ສຳນັກຂ່າວຣອຍເຕີລາຍງານຈາກນະຄອນຫຼວງ ມອສໂກ ປະເທດຣັດເຊຍ ເມື່ອວັນທີ 7 ຕຸລາ 2017ວ່າ ສຳນັກຂ່າວອາຣໄອຂອງຣັດເຊຍລາຍງານເມື່ອວັນສຸກທີ່ຜ່ານມາວ່າ ທ່ານ ອັນຕວນ ໂມໂຣຊອຟ ສະມາຊິກສະພາຂອງຣັດເຊຍ ແລະ ສະມາຊິກຄະນະກຳມະທິການການຕ່າງປະເທດ ລັດສະພາຣັດເຊຍ ເປີດເຜີຍພາຍຫຼັງເດີນທາງກັບມາຈາກການຢຽມຢາມນະຄອນຫຼວງປຽງຢາງຂອງເກົາຫຼີເໜືອ ເມື່ອວັນທີ 2-6 ຕຸລາ 2017 ທີ່ຜ່ານມາພ້ອມກັບເພື່ອນສະມາຊິກສະພາລ່າງອີກ 2 ທ່ານວ່າ ເກົາຫຼີເໜືອກຽມທົດລອງການຍິງຂີປະນາວຸດພິໄສໄກຄັ້ງໃໝ່ ໂດຍໃຫ້ຂໍ້ມູນການຄຳນວນທາງຄະນິດສາດວ່າ ຂີປະນາວຸດພິໄສໄກຂອງເກົາຫຼີເໜືອສາມາດຍິງເຖິງຝັ່ງຕະເວັນຕົກຂອງສະຫະລັດອາເມລິກາ ທ່ານ ໂມໂຣຊອຟກ່າວຕໍ່ໄປອີກວ່າ ເກົາຫຼີເໜືອຕັ້ງໃຈທີ່ຈະຍິງຂີປະນາວຸດພິໄສໄກໃນອານາຄົດອັນໃກ້ນີ້ ເຊິ່ງການກະ ທຳຂອງເກົາຫຼີເໜືອເບິ່ງຄືມຸ່ງຮ້າຍໃນການກໍ່ສົງຄາມ.