spot_img
Homeຂ່າວພາຍ​ໃນການແຂ່ງຂັນບານເຕະຊິງແຊ້ມຂອງໂຮງຮຽນມັດທະຍົມສຶກສາ ປະຈໍາປີ 2017

ການແຂ່ງຂັນບານເຕະຊິງແຊ້ມຂອງໂຮງຮຽນມັດທະຍົມສຶກສາ ປະຈໍາປີ 2017

Published on

ສະຫະພັນບານເຕະແຫ່ງຊາດລາວ ກຽມຈັດການແຂ່ງຂັນບານເຕະຊິງແຊ້ມຂອງໂຮງຮຽນມັດທະຍົມສຶກສາ ປະຈໍາປີ 2017 ທົ່ວນະຄອນຫຼວງວຽງຈັນ.

– ອີງຕາມ: ແຜນການເຄື່ອນໄຫວຂອງ ສະຫະພັນບານເຕະແຫ່ງຊາດລາວ ປະຈໍາປີ 2017.
– ອີງຕາມ: ແຜນພັດທະນານັກກິລາເຍົາວະຊົນ ແລະ ຊາວໜຸ່ມຂອງສະຫະພັນບານເຕະແຫ່ງຊາດລາວ.
– ອີງຕາມ: ແຜນສະໜັບສະໜູນການຈັດການແຂ່ງຂັນບານເຕະລະດັບໄວໜຸ່ມຂອງສະຫະພັນບານເຕະນາໆຊາດ.

ສະຫະພັນບານເຕະແຫ່ງຊາດລາວ ຂໍຖືເປັນກຽດຮຽນສະເໜີມາຍັງ ທ່ານ ຫົວໜ້າອໍານວຍການ ໂຮງຮຽນມັດທະຍົມສຶກສາທົ່ວນະຄອນຫຼວງວຽງຈັນຊາບວ່າ ສຕລ ມີຈຸດປະສົງ ຈະຈັດການແຂ່ງຂັນບານເຕະລາຍການ ຊິງແຊ້ມມັດທະຍົມສຶກສາ (LFF School Youth League 2017) ໃຫ້ບັນດາໂຮງຮຽນມັດທະຍົມທົ່ວນະຄອນຫຼວງວຽງຈັນ ເຊິ່ງຄາດຄະເນຈະເລີ່ມຈັດຂື້ນພາຍໃນກາງເດືອນ ຕຸລາ 2017 ນີ້. 

ການແຂ່ງຂັນດັ່ງກ່າວ ຈະໄດ້ຮັບການສະໜັບສະໜູນຫຼັກຈາກ ສະຫະພັນບານເຕະແຫ່ງຊາດລາວ (ສຕລ). ນອກນັ້ນ, ສຕລ ຍັງຈະຈັດການຝຶກອົບຮົມຄູຝຶກລະດັບ D ໃຫ້ກັບບັນດາຄູຝຶກຂອງທີມໂຮງຮຽນທີ່ເຂົ້າຮ່ວມການແຂ່ງຂັນ ແລະ ຝຶກອົບຮົມກໍາມະການຕັດສິນທີ່ຈະລົງປະຕິບັດໜ້າທີສໍາລັບການແຂ່ງຂັນຄັ້ງນີ້ອີກດ້ວຍ. ສະນັ້ນ, ສະຫະພັນບານເຕະແຫ່ງຊາດລາວ ຈຶ່ງແຈ້ງມາຍັງທ່ານ ເພື່ອກະກຽມ ສົ່ງທີມເຂົ້າຮ່ວມແຂ່ງຂັນ ໃນລາຍການນີ້ດ້ວຍໂດຍໃຫ້ແຈ້ງເຈດຈໍານົງການເຂົ້້າຮ່ວມຢ່າງເປັນລາຍລັກອັກສອນພາຍໃນ ວັນທີ 29 ກັນຍາ 2017 ຫາ ສະຫະພັນບານເຕະແຫ່ງຊາດລາວ, ແບບຟອມສະໝັກສາມາດດາວໂຫລດທີ່ເວບໄຊໄດ້ :​
– ໃບຕົກລົງເຂົ້າຮ່ວມ: http://www.laoff.org.la/…/%E0%BB%83%E0%BA%9A%E0%BA%95%E0%BA…
– ໃບລົງທະບຽນ: http://www.laoff.org.la/…/%E0%BB%83%E0%BA%9A%E0%BA%A5%E0%BA…

ຂໍ້ມູນເພີ່ມເຕີມຕິດຕໍ່:
ທ່ານ ຈັນທະວົງ ສິລິມະໂນທຳ
020 9951 2087
ທ່ານ ສັນຕິກອນ ແສງດາລາ
020 9718 0867

 

ແຫລ່ງຂ່າວ: ສະຫະພັນບານເຕະແຫ່ງຊາດລາວ

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...