ເອເອຟພີລາຍງານວັນທີ 18 ກັນຍາ 2017ວ່າ ສະພາບເຫດການພາຍຸໄຕ້ຝຸ່ນ ຕາລິມ ຄວາມໄວລົມສູງສຸດ 162 ກິໂລແມັດຕໍ່ຊົ່ວໂມງ ທີ່ເຄື່ອນຕົວພັດຖະຫຼົ່ມເກາະຄິວຊູ ແລະ ໂອກິນາວາ ທາງຕະເວັນຕົກສຽງໃຕ້ຂອງຍີ່ປຸ່ນ ຕັ້ງແຕ່ວັນທີ 17 ກັນຍາ ປັດຈຸບັນໄດ້ເຄື່ອນຕົວຂຶ້ນໄປທາງທິດເໜືອຮອດເກາະຮັອກໄກໂດແລ້ວ ແຕ່ອິດທິພົນຂອງພາຍຸຍັງຄົງເຮັດໃຫ້ເກີດຝົນຕົກໜັກ ແລະ ລົມພັດແຮງ ພົບຜູ້ເສຍຊີວິດຢ່າງໜ້ອຍ 2 ຄົນ ສູນຫາຍອີກ 3 ຄົນ ມີຜູ້ບາດ ເຈັບ 38 ຄົນ ຂະນະທີ່ເມືອງມິຍາໂກະມີປະລິມານນ້ຳຝົນໃນຊ່ວງ 24 ຊົ່ວໂມງທີ່ຫຼາຍທີ່ສຸດໃນຮອບ 50 ປີ

ດ້ານສຳນັກຂ່າວເອັນເອຊເຄລະບຸວ່າ ອິດທິພົນຂອງພາຍຸຍັງເຮັໃຫ້ຕ້ອງຢຸດການບໍລິການທ້ຽວບິນພາຍໃນປະເທດຫຼາຍສາຍຢ່າງໜ້ອຍ 116 ທ້ຽວ ຄືກັນກັບລົດໄຟຄວາມໄວສູງທີ່ຈະມຸ່ງໜ້າເດີນທາງຂື້ນເໜືອກໍ່ຕ້ອງຢຸດໃຫ້ບໍລິການ