ເກີດເຫດດິນເຈື່ອນທັບຖົມຫມູ່ບ້ານແຫ່ງຫນື່ງ ໃນພື້ນທີ່ຕອນໃຕ້ຂອງປະເທດຊິເລ ເຮັດໃຫ້ມີຜູ້ເສຍຊີວິດ 5 ຄົນ ແລະ ສູນຫາຍອີກ 15 ຄົນ ລ່າສຸດ ທ່ານປະທານປະເທດ ແຫ່ງປະເທດຊິເລ ທ່ານ ມິດສ໌ເຊລ ບາເຊເລດທ໌ ໄດ້ປະກາດໃຫ້ພື້ນທີ່ດັ່ງກ່າວເປັນເຂດໄພພິບັດທາງທຳມະຊາດ ແລະ ໄດ້ສັ່ງລະດົມທຸກພາກສ່ວນເຂົ້າໃຫ້ການຊ່ວຍເຫລືອເປັນຢ່າງດ່ວນ. 
ອັນເນື່ອງຈາກການໄດ້ຮັບມໍລະສຸມຝົນຕົກຫນັກຕິດຕໍ່ກັນ 1 ມື້ເຕັມໆ ປະລິມານນໍ້າຝົນ 14 ມິນລິແມັດ ໃນເວລາ 24 ຊົ່ງໂມງ ໃນເມືອງ ຊານຕາລູເຊຍ ຂອງລັດ ຊາຍຝັ່ງປາຕາໂກເນຍ, ມື້ວານນີ້ ຈື່ງເຮັດໃຫ້ເກີດດິນເຈື່ອນທັບຖົມຫມູ່ບ້ານແຫ່ງຫນື່ງ ທີ່ຢູ່ໃກ້ກັບ ສວນສາທາລະນະແຫ່ງຊາດ ຄອລໂຄວາໂດ ເຊີ່ງເປັນສະຖານທີ່ທ່ອງທ່ຽວທີ່ໄດ້ຮັບຄວາມນິຍົມກ່ຽວກັບເລື່ອງພູໄຟ ແລະ ປ່າໄມ້, ເປັນຜົນກະທົບເຮັດໃຫ້ອາຄານໂຮງຮຽນ, ບ້ານເຮືອນປະຊາຊົນ ຫລາຍຫລັງ ລວມໄປເຖີງຫນ່ວຍຄະນະເລືອກຕັ້ງປະທານປະເທດ ໃນຮອບທີສອງ ທີ່ຈະເປີດໃຫ້ຜູ້ຄົນໄດ້ໄປຊົມໃຊ້ສິດ ໄດ້ຮັບຄວາມເສຍຫາຍເປັນຢ່າງຫນັກ ມີລາຍງານຜູ້ເສຍຊີວິດແລ້ວ 5 ຄົນ ເຊີ່ງແມ່ນປະຊາຊົນປະເທດ ຊິເລ 4 ຄົນ ແລະ ນັກທ່ອງທ່ຽວຕ່າງຊາດອີກ 1 ຄົນ ແລະ ຍັງມີລາຍງານຜູ້ສູນຫາຍອີກ 15 ຄົນ.
ເຈົ້າຫນ້າທີ່ກູ້ໄພໃນປະຈຸບັນແມ່ນໄດ້ລະດົມກຳລັງໃນການຄົ້ນຫາຜູ້ທີ່ອາດລອດຊີວິດຢ່າງຕໍ່ເນື່ອງ. ສຳລັບການເລືອກຕັ້ງປະທານປະເທດແມ່ນຈະໄດ້ດຳເນີນເປັນຄັ້ງທີ ສາມ ໃນພາຍຫລັງ.
ແຫລ່ງຂ່າວ: ຕ່າງປະເທດ 3