ເຖິງແມ່ນວ່າຕອນນີ້ຫົວຂອງທ່ານຈະເຈັບປວດ ເພາະຖືກຄົນຮັກເລີກໄປກໍ່ຕາມແຕ່ຄວາມເຈັບປວດນັ້ນມັນຕ້ອງເຈັບຢ່າງມີສະຕິ ແລະ ດີແທ້ແມ່ນບໍ່ໃຫ້ໃຜຮັບຮູ້ຄວາມເຈັບປວດຂອງເຮົາເລີຍກໍ່ແຮງເປັນການດີ (่່ຢ່າອ່ອນແອໃຫ້ໃຜເຫັນ) ໃນຄໍລຳ ຊີວິດ ກັບ ຄວາມຮັກ ມື້ນີ້ແອັດມິນ ມີ 7 ຂໍ້ຄວາມທີ່ບໍ່ຄວນເພີ່ມເປັນສະເຕຕັສ ໃນເວລາເຮົາກຳລັງອົກຫັກ ເຊິ່ງຈະມີຂໍ້ຄວາມໃດແນ່ນັ້ນ ເຮົາມາຮູ້ຈັກໄປພ້ອມກັນເລີຍ
- ພ້ຳເພີ້ກຳລັງເຈັບປວດໃນເລື່ອງຄວາມຮັກ
- ປະກາດໃຫ້ໂລກຮູ້ວ່າເຮົາຄິດຮອດເຂົາໃຈສິຂາດ
- ຂ້ອຍຮັກເຈົ້າ ແລະ ຢູ່ໃນໂລກນີ້ບໍ່ໄດ້ຖ້າບໍ່ມີເຈົ້າ
- ຂໍໃຫ້ເຮົາກັບມາເປັນຄືເກົ່າໄດ້ບໍ່
- ນຳເລື່ອງລາວເກົ່າໆມາບັນຍາຍໃນເຟສບຸກ
- ໂພສປະຊົດປະຊັນແຟນເກົ່າ ຄືການໄປທ່ຽວກັບຄົນໃໝ່ແລ້ວມາລະບາຍຄວາມຮູ້ສຶກປຽບທຽບກັບຄົນເກົ່າ
- ຂຽນແຕ່ຄົນຮັກ ຫຼື ປະຈານຄົນຮັກເກົ່າ
ສິ່ງທີ່ກ່າວມາຂ້າງເທິງນີ້ເຊື່ອວ່າມີຫຼາຍຄົນເຄີຍເຮັດ ແຕ່ມັນບໍ່ໄດ້ຜົນດີຫຍັງກັບມາເລີຍ ແມ່ນຢູ່ວ່າທ່ານຈະໄດ້ລະບາຍ ໄດ້ຄວາມສະໃຈໃນບາງເລືອງທີ່ທ່ານປະຈານລົງ ແຕ່ຜົນຕອບກັບທ່ານອາດກາຍເປັນຄົນທີ່ບໍ່ດີ ທີ່ໜ້າສົງສານ ຫຼື ອາດໜ້າລຳຄານ ສຳລັບຄົນອື່ນໆ.