spot_img
Homeອຸບັດເຫດແລະປາກົດການຫຍໍ້ທໍ້ສະຫຼຸບອຸບັດຕິເຫດໃນລາວປະຈຳປີ 2017

ສະຫຼຸບອຸບັດຕິເຫດໃນລາວປະຈຳປີ 2017

Published on

ສະເພາະປີ 2017 ຜ່ານມານີ້ ທົ່ວປະເທດມີອຸບັດເຫດເກີດຂຶ້ນທັງໝົດ 5.723 ຄັ້ງ ແລະມີຜູ້ເສຍຊີວິດ 1.021 ຄົນ ໃນນີ້ນະຄອນຫຼວງວຽງຈັນຕາຍຫຼາຍສຸດ ຮອງລົງມາແມ່ນສະຫວັນນະເຂດ ແລະຈຳປາສັກ.

ອີງຕາມຂໍ້ມູນຈາກກົມຕຳຫຼວດຈະ ລາຈອນທີ່ຂຶ້ນກັບກົມໃຫຍ່ຕໍາຫຼວດ ກະ ຊວງປ້ອງກັນຄວາມສະຫງົບເປີດເຜີຍ ໃຫ້ຮູ້ເມື່ອວັນທີ 4 ມັງກອນ 2018 ນີ້ວ່າ: ນັບແຕ່ເດືອນມັງກອນຫາເດືອນ ທັນວາ 2017 ທົ່ວປະເທດມີອຸບັດເຫດ ເກີດຂຶ້ນຕາມທ້ອງຖະໜົນທັງໝົດ 5.723 ຄັ້ງ, ມີພາຫະນະເປ່ເພ 10.334 ຄັນ,ເລັກນ້ອຍ 4.805 ຄັນ, ສົມຄວນ 5.193 ຄັນ, ໃຊ້ການບໍ່ໄດ້ 341 ຄັນ, ພ້ອມດຽວກັນນັ້ນ ຍັງມີຄົນຮັບບາດເຈັບ 9.360 ຄົນ, ເລັກນ້ອຍ 3.978 ຄົນ, ສົມຄວນ 3.753 ຄົນ, ສາຫັດ 1.382 ຄົນ ແລະເສຍຊີວິດທັງໝົດ 1.021 ຄົນ.

ສຳລັບການເກີດອຸບັດເຫດນະຄອນຫຼວງວຽງຈັນຍັງຄອງຕົວເລກຫຼາຍກວ່າໝູ່ເນື່ອງຈາກ​ເປັນຕົວເມືອງໃຫຍ່ມີປະຊາຊກອນອາໄສຢູ່ໜາແໜ້ນ ໂດຍມີທັງໝົດ 1.358 ຄັ້ງ ເສຍຊີວິດ 219 ຄົນ ສ່ວນແຂວງອື່ນໆກໍ່ມີຕົວເລກສູງ ເຊັ່ນກັນເຊັ່ນ: ແຂວງຜົ້ງສາລີເກີດ 113 ຄັ້ງເສຍຊີວິດ 11 ຄົນ, ອຸດດົມໄຊ 433 ຄັ້ງເສຍຊີວິດ 65 ຄົນ, ຫຼວງນ້ຳທາ 180 ຄັ້ງເສຍຊີວິດ 27 ຄົນ, ບໍ່ແກ້ວ 124 ຄັ້ງເສຍຊີວິດ 40 ຄົນ, ໄຊຍະບູລີ 93 ຄັ້ງເສຍຊີວິດ 54 ຄົນ, ຫຼວງພະບາງ 423 ຄັ້ງເສຍຊີວິດ 57 ຄົນ, ຫົວພັນ 38 ຄັ້ງເສຍຊີວິດ 15 ຄົນ, ຊຽງຂວາງ 135 ຄັ້ງ ເສຍຊີວິດ 35 ຄົນ, ໄຊສົມບູນ 37 ຄັ້ງເສຍຊີວິດ 6 ຄົນ, ວຽງຈັນ 485 ຄັ້ງເສຍຊີວິດ 79 ຄົນ, ບໍລິຄຳໄຊເກີດ 354 ຄັ້ງເສຍຊີວິດ 80 ຄົນ, ຄຳມ່ວນ 83 ຄັ້ງເສຍຊີວິດ 27 ຄົນ, ສະຫວັນນະເຂດເກີດ 662 ຄັ້ງເສຍຊີວິດ 114 ຄົນ, ສາລະວັນ 205 ຄັ້ງເສຍຊີວິດ 45 ຄົນ, ຈຳປາສັກ 751 ຄັ້ງເສຍຊີວິດ 94 ຄົນ, ເຊກອງ 161 ຄັ້ງເສຍຊີວິດ 42 ຄົນ ແລະທີ່ແຂວງອັດຕະປືອຸບັດ ເຫດເກີດຂຶ້ນທັງໝົດ 78 ຄັ້ງມີຄົນເສຍ ຊີວິດ 20 ຄົນ.

ຢ່າງໃດກໍ່ຕາມ ຜ່ານການສັງເກດ ຕົວເລກລວມຂອງການເກີດອຸບັດ​ເຫດ ໃນປີ 2017 ມາທຽບໃສ່ທັງໝົດຂອງປີ 2016 ຈຳນວນຄັ້ງແມ່ນມີຕົວເລກເພີ່ມ ຂຶ້ນ ແຕ່ຜູ້ເສຍຊີວິດແມ່ນມີຈຳນວນຫຼຸດລົງ ໂດຍຂໍ້ມູນຈາກສູນສະຖິຕິແຫ່ງຊາດ ລະບຸວ່າ: ໃນປີ 2016 ທົ່ວປະເທດມີອຸ ບັດເຫດທັງໝົດ 5.616 ຄັ້ງ ແລະມີຜູ້ ເສຍຊີວິດ 1.086 ຄົນ.

 

ແຫລ່ງຂ່າວ: ໜັງສືພິມ ເສດຖະກິດ-ສັງຄົມ

 

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...