ເມື່ອວັນທີ 19 ກັນຍາ 2017 ເອເອຟພີລາຍງານສະພາບເຫດການໄພທຳມະຊາດຂັ້ນຮ້າຍແຮງໃນແຫຼມມະຫາສະໜຸດແຄຣິບບ້ຽນ ເມື່ອພາຍຸເຮີຣິເຄນ “ມາເຣຍ” ເພີ່ມລະດັບຄວາມຮຸນແຮງເປັນລະດັບ 5 ແລະ ພັດເຂົ້າຖະລົ່ມໝູ່ເກາະໃນພື້ນທີ່ດ້ວຍຄວາມໄວລົມກວ່າ 260 ກິໂລແມັດຕໍ່ຊົ່ວໂມງ ສົ່ງຜົນໃຫ້ເກາະໂດນິມິກາເສຍຫາຍ ແລະ ຕ້ອງໄດ້ຂໍຄວາມຊ່ວຍເຫຼືອຈາກທາງສະຫະປະຊາຊາດໂດຍດ່ວນທີ່ສຸດ
ພາຍຸໄດ້ມຸ່ງໜ້າໄປໃນທິດທາງດຽວກັນກັບເຮີຣິເຄນເອີມາ ລະດັບ 5 ທີ່ຫາກໍ່ພັດເຂົ້າຖະລົ່ມເກາະໃນແຫຼມມະຫາສະໝຸດແຄຣິບຽນໄປຈົນຮອດລັດ ຟໍຣິດາ ສະຫະລັດອາເມລິກາ ເມື່ອຕົ້ນເດືອນ ກັນຍາ ມີຜູ້ເສຍຊີວິດກວ່າ 50 ຄົນ ແລະ ຢູ່ໃນຊ່ວງຟື້ນຟູ
ສູນເຕືອນໄພພາຍຸເຮີຣິເຄນຂອງສະຫະລັດ ຫຼື ເອັນເອຊຊີ ລະບຸວ່າ ພາຍຸເຮີຣິເຄນມາເຣຍ ມີຄວາມຮຸນແຮງໃນລະດັບອັນຕະລາຍຫຼາຍ ອິດທິພົນຂອງພາຍຸຈະເຮັດໃຫ້ເກີດຝົນຕົກໜັກ ຄື້ນລົມແຮງ ແລະ ພາວະດິນຖະລົ່ມເທິງໝູ່ເກາະຕ່າງໆ ໃນທະເລແຄຣິບຽນ
https://youtu.be/VkpIL4_qpUo