spot_img
Homeຂ່າວຕ່າງປະເທດທູດລາວຍື່ນສານຕາຕັ້ງຕໍ່ປະທານາທິບໍດີ ສ ຣັດເຊຍ

ທູດລາວຍື່ນສານຕາຕັ້ງຕໍ່ປະທານາທິບໍດີ ສ ຣັດເຊຍ

Published on

ໃນວັນທີ 3 ຕຸລາ 2017 ທ່ານ ສີວຽງເພັດ ເພັດວໍຣະສັກ ໄດ້ຍື່ນສານຕາຕັ້ງຕໍ່ ທ່ານ ວະລາດີເມຍ ວະລາດີມີໂຣວີຊ ປູຕິນ ປະທານາທິບໍດີ ຣັດເຊຍ ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົນໃໝ່ປະຈໍາ ສະ ຫະພັນຣັດເຊຍ. ສປປ ລາວ ແລະ ສ ຣັດເຊຍ ໄດ້ສ້າງຕັ້ງສາຍພົວພັນການທູດນໍາກັນ ໃນວັນທີ 7 ຕຸລາ 1960.

ໂອກາດນີ້ ທ່ານ ສີວຽງເພັດ ເພັດວໍຣະສັກ ໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ, ພ້ອມທັງໄດ້ນຳເອົາຄວາມຢື້ຢາມຖາມຂ່າວ ແລະ ພອນໄຊອັນປະເສີດ ຈາກ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ, ສົ່ງເຖິງ ທ່ານ ວະລາດີເມຍ ວະລາດີມີໂຣວີຊ ປູຕິນ ປະທານາທິບໍ ດີຣັດເຊຍ ໂດຍຜ່ານຜູ້ນໍາຣັດເຊຍ ໄປຍັງລັດຖະບານ ແລະ ປະຊາຊົນຣັດເຊຍ ທຸກຖ້ວນໜ້າ. ນອກຈາກນີ້, ທ່ານທູດ ໄດ້ທົບທວນຄືນມູນເຊື້ອຂອງການພົວພັນ ແລະ ຮ່ວມມື ລະຫວ່າງສອງປະເທດ ໃນສະໄໝອະດີດສະຫະພາບໂຊວຽດ, ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຂອບໃຈ ແລະ ຮູ້ບຸນຄຸນລັດຖະບານ ແລະ ປະຊາຊົນຣັດເຊຍ ທີ່ໃຫ້ການສະໜັບສະໜູນຊ່ວຍເຫລືອລາວ ໃນສະໄໝຕໍ່ສູ້ຂອງ ປະຊາຊົນລາວ ເພື່ອຄວາມເປັນເອກະລາດແຫ່ງຊາດ ແລະ ໃນໄລຍະສ້າງສາພັດທະນາປະເທດຊາດ ໃນປັດຈຸບັນ, ໂດຍສະເພາະການຊ່ວຍເຫລືອຂອງລັດຖະບານ ຣັດເຊຍ ໃນການສ້າງຊັບພະຍາກອນມະນຸດໃຫ້ແກ່ລາວ ໃນໄລຍະຜ່ານມາ ແລະ ໃນປັດຈຸບັນ. ນອກຈາກນີ້, ທ່ານທູດ ຍັງໄດ້ແຈ້ງໃຫ້ຝ່າຍເຈົ້າ ພາບຊາບ ກ່ຽວກັບຜົນສໍາເລັດຂອງການພັດທະນາສດ ຖະກິດ-ສັງຄົມ ຢູ່ ສປປ ລາວ, ແນໃສ່ສູ້ຊົນນໍາເອົາປະເທດຊາດໃຫ້ຫລຸດພົ້ນ ອອກຈາກຄວາມດ້ອຍພັດທະນາໃນປີ 2020.

ທ່ານປະທານາທິບໍດີ ຣັດເຊຍ ໄດ້ຕີລາຄາສູງ ຕໍ່ສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອ ລະຫວ່າງ ສ ຣັດເຊຍ ແລະ ສປປ ລາວ ໃນໄລຍະຜ່ານມາ ກໍຄື ປັດຈຸບັນ ໂດຍສະເພາະຜົນສໍາເລັດຂອງການຢ້ຽມຢາມສະຫະພັນຣັດເຊຍ ຢ່າງເປັນທາງການຂອງທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ, ພ້ອມດ້ວຍຄະນະ, ໃນລະຫວ່າງວັນທີ 25-27 ກັນຍາ 2017, ​ເຊິ່ງການນໍາຣັດເຊຍ ຖືວ່າເປັນນິມິດໝາຍ ທີ່ມີຄວາມໝາຍສໍາຄັນ ໃນປະຫວັດສາດຂອງການພົວພັນ ແລະ ຮ່ວມມື ລະຫວ່າງສອງປະເທດ.

https://www.facebook.com/salong.sithumthong/videos/1392817907504783/

 

ເນື້ອໃນຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...