນ.
ການແກວ່ງແຂນຕິດຕໍ່ກັນພຽງ 10 ນາທີ ບໍ່ແມ່ນໃຫ້ປະໂຫຍດຕໍ່ທ່ານພຽງເລື່ອງການອອກກຳລັງກາຍເທົ່ານັ້ນ ແຕ່ຫາກຕ້ອງການບັນເທົາໂລກໄພ ໄຂ້ເຈັບ ຫຼຸດຄວາມດັນເລືອດ ຫຼຸດໄຂມັນ ຮັກສາລະດັບນໍ້າຕານໃນເລືອດ ຊະລໍການເສື່ອມຂອງເຂົ່າ ຫຼຸດອາການປວດຄໍ ປວດບ່າໄຫຼ່ ຄວນຈະຕ້ອງເຮັດຕິດຕໍ່ກັນໃຫ້ດົນແລະເຮັດເລື້ອຍໆ.
ການກຽມໂຕກ່ອນແກວ່ງແຂນ
1. ນຸ່ງເຄື່ອງທີ່ບໍ່ຄັບຫຼືຮັດແໜ້ນເກີນໄປ
2. ອົບອຸ່ນຮ່າງກາຍດ້ວຍການສັ່ນແຂນ, ສັ່ນມື ແລະຕີນຈັກເລັກຫນ້ອຍ ພ້ອມໝຸນຫົວ ເພື່ອໃຫ້ກ້າມຊີ້ນແລະຮ່າງກາຍຜ່ອນຄາຍ ແລະພ້ອມຕໍ່ການແກວ່ງແຂນ ການກຽມພ້ອມທີ່ດີຈະຊ່ວຍໃຫ້ໄດ້ຮັບປະໂຫຍດຈາກການແກວ່ງແຂນຫຼາຍຂຶ້ນ.
ການແກວ່ງແຂນໃຫ້ໄດ້ປະໂຫຍດຕ້ອງເຮັດຢ່າງຖືກວິທີ ດັ່ງຕໍ່ໄປນີ້:
1. ຢືນກົງ ຕີນທັງສອງຂ້າງແຍກອອກຈາກກັນປະມານເທົ່າກັບບ່າໄຫຼ່ ປ່ອຍມືທັງ 2 ເບື້ອງລົງຂ້າງກະໂຕ ບໍ່ຄຶງ ແຕ່ຮຽງນິ້ວມືໃຫ້ຕິດກັນ ປິ່ນອົ້ງມືໄປທາງຫຼັງ.
2. ແວບທ້ອງນ້ອຍເຂົ້າ  ແອວຕັ້ງຊື່ ຢຽດຫຼັງ ຜ່ອນຄາຍກະດູກລຳຄໍ ຫົວ ແລະປາກ
3. ຈິກປາຍຕີນໄປກັບພື້ນ ສ່ວນສົ້ນຕີນກໍໃຫ້ອອກແຮງຢຽບລົງພື້ນໃຫ້ແໜ້ນ ແຮງຈົນຮູ້ສຶກວ່າກ້າມຊີ້ນທີ່ຄໍແຄ່ງແລະທ້ອງຕຶງ.
4. ສາຍຕາເບິ່ງຊື່ໄປຍັງຈຸດໃດຈຸດໜຶ່ງ ຕັ້ງສະມາທິໃຫ້ດີ ປົດປ່ອຍຄວາມກັງວົນຫຼືຄວາມນຶກຄິດຕ່າງໆ ອອກໃຫ້ໝົດ ລວມສະມາທິເອົາໄວ້ທີ່ຕີນເທົ່ານັ້ນ.
5. ຍົກມືແກວ່ງແຂນໄປທາງໜ້າຄ່ອຍໆ ແກວ່ງແຂນໃຫ້ເຮັດມຸມກັບກະໂຕປະມານ 30 ອົງສາ ນັບຈຳນວນຄັ້ງໄປເລື້ອຍໆ ຢ່າລືມອອກແຮງສົ້ນຕີນແລະແຂນນຳ ສ່ວນເວລາແກວ່ງແຂນກັບໄປທາງຫຼັງໃຫ້ອອກແຮງຫຼາຍແດ່ ໂດຍໃຫ້ຄວາມສູງຂອງແຂນເຖິງກະໂຕປະມານ 60 ອົງສາ.
ຈະເຫັນໄດ້ວ່າ ການແກວ່ງແຂນຢູ່ກັບທີ່ກໍມີປະໂຫຍດບໍ່ໜ້ອຍ ດີກວ່ານັ່ງເພິນໆເບິ່ງໂທລະທັດ ປາກຫຍໍ້າເຂົ້າໜົມຫຼາຍເທົ່າ ເຮັດກໍໄດ້ພຽງການອອກກຳລັງກາຍ ແຕ່ຖ້າເຮັດຫຼາຍກໍຊ່ວຍປ້ອງກັນພະຍາດໄດ້ເປັນຢ່າງດີ ຖ້າມືຂອງທ່ານກຳລັງວ່າງຢູ່ກໍມາແກວ່ງແຂນໄປພ້ອມກັບເຮົາ ຈະໄດ້ມີທັງຫຸ່ນທີ່ສວຍງາມໄປພ້ອມໆ ກັບສຸຂະພາບດີໆ ທີ່ຫາຊື້ບໍ່ໄດ້ຈາກໃສເລີຍ.

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...