ລາຍງາານຂ່າວ ຈາກ ສຳນັກຂ່າວ ເດີຊັນ ລາຍງານຂໍ້ມູນວ່າ: ລຽບແຄມຝັ່ງທະເລຂອງປະເທດເກົາຫລີໃຕ້ ມີປ້າຍຕິດປະກາດເພື່ອແຈ້ງເຕືອນນັກທ່ອງທ່ຽວ ແລະ ປະຊາຊົນໃຫ້ລະວັງລະເບີດທີ່ເກົາຫລີເຫນືອໄດ້ສົ່ງລອຍຕາມທະເລມາຫລາຍກວ່າ 110 ລູກ ຂື້ນທີ່ແຫລ່ງທ່ອງທ່ຽວຊື່ດັງ ຊາຍຫາດດົງມັດ, ເກາະກັງຮາວາ ປະເທດເກົາຫລີໃຕ້. ໂດຍເປົ້າໝາຍແມ່ນກໍ່ຄວາມວຸ່ນວາຍ ແລະ ສັງຫານ ນັກທ່ອງທ່ຽວ.
ຈາກການຄົ້ນພົບກະແສລົມທີ່ພັດຜ່ານຄື້ນນໍ້າທະເລທີ່ຜູ້ນຳເກົາຫລີເຫນືອໄດ້ຄົ້ນພົບວ່າມັນຈະສາມາດນຳເອົາລະເບີດໄປເຖີງຊາຍຫາດ ດົງມັດໄດ້ ຈົນເຮັດໃຫ້ທາງການຂອງເກົາຫລີໃຕ້ຕ້ອງໄດ້ອອກມາປະກາດເປັນການດ່ວນຕໍ່ກັບໄພດັ່ງກ່າວຕໍ່ກັບວັດຖູທີ່ລອຍມາຕາມຝັ່ງ ແລະ ອາດຍັງມີມາເພີ່ມອີກ.
ທາງການຂອງເກົາຫລີໃຕ້ໄດ້ອອກມາແຈ້ງການຕໍ່ກັບປະຊາຊົນ ແລະ ນັກທ່ອງທ່ຽງເພີ່ມອີກ ຖ້າພົບເຫັນວັດຖູຕ້ອງສົງໄສທີ່ລອຍມາຕາມທະເລແມ່ນໃຫ້ແຈ້ງຕໍ່ເຈົ້າຫນ້າທີ່ເປັນການດ່ວນທີ່ສຸດ.
ແຫລ່ງຂ່າວ: ເດີຊັນ