ສາວຜິວແຫ້ງ ທັງຫລາຍອາດຈະເບື່ອໜ່າຍກັບບັນຫາຜິວໜ້າລອກ ບໍ່ວ່າທ່ານຈະທົດລອງໃຊ້ຄີມບຳລຸງຈັກສູດ ຜິວກໍຍັງແຫ້ງ ແລະ ລອກເປັນຜຸຍໆໃຫ້ລຳຄານໃຈຢູ່ເລື້ອຍໆ ຢ່າງໃດກໍຕາມບັນຫາທີ່ແກ້ບໍ່ຕົກເຫລົ່ານີ້ອາດບໍ່ສາມາດດ້ວຍການໃຊ້ຄີມບຳລຸງເຂົ້າຊ່ວຍພຽງຢ່າງດຽວ ແຕ່ສາວໆຈຳເປັນຕ້ອງໃຊ້ວິທີແກ້ໄຂຫລາຍໆດ້ານເຂົ້າຊ່ວຍ ໃນການຟື້ນບຳລຸງຜິວຫນ້າທີ່ແຫ້ງ ແລະ ມັກຈະລອກເປັນຜຸຍໆໃຫ້ກັບມາສຸຂະພາບດີ ຄົງຄວາມຊຸ່ມຊື່ນໄດ້ອີກມື້ນີ້ເລີຍຂໍແນະນຳວີທີດັ່ງຕໍ່ໄປນີ້
- ຄວນໃຊ້ຜະລິດຕະພັນເບິ່ງແຍງຜິວທີ່ມີສ່ວນປະສົມຂອງມອຍສ໌ເຈີໄລເຊີ ຜະລິດຕະພັນເບິ່ງແຍງຜິວທຸກອັນນັບຕັ້ງແຕ່ໂຟມລ້າງໜ້າ ຄີມທາຜິວ ຫລື ຄີມກັນແດດ ທີ່ສາວໆໃຊ້ຄວນມີສ່ວນປະສົມຂອງມອຍຊ໌ເຈີໄລເຊີລ໌ ເພື່ອຊ່ວຍເພີ່ມຄວາມຊຸ່ມຊື່ນໃຫ້ກັບຜິວໄດ້ຢ່າງພຽງພໍຕໍ່ຄວາມຕ້ອງການຂອງຜິວ ທີ່ກຳລັງເສຍສົມດຸນຢູ່ໃນຕອນນີ້
2. ຫລີກລ້ຽງໂຟມລ້າງຫນ້າທີ່ມີສ່ວນປະສົມຂອງເມັດບີດສ໌ ເພາະເມັດບີດສ໌ຈະຮຸກຖູຜິວໜ້າອັນບອບບາງຂອງທ່ານຈົນເກີດອາການແຫ້ງຍິ່ງກວ່າເກົ່າໄດ້ ດັ່ງນັ້ນສາວໆຄວນຈະເລືອກໂຟມລ້າງໜ້າສູດສຳລັບຜິວແພ້ງ່າຍຈະດີທີ່ສຸດ
3. ຄວນທາຄີມບຳລຸງຢ່າງສະໝໍ່າສະເໝີ ເພື່ອໃຫ້ຜິວໜ້າໄດ້ຮັບໄຂມັນທີ່ມີປະໂຫຍດຕໍ່ການບຳລຸງຜິວຢ່າງລ້ຳເລິກ ແລະ ສະໝ່ຳສະເໝີ ຜິວໜ້າຂອງສາວໆຈະຄ່ອຍໆປັບສະພາບຈາກທີ່ແຫ້ງ ແຕກລອກເປັນຜຸຍ ກັບມາມີສຸຂະພາບດີ ນຽນນຸ່ມ ມີນ້ຳມີນວນອີກຄັ້ງ
4. ໃຊ້ຄີມກັນແດດກ່ອນອອກຈາກເຮືອນທຸກຄັ້ງ ເພາະຜິວແຫ້ງຈະຖືກແສງແດດທຳຮ້າຍໄດ້ໄວຫລາຍ ດັ່ງນັ້ນຫລັງຈາກທີ່ສາວໆ ທາຄີມບຳລຸງຜິວແລ້ວຄວນຈະທາຄີມກັນແດດກ່ອນອອກຈາກເຮືອນໃນທຸກເຊົ້າ ເພື່ອປ້ອງກັນຜິວບໍ່ໃຫ້ສູນເສຍຄວາມຊຸ່ມຊື້ນໄປຫລາຍກວ່ານີ້
5.ກິນອາຫານທີ່ຊ່ວຍບຳລຸງຜິວເຊັ່ນ ວິຕາມິນເອ, ບີ ແລະ ກົດໄຂມັນຈຳເປັນ ທີ່ມີໃນຜັກໃບຂຽວ,ໝາກໄມ້,ຖົ່ວ ທັນຍະພືດທີ່ບໍ່ຂັດສີ,ນົມ,ໄຂ່,ປາ, ສານອາຫານເຫລົ່ານີ້ຈະເປັນຢາດີເລີດ ທີ່ຊ່ວຍຮັກສາຜິວຂອງສາວໆໃຫ້ກັບມາມີສຸຂະພາບດີຈາກພາຍໃນ ນອກຈາກນີ້ສາວໆຄວນດື່ມນ້ຳຫລາຍໆ ຈະຊ່ວຍໃຫ້ຜິວໜັງໄດ້ຮັບຄວາມຊຸ່ມຊື່ນຢ່າງພຽງພໍ ແລ້ວອາການຜິວລອກເປັນຜຸຍຈະລຸດນ້ອຍລົງໄປເລື່ອຍໆ ຈົນຫາຍຂາດ