ການຄໍຣັບຊັ່ນ ບັນຫາໃຫຍ່ທີ່ຈ່ອງດຶງການພັດທະນາປະເທດ ກຳລັງຖືກກຳຈັດ ແລະ ກວດລ້າງຄັ້ງໃຫຍ່ໃນຊາອຸດິອາຣະເບຍ ເມື່ອມົງກຸດຣາຊກຸມມານເຮັດແທ້ ຕັ້ງໜ່ວຍງານການເພື່ອຕໍ່ສູ້ກັບການທຸຈະລິດໃນທຸກລະດັບ
.
ຊາອຸດິອາຣະເບຍ ຈັດຕັ້ງການຕໍ່ຕ້ານການຄໍຣັບຊັ່ນ ເຊິ່ງໄດ້ກວດລ້າງຈັບເຈົ້າຊາຍ ເຈົ້າໜ້າທີ່ລະດັບສູງ ທັງອະດີດ ແລະ ລັດຖະມົນຕີປັດຈຸບັນລວມ 38 ຄົນ ໂດຍກະຊວງການສື່ສານຂອງປະເທດອອກຖະແຫຼງການພຣະບຣົມຣາຊໂອງການ ມົງກຸດຣາຊກຸມມານ Mohammed Bin Salman ໄດ້ອອກຄຳສັ່ງກໍ່ຕັ້ງໜ່ວຍງານນີ້ເປັນສ່ວນໜຶ່ງຂອງການປະຕິຮູບ ເພື່ອແກ້ໄຂບັນຫາໄລຍະຍາວຂອງອຸປະສັກໃນການພັດທະນາປະເທດ
.
ໜຶ່ງໃນເຈົ້າຊາຍທີ່ຖືກຈັບກຸມຄື ເຈົ້າຊາຍ Alwaleed bin Talal ເສດຖີນັກທຸລະກິດຜູ້ເປັນເຈົ້າຂອງ 95% ຂອງບໍລິສັດ Kingdom Holding ທັງຍັງຖືຫຸ້ນບໍລິສັດລະດັບໂລກຢ່າງ Citigroup, Twitter, Apple ແລະ News Corp. ໂດຍຫຼັງຈາກຖືກຈັບກຸມຕົວມູນຄ່າຊັບສິນຂອງເຂົາທີ່ລັດຢຶດຫາຍໄປກວ່າ 750 ລ້ານໂດລາ ສ່ວນເຈົ້າຊາຍອີກ 3 ພຣະອົງທີ່ດຳລົງຕຳແໜ່ງລັດຖະມົນຕີເສດຖະກິດ ແລະ ການວາງແຜນ, ລັດຖະມົນຕີກະຊວງປ້ອງກັນປະເທດ ແລະ ຜູ້ບັນຊາການກອງທັບຕ່າງກໍ່ຖືກປົດອອກຈາກຕຳແໜ່ງ
ກ່ອນໜ້ານີ້ມົງກຸດຣາຊກຸມມານ Bin Salman ໄດ້ປ່ຽນກົດໝາຍ ເປີດກວ້າງໃຫ້ແມ່ຍິງໃນສັງຄົມມີເສລີພາບຫຼາຍຂຶ້ນ ທັງການອະນຸຍາດໃຫ້ແມ່ຍິງຂັບລົດໄດ້ ແລະ ໃຫ້ເຂົ້າສະໜາມກິລາໄດ້ ທັງຍັງໃຫ້ສັນຍາວ່າຈະປ່ຽນແປງປະເທດໃຫ້ກາຍເປັນ ອິສລາມສາຍກາງທີ່ເປີດກວ້າງໃຫ້ກັບທຸກສາສະໜາ.
.