ສຳນັກຂ່າວຕ່າງປະເທດລາຍງານຈາກນະຄອນຢາງກຸ້ງ ປະເທດມຽນມາ ເມື່ອວັນທີ 14 ກັນຍາ 2017 ວ່າ ທ່ານ ເກິ໋ງ ສ່ວງ ໂຄສົກກະຊວງການຕ່າງປະເທດຈີນ ກ່າວໃນການຖະແຫຼງການໃນວັນອັງຄານທີ່ຜ່ານມາວ່າ ລັດຖະບານປັກກິ່ງປະນາມເຫດການຮຸນແຮງໃນລັດຍະໄຂ່ຂອງມຽນມາ ຂະນະດຽວກັນຈີນກໍ່ຫວັງວ່າຄຸນນະພາບຊີວິດ ແລະ ຄວາມເປັນຢູ່ຂອງປະຊາຊົນໃນລັດຍະໄຂ່ຈະໄດ້ຮັບການຟື້ນຟູໃຫ້ກັບຄືນສູ່ສະພາບເດີມໄວທີ່ສຸດ ພ້ອມທັງຮຽກຮ້ອງໃຫ້ປະຊາຄົມໂລກຮ່ວມກັນສະໜັບສະໜູນຄວາມພະຍາຍາມຂອງມຽນມາ ໃນການຮັກສາຄວາມໝັ້ນຄົງ ເຊິ່ງຈະນຳໄປສູ່ການພັດທະນາບ້ານເມືອງຢ່າງເປັນລະບົບຕໍ່ໄປ.