ເມື່ອວັນທີ 9 ພະຈິກ 2017ນີ້ ສຳນັກຂ່າວ China Xinhua News ລາຍງານວ່າ ຜູ່ນຳທັງສອງປະເທດ ຈີນ-ສະຫະລັດ ຮ່ວມສັງເກດການລົງນາມບັນທຶກຄວາມເຂົ້າໃຈ (MOUs) ແລະ ຂໍ້ຕົກລົງທາງການຄ້າໃນອຸດສາຫະກຳຕ່າງໆເຊັ່ນ: ກ໊າຊທຳມະຊາດ, ການບິນ, ຖົ່ວເຫຼືອງ ແລະ ການທະນາຄານ ເຊິ່ງມີມູນຄ່າກວ່າ 253.500 ລ້ານໂດລາ ສ້າງສະຖິຕິໃໝ່ໃນສາຍສຳພັນການຄ້າຈີນ-ສະຫະລັດ

ທັງນີ້ການເດີນທາງຢ້ຽມຢາມຈີນຄັ້ງທຳອິດຂອງ ທຣັມ ເຂົາໄດ້ພານັກທຸລະກິດຊັ້ນນຳຂອງສະຫະລັດຫຼາຍກວ່າ 20 ຄົນ ຈາກທຸລະກິດຂະໜາດໃຫຍ່ຫຼາກຫຼາຍປະເພດເຊັ່ນ: ພະລັງງານ, ການເງິນ, ອຸດສາຫະກຳ ແລະ ການກະສິກຳ ຮ່ວມເດີນທາງໄປພ້ອມ