ພາຍຸດີເປຼເຊິນ ໃນເວລາ 7 ໂມງເຊົ້າ, ມີຈຸດທີ່ຕັ້ງ ຢູ່ເສັ້ນຂະໜານທີ 18,0 ອົງສາເໜືອ ແລະ ເສັ້ນແວງທີ 106,0 ອົງສາຕາເວັນອອກ. ປະຈຸບັນໄດ້ເຄື່ອນທີ່ເຂົ້າ ແຂວງ ບໍລິຄຳໄຊ ແລ້ວ ແລະ ທິດທາງເຄື່ອນທີ່ຂອງພາຍຸຫົວນີ້ແມ່ນຈະໄປທາງ ທິດຕາເວັນຕົກ-ຕາເວັນຕົກສ່ຽງເໜືອດ້ວຍຄວາມໄວ 30 ກິໂລແມັດຕໍ່ຊົ່ວໂມງ, ຄາດວ່າພະຍຸຫົວນີ້ຍັງຈະສືບຕໍ່ຜ່ານແຂວງວຽງຈັນ ແລະ ໄຊຍະບູລີ ໃນຕອນບ່າຍ ຫາ ຄ່ຳ ຂອງວັນທີ 10 ຕຸລາ 2017. ຊຶ່ງຍັງຈະເຮັດໃຫ້ມີຝົນຕົກຟ້າຮ້ອງຟ້າເຫຼຶ້ອມ ໃນລະດັບ ປານກາງ ຫາ ຕົກໜັກ ພ້ອມມີລົມພັດແຮງ ຢູ່ບາງທ້ອງຖິ່ນແຂວງພາກ ເໜືອ ແລະ ພາກກາງ. ດັ່ງນັ້ນ, ຈຶ່ງຂໍແຈ້ງເຕືອນເຖິງອຳນາດການປົກຄອງທຸກພາກສ່ວນ ແລະ ປະຊາຊົນ ທີ່ອາໄສຢູ່ແຂວງ ພາກເໜືອ ແລະ ພາກກາງຈົ່ງສືບຕໍ່ກຽມພ້ອມ ຮັບມື ກັບສະພາບຝົນຕົກໜັກ ແລະ ລົມພັດແຮງ ຊື່ງຈະເປັນອັນຕະລາຍຕໍ່ຊີວິດ ແລະ ຊັບສິນ ຂອງປະຊາຊົນ ແລະ ຂໍໃຫ້ຕິດຕາມການລາຍງານຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະນີ້ດ້ວຍ.
ແຫລ່ງຂ່າວ: ກົມອຸຕຸນິຍົມ ແລະ ອຸທົກກະສາດ