ສຳນັກຂ່າວຕ່າງປະເທດລາຍງານຈາກນະຄອນຫຼວງ ພະນົມເປນ ປະເທດກຳປູເຈຍ ເມື່ອວັນທີ 15 ກັນຍາ 2017ວ່າ ສົມເດັດ ຮຸນເຊັນ ນາຍົກລັດຖະມົນຕີກຳປູເຈຍ ກ່າວເມືອວັນພະຫັດທີ່ຜ່ານມາວ່າ  ໄດ້ສັ່ງການໃຫ້ໜ່ວຍງານທີ່ກ່ຽວຂ້ອງຢຸດຕິການຄົ້ນຫາເບາະແສຂອງພົນລະເມືອງອາເມລິກາທີ່ສູນຫາຍໃນກຳປູເຈຍໃນຊ່ວງສົງຄາມຫວຽດນາມຊົ່ວຄາວ ຈົນກວ່າສະຫະລັດ ແລະ ກຳປູເຈຍຈະສາມາດແກ້ໄຂຄວາມຂັດແຍ້ງໃນຫຼາຍຫົວຂໍ້ໄດ້ຢ່າງລຸລ່ວງ ສົມເດັດຮຸນເຊັນໄດ້ເປີດເຜີຍວ່າ ມີພົນລະເມືອງສະຫະລັດ 80 ຄົນທີ່ສູນຫາຍໃນກຳປູເຈຍນັບຕັ້ງແຕ່ສະໄໝສົງຄາມຫວຽດນາມຢຸດຕິລົງເມື່ອປີ 1975 ໃນຈຳນວນນີ້ພົບເບາະແສແລ້ວ 32 ຄົນ.

ຄຳຖະແຫຼງການດັ່ງກ່າວໄດ້ມີຂຶ້ນຫຼັງກະຊວງການຕ່າງປະເທດສະຫະລັດປະກາດເມືອວັນພຸດທີ່ຜ່ານມາ ຈະລະງັບການອອກວິຊ່າບາງປະເພດໃຫ້ແກ່ພົນລະເມືອງກຳປູເຈຍ ແຕ່ສ່ວນໃຫຍ່ຈະມີຜົນກະທົບຕໍ່ເຈົ້າໜ້າທີ່ກະຊວງການຕ່າງປະເທດຂອງກຳປູເຈຍກັບຜູ່ທີ່ມີຕຳແໜ່ງລະດັບອຳນວຍການຂຶ້ນໄປ ໂດຍລັດຖະບານວໍຊິງຕັນໃຫ້ເຫດຜົນວ່າ ເປັນການຕອບໂຕ້ທີ່ີລັດຖະບານພະນົມເປນປະຕິເສດເສດການຮັບເອົາພົນລະເມືອງຂອງຕົນເອງທີ່ອາໃສຢູ່ໃນສະຫະລັດແບບຜິດກົດໝາຍ.