ເມື່ອວັນທີ 24 ທັນວາ 2017 ຈາກກໍລະນີທີ່ຄະນະລັດຖະມົນຕີຄວາມໝັ້ນຄົງແຫ່ງສະຫະປະຊາຊາດ ຫຼື ຢູເອັນເອສຊີ ໄດ້ລົງມະຕິຂວ້ຳບາດຮອບໃໝ່ ຫຼັງຈາກທີ່ເກົາຫຼີໃຕ້ໄດ້ເຮັດການທົດສອບຂີປະນາວຸດຂ້າມທະວີບຄັ້ງຫຼ້າສຸດ ເມື່ອວັນທີ 29 ພະຈິກ ທີ່ຜ່ານມາ ໂດຍການຂວ້ຳບາດໃນເທື່ອນີ້ກວມລວມໄປຮອດການສົ່ງອອກນ້ຳມັນໄປທີ່ເກົາຫຼີເໜືອ ເຊິ່ງຈະມີການຈຳກັດການສົ່ງອອກຜະລິດ ຕະພັນປິໂຕຣລຽມທີ່ຜ່ານມາໄວ້ທີ່ 500,000 ບາຣຣອນຕໍ່ປີ ຕາມມະຕິສະຫະປະຊາຊາດສະບັບໃໝ່
ຫຼ້າສຸດສຳນັກຂ່າວກາງຂອງເກົາຫຼີເໜືອ ໄດ້ອອກເຜີຍແຜ່ຖະແຫຼງການ ຂອງກະຊວງການຕ່າງປະເທດເກົາຫຼີເໜືອວ່າ ສະຫະລັດອາເມລິກາເກີດຢ້ານກົວຕໍ່ໂຄງການພັດທະນາ ແລະ ທົດສອບນິວເຄຣຍຂອງເກົາຫຼີເໜືອ ຈິ່ງເລັ່ງໜ້າກົດດັນໃຫ້ປະເທດຕ່າງໆ ແລະ ສະຫະປະຊາຊາດຂວ້ຳບາດເກົາຫຼີເໜືອ ໂດຍການປິດໂອກາດທາງເສດຖະກິດຂອງເກົາຫຼີເໜືອທຸກທາງ ຈົນກາຍເປັນການຄຸກຄາມອະທິປະໄຕຂອງປະເທດ
ເຊິ່ງການຮຽກຮ້ອງຂວ້ຳບາດຂອງສະຫະລັດໃນເທື່ອນີ້ ຖືເປັນການຜັກດັນໃຫ້ເກົາຫຼີເໜືອເລັ່ງເດີນໜ້າພັດທະນາ ແລະ ທົດສອບນິວເຄຣຍຕໍ່ໄປຢ່າງຕໍ່ເນື່ອງ ເພື່ອປ້ອງກັນໄພຄຸກຄາມໃຫ້ກັບປະເທດຕົນເອງ ເຊິ່ງຖ້າຫາກປະເທດໃດເຫັນດີ ແລະ ສະໜັບສະໜູນການຂວ້ຳບາດນີ້ ປະເທດນັ້ນໆຈະຕ້ອງຮັບຜິດຊອບຕໍ່ຜົນກະທົບທີ່ຈະຕາມມາຢ່າງເຖິງທີ່ສຸດ