ສຳນັກຂ່າວຕ່າງປະເທດລາຍງານຈາກເມືອງ ຢາງກຸງ ປະເທດມຽນມາ ເມື່ອວັນທີ 14 ຕຸລາ 2017ວ່າ ສຳນັກງານຜູ້ບັນຊາການທະຫານສູງສຸດຂອງມຽນມາອອກຖະແຫຼງການເມື່ອວນສຸກທີ່ຜ່ານມາວ່າ ພົນເອກ. ມິນ ອ່ອງ ຫຼ່າຍ ໄດ້ມອບໝາຍໃຫ້ພົນຕີ. ເອວິນ ທີ່ຮັບພິຊອບໜ້າທີ່ປະທານຄະນະກຳມະການສອບສວນທາງວິໄນ “ເປັນການກວດພາຍໃນ” ຕໍ່ເຈົ້າໜ້າທີ່ທຸກຄົນທີ່ຮ່ວມກັນປະຕິບັດການດ້ານຄວາມໝັ້ນຄົງໃນລັດຍະໄຂ່ ທີ່ດຳເນີນການຕັ້ງແຕ່ເມື່ອວັນທີ 25 ສິງຫາທີ່ຜ່ານມາ ຫຼັງກຸ່ມຕິດອາວຸດບຸກໂຈມຕີຖານປະຈຳການຂອງທະຫານ ແລະ ຕຳຫຼວດກວ່າ 30 ຈຸດ ໂດຍການສູ້ຮົບຈົນເຖິງປັດຈຸບັນເປັນເຫດເຮັດໃຫ້ມີຜູ້ເສຍຊີວິດຫຼາຍກວ່າ 500 ຄົນ ແລ່ວຊາວໂຣຮິນຢາອີກ 500,000 ຄົນຕ້ອງອົບພະຍົບໄປລີ້ໄພທີ່ບັງກາລາເທດ

ແຕ່ທັງນີ້ກອງທັບທະຫານມຽນ ແລະ ລັດຖະບານມຽນມາຍັງຄົງປະຕິເສດທີ່ຈະໃຫ້ຄະນະທຳງານພິເສດຂອງອົງການສະຫະປະຊາຊາດເຂົ້າຮ່ວມໃນການລົງພື້ນທີ່ຮວບຮວມຫຼັກຖານການລະເມີດສິດທິມະນຸດຊົນ ແລະ ການເກີດຄວາມຮຸນແຮງ ນັບຕັ້ງແຕ່ມີເຫດການໂຈມຕີ