ລາຍງານສະບັບໃໝ່ຂອງ American Psychological Association ສະມາຄົມຈິດຕະວິທະຍາໃນສະຫະລັດອາເມລິກາ ເຜີຍຜົນສຳຫຼວດທີ່ໜ້າຕົກໃຈ ທີ່ບົ່ງບອກວ່າ ປະຊາຊົນອາເມລິກັນມີຄວາມກັງວົນກ່ຽວກັບອະນາຄົດຂອງປະເທດຫຼາຍກວ່າເລື່ອງປາກທ້ອງ ແລະ ການເງິນ

ຈາກຜົນການສຳຫຼວດຄັ້ງນີ້ມີຄວາມປ່ຽນແປງໄປຈົນການເປັນການປ່ຽນແປງຄັ້ງປະຫວັດສາດ ເນື່ອງຈາກນັບຕັ້ງແຕ່ປີ 2011 ລາຍງານດັດຊະນີຄວາມຄຽດຈາກ APA ຂອງປະຊາຊົນຊາວອາເມລິກັນພົບວ່າ 81 ເປີເຊັນ ມີຄວາມເປັນຫ່ວງເລື່ອງປາກທ້ອງ ຈົນມາຮອດປິ 2014 ປະຊາຊົນຊາວອາເມລິກັນມີຄວາມກັງວົນດ້ານການເງິນກວ່າ 75 ເປີເຊັນ

ທັງນີ້ ຄວາມວິຕົກກັງວົນຂອງຊາວອາເມລິກັນ ມີແນວໂນ້ມຈະຖືກແບ່ງອອກເປັນຫົວຂໍ້ຫຼັກເຊັ່ນ: ເລື່ອງການດູແລສຸຂະພາບ 43% ເລື່ອງເສດຖະກິດ 35% ເລື່ອງຄວາມເຊື່ອໝັ້ນໃນລັດຖະບານ 32% ແລະ ອັດຕາການເກີດອາຊະຍາກຳ 31% ສ່ວນຄວາມກັງວົນເລື່ອງການປ່ຽນແປງສະພາບອາກາດ ແລະ ບັນຫາສິ່ງແວດລ້ອມທີ່ປະຊາຊົນໃຫ້ຄວາມສຳຄັນໜ້ອຍລົງ ເນື່ອງຈາກມີພຽງ 21% ເທົ່ານັ້ນ