ພະທຸດົງຈີນ ນິກາຍມະຫາຍານ ຈຳນວນ 108 ອົງ ໄດ້ອອກເດີນທາງໃນວັນທີ 09 ກັນຍາ 2017 ຈາກເມືອງກວາງຊີ ສປຈີນ, ເພື່ອໄປພຸດທະຄະຍາແຫ່ງ ປະເທດອິນເດຍ ໂດຍຍ່າງຜ່ານດິນແດນ ສປປລາວ ແຕ່ເໜືອເຖີງໄຕ້ແລ້ວອອກສູ່ຣາຊະອານາຈັກກຳປູເຈຍ”.
ແນວໃດກໍຕາມ, ພາຍຫຼັງທີ່ຄະນະສົງດັ່ງກ່າວເດິນທາງມາຮອດ ຫຼວງພະບາງໃນມື້ນີ້ ວັນທີ 11 ຕຸລາ 2017 ທາງການລາວເຫັນວ່າ ການເດິນທາງດັ່ງກ່າວນັ້ນບໍ່ແມ່ນການ ເດິນທາງເພື່ອທຸລະກິດຫຼືເພື່ອທ່ອງທ່ຽວທຳມະດາ ແຕ່ເປັນການເດິນທາງເພື່ອເຜີຍແພ່ພະໄຕປິດົກ (ຄຳສອນຂອງພະພຸດທະເຈົ້າ) ຫຼື ເວົ້າອີກຢ່າງໜຶ່ງກໍຄືການເຜີຍແພ່ສາດສະໜາດ ແຕ່ການເຄື່ອນໄຫວດັ່ງກ່າວນັ້ນ ແມ່ນຍັງບໍ່ໄດ້ຮັບອະນຸຍາດຈາກທາງການລາວຢ່າງຖືກຕ້ອງເທື່ອ ແລະທັງຄັດກັບດຳລັດຂອງນາຍົກລັດຖະມົນຕີ ເລກທີ 315/ນຍ ວ່າດ້ວຍການຄຸ້ມຄອງ ແລະເຄື່ອນໄຫວສາດສະໜາທີ່ຖືກຕ້ອງ.
ນອກຈາກນັ້ນ, ທາງການລາວກໍເປັນຫ່ວງເລື່ອງຄວາມປອດໄພ ຍ້ອນວ່າການເດິນທາງໃຊ້ໄລຍະທາງໄກ ຜ່ານຫຼາຍເຂດແຂວງ ແລະເສັ້ນທາງທີ່ຫຍຸ້ງຍາກ ເພາະເປັນໄລຍະລະດູຝົນແດ່.
ດັ່ງນັ້ນ, ທາງການລາວຈຶ່ງເຫັນດີໃຫ້ພະສົງຈຳນວນດັ່ງກ່າວນັ້ນ ເດິນທາງກັບຄືນປະເທດຈີນໄປກ່ອນ.
