ສຳນັກຂ່າວຕ່າງປະເທດລາຍງານ ຈາກເມືອງ ຫວິງຟຸກ ປະເທດ ຫວຽດນາມ ເມື່ອວັນທີ 16 ຕຸລາ 2017 ເດັກນ້ອຍເກີດໃໝ່ເພດຊາຍທີ່ເກີດເມື່ອວັນເສົາທີ 14 ຕຸລາ 2017 ທີ່ຜ່ານມາ ສ້າງຄວາມຕື່ນເຕັ້ນໃຫ້ກັບແພດໝໍ ແລະ ພໍ່ແມ່ ຫຼັງຈາກທີ່ເກີດມາມີນ້ຳໜັກເຖິງ 7.1 ກິໂລກຣາມ
ຜູ້ເປັນພໍ່ຊື່ ທ້າວ ຟານ ກວງ ບອກວ່າ ເມື່ອແພດມາບອກວ່າລູກຊາຍຂອງຕົນມີນ້ຳໜັກເຖິງ 7.1 ກິໂລກຣາມ ທຳອິດແມ່ນບໍ່ເຊື່ອວ່າມັນແມ່ນຄວາມຈິງ
ທຳອິດແພດບອກກັບຜູ້ເປັນແມ່ ນາງ ຫງຽນ ຄິມ ລຽນ ວ່າລູກຂອງນາງອາດມີນ້ຳໜັກປະມານ 5 ກິໂລກຣາມ ແຕ່ນາງກໍ່ບໍ່ເຊື່ອ ຈົນແພດໄດ້ນຳລູກຂອງນາງໄປຊັ່ງນ້ຳໜັກອີກເທື່ອໜຶ່ງເພື່ອຄວາມແນ່ໃຈກໍ່ພົບວ່ານ້ຳໜັກຂອງເດັກແມ່ນ 7.1 ກິໄລກຣາມແທ້ ພໍ່ແມ່ຂອງເດັກຊາຍຄົນນີ້ໄດ້ຕັ້ງຊື່ໃຫ້ວ່າ ທ້າວ ຕຣັນ ທຽນ ໂກວກ ເຊິ່ງປັດຈຸບັນທັງແມ່ ແລະ ລູກ ມີສຸຂະພາບແຂງແຮງດີ ແລະ ຢູ່ກັນຢ່າງມີຄວາມສຸກຫຼາຍ