spot_img
Homeອຸບັດເຫດແລະປາກົດການຫຍໍ້ທໍ້ໂຈນໃຈກ້າບຸກດ່ຽວປຸ້ນທະນາຄານໄດ້ເງິນໄປຫຼາຍຮ້ອຍລ້ານກີບ ແຕ່ກໍ່ຖືກຈັບໄດ້

ໂຈນໃຈກ້າບຸກດ່ຽວປຸ້ນທະນາຄານໄດ້ເງິນໄປຫຼາຍຮ້ອຍລ້ານກີບ ແຕ່ກໍ່ຖືກຈັບໄດ້

Published on

ໃນວັນທີ 4 ຕຸລາ 2017,  ກອງບັນຊາການ ປກສ ເມືອງໄຊເສດຖາ ນະຄອນຫຼວງວຽງຈັນ ໄດ້ຖະແຫຼງ ການກ່ຽວກັບ ການຈັບກຸມຜູ້ຖືກຫາກໍ່ເຫດ ປຸ້ນໜ່ວຍບໍລິການ ຂອງທະນາຄານ ແຫ່ງໜຶ່ງຢູ່ເຂດບ້ານວຽງຈະເລີນ ເມືອງໄຊເສດຖາ ນະຄອນຫຼວງວຽງຈັນ ພ້ອມເງິນ 200 ລ້ານກວ່າກີບ.

ພັທ ຄຳເກີ່ງ ຈັນສຸລິມາດ ຫົວໜ້າກອງບັນຊາການ ປກສ ເມືອງ ໄຊເສດຖາ  ໄດ້ຖະແຫຼງຂ່າວວ່າ: ໃນເວລາ 11:45 ໂມງຂອງວັນ ທີ 27 ກັນຍາ 2017 ເກີດເຫດຄົນຮ້າຍເປັນຊາຍ 1 ຄົນ ໄດ້ຂັບຂີ່ລົດຈັກມາ ຈອດຢູ່ໜ້າທະນາຄານ ແລະ ໄດ້ເອົາປືນເຂົ້າໄປປຸ້ນເອົາເງິນ ຢູ່ໜ່ວຍບໍລິການຂອງທະນາຄານແຫ່ງໜຶ່ງ; ຫຼັງຈາກນັ້ນເຈົ້າໜ້າທີ່ໄດ້ລົງເກັບ ກໍາຂໍ້ມູນຫຼັກຖານຢູ່ສະຖານທີ່ເກີດເຫດ ແລະ ສືບຮູ້ວ່າ: ຜູ້ກໍ່ເຫດ ຊື່ທ້າວ ບຸນຈັນ ຫຼື ຕຸ້ຍ ອາຍຸ 41 ປີ ພັກເຊົາຢູ່ ບ້ານດອນກອຍ ເມືອງສີສັດຕະນາກ ໄດ້ເອົາຕົວຫຼົບໜີ ໄປບວດຢູ່ວັດແຫ່ງໜຶ່ງເຂດເມືອງໄຊທານີ; ຈາກນັ້ນ ຕົກ ມາຮອດວັນທີ 3 ຕຸລາ 2017 ເຈົ້າໜ້າ ປກສ ເມືອງ ໄດ້ສົມທົບກັບພາກສ່ວນທີ່ກ່ຽວຂ້ອງເຂົ້າກັກຕົວຜູ້ຖືກຫາ ພ້ອມທັງກວດຄົ້ນທີ່ພັກພົບເຫັນເງິນ 40 ລ້ານກີບ, ເງິນ ບາດ 52.000 ບາດ ແລະ ເງິນ ໂດລາ 3.460 ໂດລາ ມາສອບສວນ.

ທ້າວ ບຸນຈັນ ສາລະພາບ ວ່າ: ໃນວັນ 20 ກັນຍາຜ່ານມາ, ໄດ້ຊື້ປືນປອມຢູ່ຕະຫຼາດແຫ່ງໜຶ່ງ ແລ້ວ ມາກໍ່ເຫດປຸ້ນ ເອົາເງິນຢູ່ໜ່ວຍບໍລິການຂອງທະນາຄານແຫ່ງໜຶ່ງໄດ້ເງິນກີບ 90 ລ້ານກີບ, ເງິນບາດ 117.850 ບາດ ແລະ ເງິນໂດລາ 10.672 ໂດລາ ແລ້ວເອົາຕົວຫຼົບໜີໄປທາງບ້ານດົງຄຳຊ້າງ ແລະ ນໍາລົດ ຈັກ ໄປດັດແປງສະພາບເພື່ອ ປົກ ປິດການກະທໍາຜິດ. ຫຼັງຈາກນັ້ນ ຈຶ່ງນໍາເອົາ ເງິນສ່ວນໜຶ່ງໄປ ຈ່າຍຫຼິ້ນກິນຟຸມເຟືອຍ ແລະ ເອົາຕົວຫຼົບໜີໄປ ບວດຢູ່ວັດແຫ່ງໜຶ່ງໃນເວລາ ຕໍ່ມາຈຶ່ງຖືກ ເຈົ້າໜ້າທີ່ຈັບຕົວໄດ້.

