ສຳນັກຂ່າວຕ່າງປະເທດລາຍງານຈາກນະຄອນຫຼວງ ນິວເດລີ ປະເທດອິນເດຍ ເມື່ອວັນທີ 29 ຕຸລາ ວ່າ ການຂົນສົ່ງສາລີທາງເຮືອຄັ້ງທຳອິດ ເຊິ່ງເປັນຂອງຂັວນຈາກອິນເດຍສຳລັບຊາວອັຟການິສຖານ ອອກເດີນທາງຈາກເມືອງທ່າຄັນດລາ ທາງພາກຕະເວັນຕົກຂອງອິນເດຍ ເມື່ອວັນອາທິດ ແລະ ເມື່ອຮອດທ່າເຮືອຊາບາຮາຂອງ ອິຫລ່ານກໍ່ຈະປ່ຽນຂົນຂຶ້ນລົດບັນທຸກໄປທີ່ອັຟການິສຖານ
ເສັ້ນທາງການຄ້າໃໝ່ມີຂຶ້ນຫຼັງຈາກການເປີດເສັ້ນທາງການຂົນສົ່ງທາງອາກາດ ລະຫວ່າງອິນເດຍກັບອັຟການິສຖານ ເມື່ອເດືອນ ມິຖຸນາ 2016 ເຊິ່ງເຮັດໃຫ້ສິນຄ້າຂອງຊາວອັຟການິສຖານສາມາດເຂົ້າເຖິງຕະຫຼາດອິນເດຍໄດ້ສະດວກ ແລະ ຫຼາຍຂຶ້ນ