spot_img
Homeຂ່າວທ້ອງຖິ່ນຝົນຕົກໜັກຕໍ່ເນື່ອງ 2 ວັນຜ່ານມາ ຖະໜົນຫຼາຍສາຍຢູ່ນ້ຳຖ້ວມຂັງ

ຝົນຕົກໜັກຕໍ່ເນື່ອງ 2 ວັນຜ່ານມາ ຖະໜົນຫຼາຍສາຍຢູ່ນ້ຳຖ້ວມຂັງ

Published on

 

ຂປລ. ຝົນຕົກຢ່າງຕໍ່ເນື່ອງແຕ່ວັນທີ 1-2 ເດືອນກັນຍາ 2014 ເຮັດໃຫ້ພື້ນທີ່ຫລາຍຈຸດ ແລະ ຖະໜົນຫລາຍສາຍຢູ່

ນະຄອນຫລວງວຽງຈັນມີນ້ຳຖ້ວມຂັງ ຂະນະທີ່ໂຮງຮຽນປະຖົມຂອງລັດບາງແຫ່ງໄດ້ຢຸດການຮຽນ-ການສອນຊົ່ວຄາວ.

 

ສະພາບນ້ຳຖ້ວມຂັງໃນ 2 ວັນນີ້ ໃນນະຄອນຫລວງວຽງຈັນ ລວມມີຫລາຍບ້ານຢູ່ແຕ່ລະເມືອງ, ລວມທັງສຳນັກງານ

ອົງການ ແລະ ຖະໜົນຫົນທາງ, ເຮັດໃຫ້ການສັນຈອນເປັນໄປດ້ວຍຄວາມຍາກລຳບາກ ເປັນຕົ້ນ: ຖະໜົນທາດຫຼວງ

-ຫົວຂົວ, ຄ້ອຍ 3 ແຍກໂຮງໝໍມິດຕະພາບ (150 ຕຽງ)- ໂພນຕ້ອງ, ຖະໜົນສຸພານຸວົງ ເຂດວັດຫົວເມືອງ, ແຕ່ 3

ແຍກບ້ານສະຫວ່າງ-4ແຍກທົ່ງສ້າງນາງ, ຖະໜົນເຂດດົງໂດກ-ສີເກີດ, ເສັ້ນທາງຕໍ່ໜ້າວິທະຍຸກະຈາຍສຽງແຫ່ງຊາດ,

3 ແຍກຈີ່ນາຍໂມ້ ແລະ ຖະໜົນອື່ນໆ, ສ່ວນໂຮງຮຽນປະຖົມສົມບູນບ້ານຮ່ອງແກ ເມືອງໄຊເສດຖາ ກໍໄດ້ຢຸດການຮຽນ

-ການສອນຊົ່ວຄາວ ເນື່ອງຈາກນ້ຳຖ້ວມຫ້ອງຮຽນ.

 

ທັງນີ້ເຂດດັ່ງກ່າວເປັນບ່ອນຫລຸບກວ່າເຂດອື່ນ, ອີກສາເຫດໜຶ່ງ ແມ່ນຮ່ອງລະບາຍນ້ຳນ້ອຍ, ບໍ່ມີການລ່ວງຮ່ອງລະ

ບາຍນ້ຳ ເພື່ອໃຫ້ຂີ້ເຫຍື້ອ ແລະ ຂີ້ຊາຍທີ່ອຸດຕັນທໍ່ລະບາຍນ້ຳຖືກສະລ້າງອອກໄປ ເມື່ອມີຝົນຕົກໜັກຕໍ່ເນື່ອງ ຈຶ່ງເຮັດ

ໃຫ້ນ້ຳຍຶ່ງຂຶ້ນ ແລະ ລະບາຍນ້ຳບໍ່ທັນ.

 

ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຍັງໄດ້ແຈ້ງວ່າ ຝົນຍັງຈະສືບ

ຕໍ່ຕົກຮອດວັນທີ 5 ເດືອນກັນຍາ ໂດຍໃນນະຄອນຫລວງມີປະລິມານນ້ຳຝົນ 101 ມິລີແມັດ, ລະດັບນ້ຳຂອງໃນວັນທີ 2

ເດືອນກັນຍາມີ 8,70 ແມັດ ແລະຈະເພີ່ມເປັນ 8,89 ແມັດໃນວັນທີ 3 ເດືອນກັນຍາ 2014 ຂະນະທີ່ແຂວງອື່ນໆ ມີປະລິ

ມານນ້ຳຝົນສູງສຸດພຽງ 50 ມິລີແມັດເທົ່ານັ້ນ. ສຳລັບຝົນທີ່ຕົກໃນຕອນນີ້ ເປັນອິດທິພົນມາຈາກ ຮ່ອງຄວາມກົດດັນ

ອາກາດຕ່ຳພັດຜ່ານຢູ່ທົ່ວທຸກພາກຂອງລາວ ດ້ວຍກຳລັງປານກາງ, ສົມທົບກັບມໍລະສຸມຕາເວັນຕົກສ່ຽງໃຕ້ ພັດປົກ

ຄຸມເປັນສ່ວນໃຫຍ່ ຈຶ່ງເຮັດໃຫ້ມີຝົນຕົກຟ້າຄະນອງ.

 

ແຫຼ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...