 

 ແຫລ່ງຂ່າວ: ໜັງສຶພິມປ້ອງກັນຄວາມສະຫງົບ

ບົດຄວາມຫຼ້າສຸດ

ເຮັດໃຫ້ໄດ້ 220 ບັດຕໍ່ມື້ ກະຊວງປ້ອງກັນຄວາມສະຫງົບອອກແຈ້ງການ ໃນການເພີ່ມທະວີປະຕິບັດວຽກງານ ການອອກບັດປະຈຳຕົວດີຈີຕອນ

ກະຊວງປ້ອງກັນຄວາມສະຫງົບ ເລກທີ 01/ປສກ ນະຄອນຫຼວງວຽງຈັນ, ວັນທີ 07 ມັງກອນ 2026 ເຖິງ ບັນດາກອງບັນຊາການ ປກສ ແຂວງ, ກອງບັນຊາການ ນະຄອນຫຼວງວຽງຈັນ...

ເລັ່ງຟື້ນຟູຕົ້ນກາເຟ ແຂວງຈໍາປາສັກ ເລີ່ມເຄື່ອນໄຫວແນະນໍາ ຊາວສວນໃນການຮັບມື-ປ້ອງກັນ ນ້ຳໝອກ ທີ່ເປັນຕົ້ນເຫດ ເຮັດໃຫ້ຕົ້ນກາເຟເສຍຫາຍຈໍານວນຫຼາຍ

ພາຍຫຼັງທີ່ເມືອງ​ປາກຊ່ອງ​ ແຂວງ​ຈໍາປາສັກ​ ເກີດສະພາບອາກາດໜາວ​ເຢັນ​ ແລະ​ ເກີດນໍ້າໝອກເກືອ​ (ນໍ້າໝອກກ້າມ)​,​ ເຮັດໃຫ້ຕົ້ນກາເຟຂອງຊາວສວນ​ ໄດ້ຮັບຜົນກະທົບເປັນຈໍານວນຫຼາຍ.​ ຍ້ອນແນວນັ້ນ,​ ພະແນກກະສິກຳ ແລະ ສິ່ງແວດລ້ອມແຂວງຈໍາປາສັກ ຈິ່ງໄດ້ເຄື່ອນໄຫວແນະນໍາ ຊາວສວນໃນການປ້ອງກັນເກີດນ້ຳໝອກ...

ຊ້າງປ່າໂຕທໍາອິດ ໃນປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ ທີ່ໄດ້ສໍາເລັດການຕິດປອກຄໍດາວທຽມ (GPS) ຖືເປັນອີກບາດກ້າວໜຶ່ງທີ່ສໍາຄັນ ຕໍ່ວຽກງານອະນຸລັກຊ້າງປ່າໄລຍະຍາວ

ຊ້າງປ່າໂຕທໍາອິດ ໃນປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ ທີ່ໄດ້ສໍາເລັດການຕິດປອກຄໍດາວທຽມ (GPS) ຖືເປັນອີກບາດກ້າວໜຶ່ງທີ່ສໍາຄັນ ຕໍ່ວຽກງານອະນຸລັກຊ້າງປ່າໄລຍະຍາວ. ສໍາເລັດຕິດປອກຄໍດາວທຽມ (Elephant Collaring) ໃຫ້ກັບຊ້າງປ່າໂຕທໍາອິດ ທີ່ປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ. ນີ້ຖືເປັນອີກບາດກ້າວໜຶ່ງທີ່ສໍາຄັນຕໍ່ວຽກງານອະນຸລັກຊ້າງປ່າໄລຍະຍາວ ໃນເຂດນໍ້າປຸຍ...

ໄຂຂຶ້ນຢ່າງເປັນທາງການ ກອງປະຊຸມລັດຖະບານ ເປີດກວ້າງ ຄັ້ງທີ II ປະຈຳປີ 2025 ຈັດຂຶ້ນລະຫວ່າງ ວັນທີ 12-13 ມັງກອນ 2026

ໃນຕອນເຊົ້າວັນທີ 12 ມັງກອນ 2026 ທີ່ຫໍປະຊຸມແຫ່ງຊາດ, ລັດຖະບານ ໄດ້ໄຂກອງປະຊຸມເປີດກວ້າງ ຄັ້ງທີ II ປະຈໍາປີ 2025 ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ...