ເຟສບຸກຍອມຮັບຕໍ່ວຸດທິສະພາສະຫະລັດ ວ່າຄວາມພະຍາຍາມແຊກຊືມເພື່ອເຜີຍແຜ່ຂໍ້ມູນປອມ ແລະ ປຸກລະດົມທາງກນເມືອງ ໂດຍກຸ່ມບຸກຄົນຈາກຣັດເຊຍ ໃນຊ່ວງການເລືອກຕັ້ງປະທານາທິບໍດີເມື່ອປິທີ່ຜ່ານມາ “ມີຫຼາຍກວ່າທີ່ຄິດ”
ສຳນັກຂ່າວຕ່າງປະເທດລານງານຈາກນະຄອຫຼວງ ວໍຊິງຕັນ ປະເທດສະຫະລັດອາເມລິກາ ເມືອວັນທີ 1 ພະຈິກ ວ່າ ທ່ານ ໂຄລິນ ສເຕດຊ໌ ຮອງປະທານ ແລະ ທີ່ປຶກສາໃຫຍ່ຂອງບໍລິສັດເຟສບຸກ ກ່າວໃນທີ່ປະຊຸມຄະນະກຳມະການຂ່າວສານຂອງວຸດທິສະພາ ເມື່ອວັນພຸດວ່າ ໃນຮອບໄລຍະເວລາ 48 ຊົ່ວໂມງທີ່ຜ່ານມາ ເຟສບຸກກວດພົບການໂພສຈາກບັນຊີອິນສະຕາແກຣມທີ່ຈົດທະບຽນໃນຣັດເຊຍປະມານ 120,000 ຄັ້ງ ຖືເປັນຂໍ້ມູນທີ່ນອກເໜືອຈາກທີ່ ສະເຕດຊ໌ເຜີຍຕໍ່ຄະນະກຳມະທິການຂອງວຸດທິສະພາ ເມື່ອວັນອັງຄານ ວ່າຜູ້ໃຊ້ເຟສບຸກມີປະມານ 126 ລ້ານຄົນ ອາດໄດ້ຮັບຂໍ້ມູນຂ່າວສານກ່ຽວກັບການໂຄສະນາຊວນເຊື່ອຂອງຣັດເຊຍ ຕະຫຼອດໄລຍະເວລາ 2 ປີທີ່ຜ່ານມາ
ການເປີດເຜີຍຂໍ້ມູນດັ່ງກ່າວຂອງເຟສບຸກໄດ້ຮັບສຽງວິຈານຢ່າງໜັກຈາກທີ່ປະຊຸມ ວ່າເຄື່ອຂ່າຍສັງຄົມອອນໄລນ໌ທີ່ໃຫຍ່ທີ່ສຸດໃນໂລກ “ລົ້ມເຫຼວບໍ່ເປັນທ່າ” ໃນການປ້ອງກັນບໍ່ໃຫ້ແພລດຟອມຂອງຕົວເອງຕົກເປັນເຄື່ອງມືໃນການປຸກລະດົມ ແລະ ຜະລິດໂຄສະນາຊວນເຊື່ອທາງການເມືອງ