ສຳນັກຂ່າວຕ່າງປະເທດລາຍງານຈາກນະຄອນຫຼວງ ເນປິດໍ ປະເທເມຽນມາ ເມື່ອວັນທີ 18 ກັນຍາ 2017 ວ່າຄະນະກຳມະທິການດ້ານຂ່າວສານຂອງລັດຖະບານມຽນມາ ອອກມາຖະແຫຼງການເມື່ອວັນອາທິດທີ່ຜ່ານມາວ່າ ປະຊາຊົນສ່ວນໜຶ່ງໃນລັດຍະໄຂ່ທີ່ຫຼົບໜີອອກໄປອີກປະເທດໜຶ່ງ ເປັນເພາະຄວາມຢ້ານກົວຕໍ່ການຖືກຈັບກຸມຕົວຖານກ່ຽວຂ້ອງກັບສະພາບເຫດການຮຸນແຮງໃຮພື້ນທີ່ ແລະ ລັດຖະບານຈະມອບຄວາມຄຸ້ມຄອງທາງກົດໝາຍໃຫ້ແກ່ພົນລະເມືອງໃນລັດຍະໄຂ່ທີ່ບໍ່ຫຼົບໜີອອກນອກປະເທດ
ຖະແຫຼງການດັ່ງກ່າວຂອງລັດຖະບານມຽນມາຖືເປັນການສົ່ງສັນຍານຢ່າງມີໄນໃຈຄວາມ ວ່າບໍ່ປະສົງຮັບກັບຜູ້ລີ້ໄພຊາວໂຣຮິນຈາຫຼາຍກວ່າ 430,000 ຄົນ ເຊິ່ງໄດ້ອົບພະຍົບເຂົ້າສຸ່ບັງກາລາເທດ ຕັ້ງແຕ່ວັນທີ 25 ສິງຫາ 2017ທີ່ຜ່ານມາ ເພື່ອຫຼົບໜີການສູ້ຮົບລະຫວ່າງກອງທັບມຽນມາກັບກອງທັບກອບກູ້ໂຣຮິນຢາແຫ່ງອາຣະກັນ (ອາຣ໌ຊາ)
ດ້ານທ່ານ ອັນໂຕນິໂອ ກູເຕຣ໌ເຣສ ເລຂາທິການຢູເອັນ ກ່າວວ່າ ສະພາບເຫດການທີ່ເກີດຂຶ້ນໃນລັດຍະໄຂ່ ແລະ ບັນຍາກາດພາຍໃນຄ້າຍຜູ້ລີ້ໄພຊາວໂຣຮິນຢາໃນບັງກາລາເທດບົ່ງບອກໃຫ້ຮູ້ວ່າ ກອງທັບມຽນມາຍັງມີອິດທິພົນຫຼາຍຕໍ່ການດຳເນີນນະໂຍບາຍດ້ານຄວາມໝ້ນຄົງຂອງລັດຖະບານພາຍໃຕ້ການຊີ້ນຳຂອງທ່ານ ນາງ ອອງ ຊານ ຊູຈີ ໂດຍຜູ້ບັນຊາການກອງທັບມຽນມາກ່າວເມື່ອທ້າຍອາທິດທີ່ຜ່ານມາວ່າ ປະຕິເສດຂໍ້ຮຽກຮ້ອງຂອງກູເຕຣ໌ເຣສໃນການອບສະຖານະພົນລະເມືອງໃຫ້ແກ່ຊາວໂຣຮິນຢາ ແລະ ກ່າວເຖິງປະຕິບັດການທາງການທະຫານໃນລັດຍະໄຂ່ວ່າເປັນ “ປະຕິບັດການກວາດລ້າງ” ກຸ່ມຕິດອາວຸດຊາວໂຣຮິນຢາເທົ່ານັ້ນ