ພະຍາດອີໂບລາຕ່າງສາຍພັນ ລະບາດໃນຄອງໂກ ເສຍຊີວິດແລ້ວ 31 ລາຍ WHO ຢືນຢັນ ບໍ່ກ່ຽວຂ້ອງກັບການລະບາດ

ໃນອາຟຣິກາຕາເວັນຕົກ.

ໃນວັນທີ 2 ກັນຍາ 2014 ຜ່ານມານີ້ ຕາມແຫຼ່ງຂ່າວຂອງຕ່າງປະເທດລາຍງານວ່າ ປະຊາຊົນໃນສາທາລະນະລັດຄອງໂກ

ເສຍຊີວິດໄປແລ້ວ 31 ຄົນ ຫຼັງຈາກເກີດການລະບາດຂອງອີໂບລາຕ່າງສາຍພັນພາຍໃນປະເທດ ໂດຍຄັ້ງນີ້ເປັນການລະ

ບາດຄັ້ງທີ 7 ແລ້ວ ໃນຮອບ 38 ປີ.

ລາຍງານຂ່າວໄດ້ລະບຸວ່າ ການລະບາດຂອງເຊື້ອອີໂບລາຕ່າງສາຍພັນນີ້ ເລີ່ມຕົ້ນຂຶ້ນເມື່ອເດືອນສິງຫາທີ່ຜ່ານມາ ພາຍ

ໃນບໍລິເວນທີ່ຫ່າງໄກໃນແຂວງອີຄວາເຕີ້ ທາງຕອນເໜືອຂອງປະເທດ ໂດຍໃນວັນທີ 11 ສິງຫາ 2014 ຜ່ານມານີ້ ທາງ

ກະຊວງສາທາລະນະສຸກຂອງຄອງໂກ ໄດ້ຢືນຢັນຕົວເລກຜູ້ເສຍຊີວິດຢູ່ທີ່ 31 ຄົນ ກ່ອນທີ່ຈະເປີດເຜີຍໃນວັນທີ 25 ສິງຫາ

2014 ນີ້ວ່າ ການລະບາດຂອງເຊື້ອອີໂບລາໃນຄອງໂກນີ້ ເປັນການລະບາດຄັ້ງທີ 7 ແລ້ວ ນັບຕັ້ງແຕ່ກວດພົບເຊຶ້ອຄັ້ງທຳ

ອິດໃນປີ 1976 ຫຼື ເມື່ອ 38 ປີກ່ອນ ໂດຍບໍ່ມີຄວາມກ່ຽວຂ້ອງກັນກັບການລະບາດ ຂອງເຊຶ້ອອີໂບລາໃນອາຟຣິກາຕາເວັນ

ຕົກ ທີ່ໄດ້ພາກຊີວິດຜູ້ຕິດເຊື້ອໄປແລ້ວກ່ວາ 1,500​ ຄົນ.

ດ້ານອົງການອານາໄມໂລກ (WHO) ໄດ້ເປີດເຜີຍລ່າສຸດໂດຍຢືນຢັນວ່າ ເຊື້ອໄວຣັສອີໂບລາ ທີ່ລະບາດໃນຄອງໂກນັ້ນ

ບໍ່ແມ່ນເຊື້ອທີ່ລະບາດຈາກອາຟຣິກາຕາເວັນຕົກໃນຕອນນີ້ ແຕ່ເປັນເຊື້ອໄວຣັສທີ່ຕ່າງສາຍພັນກັນ, ແນວໃດກໍຕາມ

ເຊື້ອດັ່ງກ່າວ ຍັງຄົງຢູ່ໃນກຸ່ມອີໂບລາຊີອາຄືກັນ.

ສຳລັບການລະບາດຂອງເຊື້ອອີໂບລາ ໃນສາທາລະນະລັດຄອງໂກນັ້ນ ອົງການອານາໄມໂລກເປີດເຜີຍວ່າ ໃນຂະນະນີ້ມີ

ຜູ້ຕິດເຊື້ອແລ້ວ 53 ຄົນ, ເສຍຊີວິດແລ້ວ 31 ຄົນ ແລະ ນອກຈາກນີ້ ຍັງມີປະຊາຊົນອີກ 185 ຄົນ ທີ່ຢູ່ພາຍໃຕ້ການເຝົ້າ

ລະວັງຕິດຕາມຈາກແພດ ຫຼັງພົບວ່າເປັນຜູ້ໃກ້ຊິດ ແລະ ສຳຜັດກັບຄົນເຈັບ.