spot_img
Homeຂ່າວທ້ອງຖິ່ນຖວທ ຈັດຂະບວນຍ່າງເພື່ອສຸຂະພາບ ສະຫລອງວັນທ່ອງທ່ຽວສາກົນ

ຖວທ ຈັດຂະບວນຍ່າງເພື່ອສຸຂະພາບ ສະຫລອງວັນທ່ອງທ່ຽວສາກົນ

Published on

ຕອນເຊົ້າ 30 ກັນຍາ 2017, ກະຊວງ​ຖະ​ແຫ​ລງຂ່າວ, ວັດທະນະທຳ ​ແລະ ທ່ອງ​ທ່ຽວ (ຖວທ) ໄດ້​ຈັດ​ກິດຈະກຳ​ຍ່າງ​ເພື່ອ​ສຸຂະພາບ ​ຂຶ້ນທີ່​ສວນ​ປະຕູ​ໄຊ, ນະຄອນຫລວງວຽງຈັນ ​​ສະ​ເຫລີ​ມສະຫລອງ​ວັນ​ທ່ອງ​ທ່ຽວ​ໂລກ ​ເຊິ່ງ​ເປັນ​ປີ​ສາກົນ​ແຫ່ງ​ການທ່ອງທ່ຽວ ​ແບບ​ຍືນ​ຍົງ​ເພື່ອ​ການ​ພັດທະນາ, ​ໂດຍ​ທ່ານ ບໍ່ແສງຄຳ ວົງດາຣາ ລັດຖະມົນຕີວ່າການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເປັນປະທານເປີດພິທີິທີ, ມີບັນດາການນຳພັກ-ລັດ ແລະ ຊາວນະ ຄອນຫລວງວຽງຈັນຫລາຍ 700 ກວ່າຄົນ ເຂົ້າຮ່ວມຂະບວນຍ່າງຢ່າງຄຶກຄື້ນ.

ການຈັດ​ກິດຈະກຳ​ຍ່າງ​ເພື່ອ​ສຸຂະພາບໃນ​ຄັ້ງ​ນີ້ ຍັງເປັນ​ການ​ໂຄສະນາເຜີຍ​ແຜ່​​ຄວາມ​ສຳຄັນ​ຂອງ​ການທ່ອງທ່ຽວ ​ຢູ່​ພາຍ​ໃນ​ປະ​ເທດ ກໍ​ຄື ​ສາກົນ; ສ​ະ​ແດງ​ໃຫ້​ເຫັນ​ເຖິງ​ຜົນ​ໄດ້​ຮັບ​ຂອງ​ການທ່ອງທ່ຽວ ທີ່​ປະກອບສ່ວນ​​ເຂົ້າ ​ໃນ​ການ​ພັດທະນາ​ເສດຖະກິດ-ສັງຄົມ, ວັດທະນະທຳ ​ແລະ ການ​ເມືອງ; ທັງ​ເປັນ​ການ​ສົ່ງ​ເສີມ​ໂຄສະນາ​ການທ່ອງທ່ຽວ ​ແນ​ໃສ່​ປະກອບສ່ວນ​ເຂົ້າ​ ໃນ​ການ​ບັນລຸ​ເປົ້າ​ໝາຍ​ການ​ພັດທະນາ​​ແບບ​ຍືນ​ຍົງ; ຊຸກຍູ້ ​ແລະ ສ້າງ​ຂະ​ບວນການ​ໂຄສະນາ​ສົ່ງ​ເສີມ​ການທ່ອງທ່ຽວ ຄຽງ​ຄູ່​ກັບ​ການສະ​ເຫລີ​ມສະຫລອງ​ປີ​ທ່ອງ​ທ່ຽວ​ອາ​ຊຽນ ໂອກາດຄົບຮອບ 50 ປີ ການສ້າງຕັ້ງອາຊຽນ, ຄົບຮອບ 20 ປີ ສປປ ລາວ ເຂົ້າເປັນສະມາຊິກອາຊຽນ ​ແລະ ກະກຽມ​ໃຫ້ແກ່ການເປີດປີ​ທ່ອງ​ທ່ຽວລາວ 2018 ໃນໂອກາດອັນໃກ້ນີ້ ​ໃຫ້​ມີ​ຄວາມ​ຟົດ​ຟື້ນ​, ດຶງ​ດູດ​ນັກ​ທ່ອງ​ທ່ຽວ​ພາຍໃນ ແລະ ຕ່າງປະເທດໃຫ້ນັບມື້ຫລາຍຂຶ້ນ.

ໃນ​ໂອກາດດັ່ງກ່າວ, ຍັງ​ມີ​ການ​ຈັບ​ສະ​ຫລາກ ມອບ​ລາງວັນ ​ໃຫ້​ແກ່​ຜູ້​ເຂົ້າ​ຮ່ວມກິດຈະກຳ​ຍ່າງເພື່ອສຸຂະພາບດັ່ງກ່າວ, ​ເຊິ່ງ​ມີລາງວັນລາຍການ​ທ່ອງ​ທ່ຽວ​ຂີ່​ສະ​ລິງ, ບັດ​ທີ່​ພັກ​ຢູ່​ວັງ​ວຽງ, ບັດ​ຮັບ​ປະທານ​ອາຫານ​ຄໍ່າ, ລາຍການ​ທ່ອງ​ທ່ຽວ​ລ່ອງ​ເຮືອ ​ແລະ ລາຍການ ອື່ນໆຕື່ມ​ອີກ, ອັນໄດ້ເຮັດໃຫ້ກິດຈະກຳຍ່າງເພື່ອສຸຂະພາບໃນຄັ້ງນີ້ ຍິ່ງມີບັນຍາກາດຟົດຟື້ນມ່ວນຊື່ນແຕ່ຕົ້ນຕະຫລອດປາຍ.

 

ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...