ເຈົ້າໜ້າທີ່ ປກສ ແຂວງ ບໍລິຄຳໄຊໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກພົນລະເມືອງດີ ເມື່ອວັນທີ 22 ສິງຫາ
ຜ່ານມານີ້ວ່າ ມີກຸ່ມຄົນບໍ່ດີຈຳນວນໜຶ່ງພວມເຄື່ອນຍ້າຍ ແລະ ຂົນສົ່ງສິນຄ້າຜິດກົດໜາຍມາຈາກເມືອງ
ຄຳເກີດ ແຂວງບໍລິຄຳໄຊ, ຈຶ່ງໄດ້ວາງກຳລັງສະກັດຢູ່່ຕາມຈຸດຕ່າງໆພໍຮອດເວລາ 17:00 ໂມງ ຂອງວັນດັ່ງກ່າວ,
ຈຶ່ງໄດ້ພົບເຫັນລົດໂຕໂຍຕ້າຟໍຈູເນີບໍ່ມີເລກທະບຽນ ແລ່ນດ້ວຍຄວາມໄວສູງ ມາຕາມສາຍທາງເລກ 13 ໃຕ້
ມຸ່ງໜ້າເຂົ້າເມືອງປາກຊັນ, ດັ່ງນັ້ນ ເຈົ້າໜ້າທີ່ຈຶ່ງໄດ້ກັກລົດໃຫ້ຈອດ ແຕ່ລົດຄັນດັ່ງກ່າວບໍ່ຈອດ ແລະ ພະຍາ
ຍາມຂີ່ຫລົບໜີ, ເຈົ້າໜ້າທີ່ຈຶ່ງໄລ່ຕິດຕາມໄປ ຮອດບ້ານຊະນະໄຊ ເມືອງປາກຊັນ ຈຶ່ງສາມາດຢຸດລົດຄັນດັ່ງ
ກ່າວ ເຊິ່ງຂັບຂີ່ໂດຍທ້າວ ຄຳຫັ່ງ ແສງທິລາດ ອາຍຸ 37 ປີຢູ່ບ້ານທົ່ງຈະເລີນ ເມືອງຄຳເກີດ ແຂວງບໍລິຄຳໄຊ
ແລະ ກວດຄົ້ນພາຍໃນລົດພົບກັນຊາອັດແທ່ງຈຳນວນ 13 ມັດ, ນ້ຳໜັກ 579 ກິໂລ, ຈຶ່ງໄດ້ຈັບຕົວຜູ້ຂັບຂີ່
ແລະ ຍຶດລົດພ້ອມຂອງກາງໄວ້ດຳເນີນຄະດີຕາມລະບຽບກົດໝາຍ.
ຜ່ານການສືບສວນ - ສອບສວນຜູ້ຕ້ອງຫາສາລະພາບກັບເຈົ້າໜ້າທີ່ວ່າ: ໄດ້ເຄື່ອນໄຫວຄ້າຂາຍຢາເສບຕິດປະ
ເພດກັນຊາມາແລ້ວ 2 ຄັ້ງ, ໂດຍຊື້ກັນຊານຳປະຊາຊົນຈຳນວນໜຶ່ງ ແລ້ວນຳໄປຂາຍໃຫ້ແມ່ຄ້າຢູ່ປະເທດເພື່ອນ
ບ້ານ ສຳລັບຄັ້ງນີ້ເປັນ ຄັ້ງ ທີ 3 ຈຶ່ງຖືກເຈົ້າໜ້າທີ່ຈັບຕົວໄດ້.
ແຫຼ່ງຂ່າວ: ລາວພັດທະນາ