ຈາກການລາຍງານຂອງເວັນໄຊ ເດລີເມລ ເມື່ອວັນທີ 13 ກັນຍາ 2017 ລະບຸວ່າ ຊາແມນທາຄືຕຸກກະຕາຢາງທີ່ຖືກຜະລິດຄິດຄົ້ນຂຶ້ນໂດຍ ບໍລິສັດສັນຊາດສະເປນ ທີ່ມີຊື່ວ່າ ຊິນເທຍ ອາມາຕັສ (Synthea Amatus) ໂດຍ ແຊຣຄີຊາຍໂຕສ ນັກພັດທະນາຜູ້ອອກແບບສາແມນທາເປີດເຜີຍວ່າ ຕຸກກະຕາຢາງສຸດພິເສດນີ້ສາມາດຈຳຄົນທີ່ເຄີຍສຳພັດມັນໄດ້ ໂດຍມັນຈະຮັບຮູ້ວ່າບຸກຄົນດັ່ງກ່າວປະຕິບັດກັບມັນແນວໃດ ແລະ ມັນຈະສື່ສານກັບໄປແບບນັ້ນ
ເນື່ອງຈາກຊາແມນທາເປັນຫຸ່ນຍົນສະໝອງກົນ (AI – Artificial Intelligence) ມັນຈິ່ງສາມາດສື່ສານໄດ້ຫຼາຍພາສາ ແລະ ສາມາດຮຽນຮູ້ສິ່ງໃໝ່ໆໄດ້ ແລະ ຍັງມີໂໝດອາລົມຫຼາຍແບບສາມາດນອນຫຼັບໄດ້ຄືມະນຸດ ແລະ ທີ່ສຳຄັນມັນສາມາດສະແດງອາການເຖິງຈຸດສຸດຍອດໄດ້ອີກດ້ວຍ
ດ້ວຍຄວາມແປກ ແລະ ນ່າສົນໃຈຂອງຕຸກກະຕາຢາງຊາແມນທາ ເຮັດໃຫ້ມັນເປັນທີ່ນິຍົມຫຼາຍ ໂດຍຕອນນີ້ທາງບໍລິສັດໄດ້ຂາຍໄປແລ້ວຢ່າງໜ້ອຍ 15 ໂຕ ເຊິ່ງຂາຍໃນລາຄາ 3.750 ຢູໂຣ
ໃນອານາຄົດຕຸກກະຕາຢາງຊາແມນທາອາດເປັນທີ່ນິຍົມຫຼາຍໃນອອສເຕເລຍ ໂດຍມີລາຍງານລະບຸວ່າ ປັດຈຸບັນສະຖານບໍລິການທາງເພດຫຼາຍແຫ່ງໃນອອສເຕເລຍໄດ້ທົດລອງນຳຕຸກກະຕາຢາງເຂົ້າໃຫ້ບໍລິການລູກຄ້າແທນທີ່ສາວໂສເພນີ ແລະ ຜົນຕອບຮັບທີ່ໄດ້ເປັນທີ່ໜ້າພໍໃຈຫຼາຍ ເນື່ອງຈາກມີລູກຄ້າຈຳນວນຫຼາຍທີ່ນິຍົມຫຼັບນອນກັບຕຸກກະຕາຢາງແທນມະນຸດ