ນາຍພົນກອງທັບອາກາດສະຫະລັດ ເຕືອນ MH370 ທີ່ຍັງຫາຍສາບສູນ ອາດຖືກໃຊ້ກໍ່ວິນາດສະກຳຊ້ຳ ໃນວັນຄົບ
ຮອບ13 ປີ ເຫດການຖະຫຼົ່ມຕຶກເວີນເທຣດເຊັນເຕີ້ ໃນວັນທີ 11 ກັນຍານີ້.
ເມື່ອວັນທີ 27 ສິງຫາ 2014 ມີລາຍງານຈາກເວັບໄຊຂອງສຳນັກຂ່າວຕ່າງປະເທດວ່າ ທ່ານນາຍພົນ ໂທມັສ ແມັກ
ອິນເຕີນີ (Thomas McInerney) ຈາກກອງທັບອາກາດຂອງສະຫະລັດອາເມຣິກາ ເຊິ່ງເປັນຜູ້ຊ່ຽວຊານ ເຮັດໜ້າ
ທີ່ເປັນຜູ້ວິເຄາະການເຄື່ອນໄຫວຂອງທັບອາກາດ ໃຫ້ກັບສະຖານີໂທລະພາບ Fox ໄດ້ໃຫ້ສຳພາດເມື່ອວັນທີ 23 ສິງ
ຫາ 2014 ຜ່ານມາວ່າ ເຮືອບິນ MH370 ຂອງສາຍການບິນມາເລເຊຍ ແອຣ໌ລາຍ ທີ່ຫາຍສາບສູນໄປຕັ້ງແຕ່ວັນທີ
8 ມີນາ 2014 ຜ່ານມາ ໂດຍຍັງຊອກຫາບໍ່ພົບນັ້ນ ອາດຖືກກຸ່ມກໍ່ການຮ້າຍຈີ້ໄປ ແລະ ນຳມາໃຊ້ໃນການກໍ່ວິນາດສະ
ກຳໂຈມຕີສະຫະລັດອາເມຣິກາຊ້ຳຮອຍ ກັບເຫດເຮືອບິນຕຳຕຶກເວີນເທຣດເຊັນເຕີ້ອີກເທື່ອໜຶ່ງ ໃນວັນທີ 11 ກັນ
ຍາ ນີ້ ເຊິ່ງເປັນວັນຄົບຮອບ 13 ປີຂອງເຫດການກໍ່ການຮ້າຍດັ່ງກ່າວ.
ກ່ອນໜ້ານີ້ ທ່ານນາຍພົນ ໂທມັສ ເຄີຍໃຫ້ສຳພາດວ່າ MH370 ອາດຢູ່ໃນປະເທດປາກີສະຖານ ແລະ ຖືກເກັບເອົາ
ໄວ້ເພື່ອນຳມາໃຊ້ໃນການກໍ່ການຮ້າຍ, ເຂົາໄດ້ໃຫ້ລາຍລະອຽດເພີ່ມຕື່ມວ່າ MH370 ອາດບິນເຂົ້າປະເທດປາກີສະຖານ
ໂດຍຢູ່ພາຍໃຕ້ເງົາຂອງເຮືອບິນ SIA68 ຂອງສາຍການບິນສິງກະໂປ ແອຣ໌ລາຍ ເຊິ່ງສາມາດຜ່ານເຂົ້າເຂດນ່ານຟ້າ
ຂອງປະເທດອິນເດຍໄດ້ ໂດຍທີ່ນັກບິນສິງກະໂປ ແອຣ໌ລາຍເອງກໍ່ບໍ່ຮູ້ສຶກໂຕ ເນື່ອງຈາກ MH370 ບິນໂດຍໄຮ້ການ
ສົ່ງສັນຍານຣາດາຢ່າງສິ້ນເຊີງ.