ເມື່ອວານນີ້ (15/10/2017) ທ່ານ ອັບໍີຣ໌ ອັບດີ ອາເໝັດ ວຸດທິສະມາຊິກຂອງໂຊມາເລຍ ລະບຸວ່າ ຈຳນວນຜູ້ເສຍຊີເວິດຈາກເຫດການດລະເບີດຄັ້ງໃຫຍ່ທີ່ເກີດຂຶ້ນໃຈກາງນະຄອນຫຼວງໂມກາດິຊູຂອງໂຊມາເລຍ ເມື່ອວັນເສົາທີ່ຜ່ານມາຕາມເວລາທ້ອງຖິ່ນ ເພີ່ມຂຶ້ນເປັນ 231 ຄົນ ແລະ ມີຜູ້ບາດເຈັບກວ່າ 275 ຄົນ ນັບເປັນເຫດໂຈມຕີທີ່ມີຜູ້ເສຍຊີວິດຫຼາຍທີ່ສຸດໃນຄັ້ງດຽວ
ໃນຂະນະນີ້ຍັງບໍ່ມີໃຜອອກມາອ້າງວ່າເປັນຜູ້ຢູ່ເບື້ອງຫຼັງໃນການກໍ່ເຫດດັ່ງກ່າວ ແຕ່ໃນເບື້ອງຕົ້ນຕຳຫຼວດໂຊມາເລຍສັນນິຖານວ່າອາດແມ່ນກຸ່ມຕິດອາວຸດ ອັລຊາບັບ ທີ່ກ່ຽວຂ້ອງກັບກຸ່ມກໍ່ການຮ້າຍອັລກໍອິດະ
ທາງດ້ານປະທານາທິບໍດີ ໂມຮາເໝັດ ອັລດຸລລາຮີ ຟາຣ໌ມາອາໂຈ ຂອງໂຊມາເລຍ ປະກາດໄວ້ອາໄລທົ່ວປະເທດເປັນເວລາ 3 ມື້ ຂະນະດຽວກັນກໍ່ຮຽກຮ້ອງໃຫ້ຜູ້ຄົນຊ່ວຍກັນບໍລິຈາກເລືອດ ແລະ ເງິນຊ່ວຍເຫຼືອຜູ່ໄດ້ຮັບບາດເຈັບ ແລະ ຜູ້ປະສົບເຫດຮ້າຍໃນຄັ້ງນີ້ດ້ວຍ
ສ່ວນທາງດ້ານນາຍົກລັດຖະມົນຕີ ຮັສຊັນ ອາລີ ເດຍ ຂອງໂຊມາເນຍ ໄດ້ແຕ່ງຕັ້ງຄະນະກຳມະການພີເສດທີ່ມຈາກພາກສ່ວນຕ່າງໆ ເພື່ອເຮັດໜ້າທີ່ຈັດການພິທີສົບໝູ່ແກ່ເຍື່ອຜູ່ເສຍຊີວິດ ແລະ ໃຫ້ຄວາມຊ່ວຍເຫຼືອຜູ້ໄດ້ຮັບບາດເຈັບ