ສາວໆ ທຸກຄົນຄວນມັກໃຊ້ຄີມກັນແດດຈົນຕິດເປັນນິໄສ ເພື່ອຈະໄດ້ປົກປ້ອງຜິວທີ່ສວຍງາມ ສາວໆຕ່າງກໍ່ທາຄີມກັນແດດເກືອບທົ່ວທັງຮ່າງບໍ່ວ່າຈະເປັນ ແຂນ,ຂາ, ແລະ ໃບໜ້າ ກ່ອນຈະອອກຈາກເຮືອນ ຫລື ວ່າອອກແດດ ແຕ່ກໍຍັງມີ 2ຈຸດນ້ອຍໆ ທີ່ສຳຄັນບໍ່ແພ້ກັນ ແລະ ມັກຖືກເບິ່ງຂ້າມຈາກການປ້ອງກັນຈາກແສງແດດຢູ່ສະເໝີ ສອງຈຸດທີ່ວ່ານັ້ນກໍຄື ຜິວບອບບາງທີ່ເປືອກຕາ ແລະ ຮີມສົບນັ້ນເອງ
– ຜິວທີ່ເປືອກຕາ ເປັນບໍລິເວນທີ່ບອບບາງ ຫລາຍໆຄົນຈຶ່ງເວັ້ນການໃຊ້ຄີມກັນແດດບ່ອນນັ້ນດ້ວຍການຢ້ານວ່າຈະເກີດອາການລະຄາຍເຄືອງ ຖ້າເປັນແນວນັ້ນ ລອງໃຊ້ແປ້ງອັດແຂງສູດປະສົມສານກັນແດດທີ່ເຮົາໃຊ້ທາໜ້ານັ້ນ ໃຊ້ແປງແຕະເບົາໆ ແລະ ປັດໄປທົ່ວເປືອກຕາ ຫລື ຖ້າມີ ອາຍໄພມ໌ເມີລ໌ ຊະນິດກັນແດດ ແລະ ກັນນ້ຳໄດ້ ທາກ່ອນທີ່ຈະເລີ່ມແຕ່ງດວງຕາ ກໍຈະດີຫລາຍ
– ທາງດ້ານຮີມສົບ ກໍເປັນເນື້ອຜິວທີ່ອ່ອນບາງບໍ່ແພ້ກັນ ທັງຍັງສູນເສຍຄວາມຊຸ່ມຊື່ນແຫ້ງແຕກໄດ້ງ່າຍ ຈຶ່ງຈຳເປັນຕ້ອງໃຊ້ລິບບາລ໌ ມາບໍາລຸງຮີມສົບ ເພີ່ມຄວາມຊຸ່ມຊື່ນພ້ອມໆ ກັບມີຄ່າ SPF 15ເປັນຢ່າງຕ່ຳ ທາເພື່ອປົກປ້ອງຮີມສົບດຳຄ້ຳ ແລະ ແຫ້ງຈາກແສງແດດ ສ່ວນຜະລິດຕະພັນປະເພດປິໂຕລຽມ,ເຈນລີ່ ຫລື ລິບບາລ໌ ທີ່ບໍ່ມີສານປ້ອງກັນແສງແດດ ແມ່ນເກັບໄວ້ທາຕອນກ່ອນນອນແມ່ນຈະເໝາະຫລາຍ