Homeຂ່າວພາຍ​ໃນສະຫະກອນຜູ້ຜະລິດກາເຟພູພຽງບໍລະເວນ ສະຫຼອງຜົນສໍາເລັດ 10 ປີ

ສະຫະກອນຜູ້ຜະລິດກາເຟພູພຽງບໍລະເວນ ສະຫຼອງຜົນສໍາເລັດ 10 ປີ

ຂ່າວພາຍ​ໃນ

Published on

By ນັກຂ່າວ ລາວໂພສ
2297
ວັນທີ 27 ຕຸລາ 2017 ຢູ່ທີ່ໂຮງງານແປຮູບ ບ້ານອຸດົມສຸກ (ຫຼັກ24) ເມືອງບາຈຽງຈະເລີນສຸກ ແຂວງຈໍາປາສັກ ສະຫະກອນ ຜູ້ຜະລິດກາເຟ ເຂດພູພຽງບໍລະເວນ (ສຜກ) ໄດ້ຈັດພິທີສະຫຼອງຜົນສໍາເລັດໄລຍະ 10 ປີ ຂອງຕົນ ໂດຍໃຫ້ກຽດເຂົ້າຮ່ວມຂອງທ່ານ ປອ. ພວງປາຣິສັກ ປຣະວົງວຽງຄໍາ ຮອງລັດຖະມົນຕີກະຊວງກະສິກໍາ-ປ່າໄມ້, ທ່ານ ບົວສອນ ວົງສອງຄອນ ຮອງເຈົ້າແຂວງຈໍາປາສັກ, ມີແຂກຖືກເຊີນທັງພາຍໃນ-ຕ່າງປະເທດ, ນັກທຸລະກິດ ແລະ ສະມາຊິກສະຫະກອນເຂົ້າຮ່ວມ.
ທ່ານ ໄຊຍະກອນ ອ່ອນນາລີ ຜູູ້ຈັດການຂອງ ສຜກ ໄດ້ລາຍງານປະຫວັດຄວາມເປັນມາ ແລະ ຜົນສໍາເລັດໃນແຕ່ລະດ້ານໄລຍະ 10 ປີຜ່ານມາຂອງ ສຜກ ເຊິ່ງສະຫະກອນດັ່ງກ່າວຖືກສ້າງຕັ້ງຂຶ້ນໃນປີ 2007 ແລະ ໃນປັດຈຸບັນມີສະມາຊິກທັງໝົດ 1.093 ຄອບຄົວ,ມີເນື້ອທີ່ສວນໂດຍສະເລ່ຍ 3 ເຮັກຕາຕໍ່ຄອບຄົວ, ມີກຸ່ມຜະລິດທັງໝົດ 47 ກຸ່ມ, ໃນຈໍານວນ 45 ບ້ານຂອງ 3 ແຂວງທີ່ນອນໃນເຂດພູພຽງບໍລະເວນຄື: ແຂວງຈໍາປາສັກ, ແຂວງສາລະວັນ, ແຂວງເຊກອງ. ມີສູນອີ້ວກາເຟທາງປຽກ 34 ສູນ, ເພື່ອໃຫ້ສະມາຊິກຮ່ວມກັນຜະລິດກາເຟນ້ອຍ, ກາເຟກາງທີ່ມີຄຸນນະພາບສູງ. ມີໂຮງງານ ແລະ ຫ້ອງທົດລອງ 1 ແຫ່ງເພື່ອເປັນສະຖານທີ່ເກັບຮັກສາ, ຄັດແຍກຄຸນນະພາບກາເຟ ກ່ອນການສົ່ງອອກ ຊຶ່ງມີປະສິດທິພາບໃນການຜະລິດ 20 ໂຕນຕໍ່ມື້ ແລະ ຍັງເປັນບ່ອນຜະລິດກາເຟຂົ້ວຂາຍພາຍໃນປະເທດ.ສໍາລັບປີ 2007 ສະຫະກອນສາມາດຜະລິດກາເຟໄດ້ 49.198 ໂຕນ (ໝາກແດງ) ແລະ ໃນປີ 2016-2017 ນີ້ສາມາດຜະລິດໄດ້ 7.382 ໂຕນ (ໝາກແດງ), ໄດ້ສົ່ງຂາຍອອກເປັນໝາກສ້ອມທັງໝົດ 7.104 ໂຕນ, ໃນນັ້ນມີກາເຟນ້ອຍ 5.891 ໂຕນ, ກາເຟກາງ 1.213 ໂຕນ. ພ້ອມນີ້ທາງສະຫະກອນ ກໍ່ໄດ້ສົ່ງກາເຟໝາກສ້ອມ ອອກໄປຫຼາຍປະເທດໃນທົ່ວໂລກ ເປັນຕົ້ນທະວີບອາຊີ: ສປ ຈີນ, ສ ເກົາຫຼີ, ຍີ່ປຸ່ນ, ສິງກະໂປ, ອົດສະຕຣາລີ. ທະວີບເອີລົບ:ປະເທດ ຝຼັ່ງ, ເບນຊິກ, ຊູແອດ, ສະວິສ. ທະວີບອາເມລິກາ: ສະຫະລັດອາເມລິກາ.
ໂອກາດນີ້ທ່ານ ປອ. ພວງປາຣິສັກ ປຣະວົງວຽງຄໍາ ໄດ້ໃຫ້ກຽດມອບໃບຍ້ອງຍໍ ຂອງລັດຖະມົນຕີກະຊວງກະສິກໍາ ແລະ ປ່າໄມ້ໃຫ້ແກ່ກົມກອງລວມໝູ່ ທີ່ມີຜົນງານດີເດັ່ນໃນການປະກອບສ່ວນຕໍ່ວຽກງານການພັດທະນາຂະແໜງກາເຟລາວ ໄດ້ຮັບຜົນສໍາເລັດເປັນຢ່າງດີຄື: ສະຫະກອນຜູ້ຜະລິດກາເຟ ເຂດພູພຽງບໍລະເວນ, ບໍລິສັດ ມາລອງໂກ (Malongo) ປະເທດຝຼັ່ງ. ຈາກນັ້ນຄະນະຜູ້ແທນກໍ່ໄດ້ເຄື່ອນໄຫວຢ້ຽມຢາມໂຮງຮຽນປະຖົມບ້ານໜອງກາ, ສຸກສາລາ (ໂຮງໝໍນ້ອຍ) ບ້ານໃໝ່ໄຊສົມບູນ ເມືອງປາກຊ່ອງ ທີ່ສະຫະກອນໄດ້ຊ່ວຍເຫຼືອ ໂດຍນໍາໃຊ້ເງິນພິເສດການຄ້າເປັນທໍາຊ່ວຍເຫຼືອສັງຄົມ ເປັນທຶນໃນການກໍ່ສ້າງ. ໄດ້ຢ້ຽມຊົມ ຂະບວນການຜະລິດກາເຟຄຸນນະພາບທາງປຽກ (ອີ້ວ, ໝັກ, ລ້າງ, ຕາກ) ແລະ ໂຄງການຝຸ່ນຂີ້ກະເດືອນຂອງກຸ່ມບ້ານໃໝ່ໄຊສົມບູນ.
ແຫຼ່ງຂ່າວ: ໜັງສືພິມຈຳປາໃໝ່

