ຂ່າວບັນເທີງມື້ນີ້ແອັດມິນມີກະແສຮ້ອນຈາກກອງປະກວດ Miss Grand International ເຊິ່ງໃນປີນີ້ປະເທດ ຫວຽດນາມເປັນເຈົ້າພາບຈັດງານ ໂດຍເມື່ອວັນທີ 3 ຕຸລາ 2017 ມີລາຍງານວ່າ ກອງປະກວດມິສແກຣນມຽນມາ ໄດ້ປົດນາງ ສ່ວຍ ເອງ ສີ ມິສແກຣນມຽນມາ 2017 ທີ່ເປັນຕົວແທນເຂົ້າຮ່ວມການປະກວດ Miss Grand International ແລະ ຢູ່ໃນລະຫວ່າງເຮັດກິດຈະກຳນາງງາມກ່ອນຮອດວັນຕັດສິນອອກຈາກຕຳແໜ່ງ ໂດຍໃຫ້ເຫດຜົນວ່າ ນາງ ສ່ວຍ ເອງ ສີ ໄວອາຍຸ 19ປີ ມີຄວາມປະພຶດບໍ່ເໝາະສົມ ໂດຍນາງຕ້ອງສົ່ງມົງກຸດ, ສາຍສະພາຍ ແລະ ຂອງລາງວັນທັງໝົດທີ່ໄດ້ຮັບຄືນໃຫ້ແກ່ກອງປະກວດ ພາຍວັນທີ 10 ຕຸລານີ້ ດັ່ງນັ້ນ ນັບຈາກມື້ປະກາດປົດຕຳແໜ່ງ ນາງ ສ່ວຍ ເອງ ສີ ອະດີດມິສແກຣນມຽນມາ 2017 ໄດ້ໝົດສິດໃນການເຂົ້າຮ່ວມປະກວດ Miss Grand International ໃນຮອບຕັດສິນ.
ໂດຍມີລາຍງານວ່າ ການຖືກປົດຈາກຕຳແໜ່ງຂອງນາງກ່ຽວຂ້ອງກັບການທີ່ນາງອອກມາວິພາກວິຈານສະຖານະການຄວາມຮຸນແຮງໃນມຽມາ ຫຼັງຈາກນັ້ນມານາງໄດ້ອອກມາໂພສຜ່ານເຟສບຸກຊີ້ແຈງວ່າ
“ນາງພຽງໂພສວິດີໂອກ່ຽວກັບຄວາມຮຸນແຮງໃນລັດຍະໄຂ່ແຕ່ການກະທຳຂອງນາງບໍ່ໜ້າຈະເຖິງຂັ້ນທຳລາຍພາບພົດນາງງາມຈົນຖືກປົດ ນາງຖືເປັນເລື່ອງຈຳເປັນໃນຖານະປະຊາຊົນຄົນໜຶ່ງຂອງມຽນມາທີ່ຈະໃຊ້ສື່ຂອງນາງໃນການເວົ້າຄວາມຈິງກ່ຽວກັບປະເທດ ແລະ ບອກວ່າການໂຈມຕິໃນລັກສະນະຄ້າຍກຸ່ມລັດອິສລາມຂອງອາຣຊາເຮັດເກີນເຫດ
ຢ່າງໃດກໍ່ຕາມ ນາງບໍ່ໄດ້ກ່າວເຖິງການກະທຳທີ່ຮຸນແຮງຂອງກອງທັບມຽນມາຕໍ່ຊາວໂຣຮິນຢາ ເຊິ່ງເປັນຄົນຊົນກຸ່ມນ້ອຍໃນລັດຍະໄຂ່ແຕ່ຢ່າງໃດ”