Home​ຂ່າວບັນເທິງເຜີຍ 2 ຊຸດປະຈຳຊາດລາວທີ່ຈະໃຊ້ປະກວດຮອບ Dance of the world

ເຜີຍ 2 ຊຸດປະຈຳຊາດລາວທີ່ຈະໃຊ້ປະກວດຮອບ Dance of the world

Published on

ການປະກວດ Miss World 2017 ຮອບຕັດສິນຈະຈັດຂຶ້ນໃນວັນທີ 18 ພະຈິກ 2017 ຢູ່ ສ.ປ.ຈີນ ເປັນອີກຫນຶ່ງເວທີ ທີ່ ສປປ ລາວ ໄດ້ສົ່ງນາງງາມເຂົ້າຮ່ວມປະກວດເປັນປີທຳອິດ ໂດຍນາງງາມຕົວແທນຈາກລາວ ຫຼື Miss World Laos 2017 ແມ່ນນາງ ຕົ້ນຄຳ ໂພນຈັນເຮືອງ 

ແຟນຄລັບທັງປະເທດຕ້ອງລຸ້ນກັນ  ຫຼັງທາງໄອຈີກອງປະກວດ Miss World Laos ໄດ້ເຜີຍ 2 ຊຸດປະຈຳຊາດລາວອອກມາໃຫ້ເຫັນ ເມື່ອວັນທີ 12 ພະຈິກ 2017 ທີ່ຜ່ານມາ ແຕ່ປັດຈຸບັນຍັງບໍ່ໄດ້ສະຫຼຸບຢ່າງເປັນທາງການວ່າຈະເລືອກຊຸດໃດດີ 1 ຫຼື 2 ໃຫ້ ນາງ ຕົ້ນຄຳ ໂພນຈັນເຮືອງ ທີ່ຈະນຸ່ງໃນຮອບ Dance of the world ເຊິ່ງທາງກອງປະກວດກໍ່ໄດ້ເປີດໃຫ້ແຟນໆຊາວລາວທົ່ວປະເທດຮ່ວມໂຫວດເລືອກຊຸດປະຈຳຊາດໃນຄັ້ງນີ້

  1. ຊຸດ “ເມືອງຫຼວງພະບາງ” ຈາກຮ້ານພູນສຸກເວດດິ້ງຫຼວງພະບາງ

2. ຊຸດ “ລາວທັນສະໄຫມ” ເຊິ່ງອອກແບບໂດຍ ບິນລີ້ ສີອຳພັນ ນັກອອກແບບໜຸ່ມນ້ອຍຈາກໂຄງການປະກວດ Young Designer ຂອງ Lao Fashion Week ປີ 2015

ສຳລັບທ່ານໃດທີ່ສົນໃຈເປັນສ່ວນໜຶ່ງໃນການເລືອກຊຸດສາມາດເຂົ້າໂຫວດໄດ້ທີ່: IG: misslaos_up

ແລະ ທ່ານສາມາດສົ່ງກຳລັງໃຈໄປຊ່ວຍເຊຍ ນາງ ຕົ້ນຄຳ ໂພນຈັນເຮືອງ Miss World Laos 2017 ໃຫ້ໄດ້ເຂົ້າໄປເຖິງຮອບເລິກໆ ພຽງທ່ານເຂົ້າໄປທີ່ #Missworld2017 #Voting #MissWorldLaos
ແລ້ວເຂົ້າໄປກົດໄລນ໌ ຫຼື ແຊຣ໌ຮູບ ພຽງເທົ່ານີ້ທ່ານກໍ່ສາມາດເປັນສ່ວນໜຶ່ງໃນການຊ່ວຍນາງງາມຈາກ ສປປ ລາວໄດ້

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...