spot_img
Homeຂ່າວທ້ອງຖິ່ນຢຶດສິນຄ້າໜີພາສີຫຼາຍລາຍການຈາກລົດເມໂດຍສານ

ຢຶດສິນຄ້າໜີພາສີຫຼາຍລາຍການຈາກລົດເມໂດຍສານ

Published on

ພະແນກກວດກາການຄ້າ ກົມການຄ້າພາຍໃນ ກະຊວງອຸດສາຫະກໍາ ແລະ ການຄ້າ ໄດ້ລົງກວດກາ ແລະ ຢຶດສິນຄ້າອຸປະໂພກ-ບໍລິໂພກ ໜີພາສີຫຼາຍລາຍການ ລວມມູນຄ່າທັງໝົດ 16 ລ້ານກວ່າກີບ ຈາກພໍ່ຄ້າຊາວຫວຽດນາມ.
ທ່ານ ແກ້ວພະໄທ ສູນນະລາດ ຮອງຫົວໜ້າພະແນກກວດກາການຄ້າ ກ່າວຕໍ່ນັກຂ່າວ ປກສ ໃນວັນທີ 11 ຕຸລາ ຜ່ານມາ ວ່າ: ພາຍຫຼັງໄດ້ຮັບຂໍ້ມູນຈາກແຫຼ່ງຂ່າວທີ່ໜ້າເຊື່ອຖືວ່າ ມີພໍ່ຄ້າຊາວຕ່າງຊາດລັກລອບນໍາສິນຄ້າເຂົ້າປະເທດແບບບໍ່ຖືກຕ້ອງຕາມລະບຽບຫຼັກການ; ຕໍ່ມາພະແນກກວດກາການຄ້າ ຈຶ່ງແຕ່ງຕັ້ງພະນັກງານລົງກວດກາສະຖານທີ່ ໃນວັນທີ 9 ຕຸລາ 2017 ຢູ່ເຂດບ້ານ ແສງສະຫວ່າງ ເມືອງ ໄຊເຊດຖາ ນະຄອນຫຼວງວຽງຈັນ ພົບເຫັນສິນຄ້າຫຼາຍລາຍການທີ່ນໍາເຂົ້າບໍ່ຖືກຕ້ອງ ເຊື່ອງໄວ້ຢູ່ໃນລົດເມໂດຍສານຕຽງນອນສອງຊັ້ນ ຂອງທ້າວ ຮຸ່ຍ ອາຍຸ 35 ປີ ສັນຊາດ ຫວຽດນາມ ພັກເຊົາຢູ່ບ້ານ ແສງສະຫວ່າງ ເມືອງ ໄຊເຊດຖາ; ດັ່ງນັ້ນ, ເຈົ້າໜ້າທີ່ຈຶ່ງຢຶດໄວ້ເປັນຫຼັກຖານ ເພື່ອສອບສວນຂະຫຍາຍຜົນຫາທີ່ໄປທີ່ມາຂອງສິນຄ້າ ແລະ ທໍາລາຍຖິ້ມ.

ສິນຄ້າທີ່ນໍາເຂົ້າແບບບໍ່ຖືກຕ້ອງປະກອບມີ: ຕຽງນອນຄົນເຈັບ 26 ຊຸດ, ກະເປົາຜູ້ຍິງ 726 ໜ່ວຍ (ໃຫຍ່ 225 ໜ່ວຍ, ກາງ 411 ໜ່ວຍ ແລະ ນ້ອຍ 90 ໜ່ວຍ), ເກີບໜັງ 1.320 ຄູ່, ເຈ້ຍອະນາໄມປຽກ 12 ແກັດເທົ່າກັບ 480 ຖົງ, ຊຸດກິລາ 1.930 ຊຸດ, ແພມເຟີດ 180 ຖົງໃຫຍ່, ດ້າຍຍິບເຄື່ອງ 1.260 ກໍ້, ໜັງໝູກອບ 4 ເປົາ ເທົ່າກັບ 300 ກິໂລກຼາມ, ຢາວິຕາມິນຊີ 5 ແກັດ ເທົ່າກັບ 1.200 ກ່ອງ, ຫຼອດວິໃຈ 2 ແກັດ ເທົ່າກັບ 8.000 ຫຼອດ ແລະ ເຄື່ອງອື່ນໆອີກຈໍານວນໜຶ່ງ ຄິດເປັນມູນຄ່າໃນເບື້ອງຕົນປະມານ 16.620.000 ກີບ; ສະເພາະສິນຄ້າທີ່ເປັນຢາກິນ ແລະ ໝັງໝູກອບ ທາງພະແນກໄດ້ປະສານສົມທົບກັບກະຊວງສາທາລະນະສຸກ ລົງມາເກັບກໍາຕົວຢ່າງ ແລະ ກວດກາຫາສານເຄມີປົນເປື້ອນ, ຄຸນນະພາບຂອງສິນຄ້າ ເພື່ອຢັ້ງຢືນ ແລະ ສາມາດເອົາຜິດນໍາຜູ້ລັກລອບນໍາເຂົ້າສິນຄ້າ.

ແຫລ່ງຂ່າວ: ໜັງສືພິມ ປກສ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...