ສຳນັກຂ່າວຕ່າງປະເທດລາຍງານຈາກນະຄອນຫຼວງ ວໍຊິງຕັນ ປະເທດສະຫະລັດອາເມລິກາ ເມື່ອວັນທີ 12 ຕຸລາ ວ່າ  ໂຄສົກຍິງກະຊວງການຕ່າງປະເທດສະຫະລັດຖະແຫຼງວ່າ ສະຫະລັດຂໍຖອນຕົວອອກຈາກການເປັນສະມາຊິກຂອງອົງການການສຶກສາ ວິທະຍາສາດ ແລະ ວັດທະນະທຳແຫ່ງຊາດ (ຢູເນສໂກ) ໂດຍໃຫ້ມີຜົນບັງຄັບໃຊ້ນັບແຕ່ວັນທີ 31 ທັນວາ ເປັນຕົ້ນໄປ ໂດຍການຖອນຕົວໃນຄັ້ງນີ້ສະຫະລັດໃຫ້ເຫດຜົນວ່າ ຮູ້ສຶກບໍ່ພໍໃຈຢ່າງແຮງເມື່ອປີ 2011 ເມື່ອສະມາຊິກຢູເນສໂກຮັບຮອງເອົາປາເລສໄຕເຂົ້າເປັນສະມາຊິກຂອງຢູເນສໂກ ເຖິງແມ່ນວ່າຈະໄດ້ຮັບສຽງຄ້ານຢ່າງເດັດຂາດຈາກອິສຣາເອລປະເທດພັນທະມິດສຳຄັນຂອງສະຫະລັດກໍ່ຕາມ ແລະ ສະຫະລັດໄດ້ພະຍາຍາມທີ່ຈະຂັດຄ້ານທຸການເຄື່ອນໄຫວຂອງອົງກອນໃນສັງກັດສະຫະປະຊາຊາດທີ່ຮັບຮອງປາເຣສໄຕເປັນລັດ ເພາະເຫັນວ່າຄວນຈະລໍໃຫ້ບັນລຸຜົນການເຈລະຈາວ່າດ້ວຍຂໍ້ຕົກລົງສັນຕິພາບຕະເວັນອອກກາງ

ໂຄສົກຍິງກະຊວງການຕ່າງປະເທດກ່າວຢືນຢັນວ່າ ໄດ້ຊີ້ແຈງໃຫ້ຜູ້ອຳນວຍການຢູເນສໂກ ທ່ານ ອິຣິນາ ໂບໂວາ ທີ່ກຳລັງຈະໝົດວາລະຈາກຕຳແໜ່ງຮັບຮູ້ໃນການຕັດສິນໃຈແລ້ວ