ບົດຄວາມຫຼ້າສຸດ

ຂ່າວພາຍ​ໃນ

ສະມາຄົມນັກຂ່າວລາວ ຮ່ວມກອງປະຊຸມສື່ມວນຊົນ ໜຶ່ງແລວໜຶ່ງເສັ້ນທາງ ປະຈຳປີ 2026 ທີ່ ສປ ຈີນ

ໃນວັນທີ 17 ຕຸລາ 2026, ທ່ານ ສະຫວັນຄອນ ຣາຊະມຸນຕີ ປະທານສະມາຄົມນັກຂ່າວ ແຫ່ງ ສປປ ລາວ ພ້ອມດ້ວຍ ທ່ານ ອາດິຕະ...
ຂ່າວພາຍ​ໃນ

ເປີດກອງປະຊຸມລັດຖະບານ ສະໄໝສາມັນ ປະຈຳເດືອນຕຸລາ 2026

ກອງປະຊຸມລັດຖະບານ ສະໄໝສາມັນ ປະຈຳເດືອນຕຸລາ 2026 ໄດ້ໄຂຂຶ້ນໃນຕອນເຊົ້າ ຂອງວັນທີ 22 ຕຸລາ 2026 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສະເຫຼີມໄຊ ກົມມະສິດ,...
ຂ່າວພາຍ​ໃນ

ເປັນໄປໄດ້ແທ້! 2022 ລາວເລີ່ມສຶກສາສ້າງທາງດ່ວນ ນະຄອນຫຼວງວຽງຈັນ-ຫົວພັນ ປີ 2026 ສືບຕໍ່ສຶກສາຄວາມເປັນໄປໄດ້ ສໍາຫຼວດ-ອອກແບບ ແລະ ກໍ່ສ້າງທາງ

ລັດຖະບານລາວໄດ້ເຫັນດີໃນດ້ານຫຼັກການໃຫ້ມີການສຶກສາຄວາມເປັນໄປໄດ້ໃນການກໍ່ສ້າງເສັ້ນທາງດ່ວນແຕ່ນະຄອນຫຼວງວຽງຈັນຫາແຂວງຫົວພັນ,ເຊິ່ງພິທີເຊັນບົດບັນທຶກຄວາມເຂົ້າໃຈ (MOU) ໂຄງການດັ່ງກ່າວໄດ້ຈັດຂຶ້ນ ໃນ 4 ເມສາ 2022, ທີ່ນະຄອນຫຼວງວຽງຈັນ ລະຫວ່າງ ລັດຖະບານແຫ່ງ ສປປ ລາວ ກັບວິສາຫະກິດການລົງທຶນຂອງຕ່າງປະເທດ, ເຊິ່ງການກໍ່ສ້າງໂຄງການແມ່ນຈະໃຊ້ທຶນຮອນຂອງສອງບໍລິສັດເອກະຊົນດັ່ງກ່າວ,...
ຂ່າວພາຍ​ໃນ

ສູນທອນພົດປິດກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ X

 ໃນພິທີປິດກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ X, ທ່ານ ສອນໄຊ ສີພັນດອນ ປະທານສະພາແຫ່ງຊາດ ໄດ້ກ່າວສູນທອນພົດປິດກອງປະຊຸມວ່າ: ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ...