spot_img
Homeຂ່າວພາຍ​ໃນຄະນະຜູ້ແທນໄທ ຢ້ຽມຢາມເຂດນິຄົມອຸດສາຫະກຳ ແລະ ການຄ້າວຽງຈັນ-ໂນນທອງ

ຄະນະຜູ້ແທນໄທ ຢ້ຽມຢາມເຂດນິຄົມອຸດສາຫະກຳ ແລະ ການຄ້າວຽງຈັນ-ໂນນທອງ

Published on

 

ໃນວັນທີ 26 ສິງຫານີ້ ຄະນະຜູ້ແທນຈາກພາກເໜືອຂອງປະເທດໄທ ນຳໂດຍຜູ້ວ່າລາດຊະການຈັງຫວັດຊຽງໃໝ່,

ລຳ ພູນ, ລຳປາງ, ແມ່ຮ່ອງສອນ, ພ້ອມດ້ວຍບັນດາຫົວໜ່ວຍທຸລະກິດ ແລະ ຂະແໜງການລົງທຶນທີ່ຂຶ້ນກັບພາກ

ເໜືອປະເທດໄທ  ໄດ້ເຄື່ອນໄຫວຢ້ຽມຢາມເຂດເສດຖະກິດສະເພາະ ນິຄົມອຸດສາຫະກຳ ແລະ ການຄ້າວຽງຈັນ-ໂນນ

ທອງ, ໂດຍໄດ້ຮັບການຕ້ອນຮັບຈາກ ທ່ານ ດຣ. ເຂິງຄຳ ແກ້ວໜູຈັນ ຮອງຫົວໜ້າກອງເລຂາຄະນະກຳມະການ

ແຫ່ງຊາດລາວເພື່ອຄຸ້ມຄອງເຂດເສດຖະກິດພິເສດ ແລະ ສະເພາະ (ກຄຂພສ), ທ່ານ ສີບຸນເຮືອງ ວຽງຄຳໄຜ່, ຮອງ

ປະທານສະພາບໍລິຫານເຂດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

 

ທ່ານ ດຣ. ເຂິງຄຳ ແກ້ວໜູຈັນ ກ່າວວ່າ: ການພັດທະນາ ແລະ ຄຸ້ມຄອງເຂດເສດຖະກິດພິເສດ ແລະ ເຂດເສດຖະ

ກິດສະເພາະ (ຂພສ) ຢູ່ລາວເປັນວຽກງານໃໝ່ທີ່ພັກ ແລະ ລັດຖະບານສ້າງຂຶ້ນເພື່ອແນໃສ່ບຸກທະລຸທາງດ້ານເສດ

ຖະກິດຂອງປະ ເທດ, ແນ່ໃສ່ດຶງດູດການລົງທຶນຈາກຕ່າງປະເທດ ເຂົ້າໃນຂະແໜງການຕ່າງໆຢ່າງມີຈຸດສຸມ, ດ້ວຍ

ການຖອດຖອນບົດຮຽນ, ປະສົບການຈາກພາຍໃນ ແລະ ຕ່າງປະເທດໂດຍສະເພາະການນິຄົມອຸດສາຫະກຳແຫ່ງ

ປະເທດໄທທີ່ໄດ້ຊ່ວຍເຫລືອ ແລະ ຖ່າຍທອດປະສົບການໃນການຄຸ້ມ ຄອງໃຫ້ແກ່ ຄຂພສ, ແລ້ວຈຳນວນ 10 ແຫ່ງ

ເປັນເຂດເສດຖະກິດພິເສດ 2 ແຫ່ງຄື: ເຂດເສດຖະກິດພິເສດສະຫວັນ-ເຊໂນ ແລະ ເຂດເສດຖະກິດພິເສດສາມ

ຫລ່ຽມຄຳ, ສ່ວນອີກ 8 ແຫ່ງ ແມ່ນເຂດເສດຖະກິດສະເພາະຄືນິຄົມອຸດສາຫະກຳ ແລະ ການຄ້າວຽງຈັນ-ໂນນທອງ,

ເຂດພັດທະນາກວມລວມໄຊເສດຖາ, ເຂດເສດຖະກິດ ສະເພາະລອງແທງວຽງຈັນ, ເຂດເສດຖະກິດສະເພາະດົງໂພສີ,

ເຂດເສດຖະກິດສະເພາະບໍ່ເຕັນແດນງາມ, ເຂດເສດຖະກິດສະເພາະທ່າແຂກ, ເຂດເສດຖະກິດສະເພາະພູຂຽວ ແລະ

ເຂດເສດຖະກິດສະເພາະບຶງທາດຫລວງ, ເຊິ່ງສາມາດດຶງດູດການລົງທຶນຕົວຈິງໄດ້ 1 ພັນລ້ານກວ່າໂດລາສະຫະລັດ

ແລະ ສ້າງວຽກເຮັດງານທຳໄດ້ຫລາຍກວ່າ 8.000 ຕໍາ ແໜ່ງງານ.

 

ນອກຈາກນີ້, ຄະນະຜູ້ແທນໄດ້ຮັບຟັງຄວາມຄືບໜ້າ ຂອງການພັດທະນາຈາກສະພາບໍລິຫານນິຄົມອຸດສາຫະກຳ ແລະ

ການຄ້າວຽງຈັນ-ໂນນທອງ ພ້ອມທັງລົງເບິ່ງຈຸດກໍ່ສ້າງຕ່າງໆທີ່ຢູ່ພາຍໃນນິຄົມ, ເຊິ່ງມາເຖິງປັດຈຸບັນມີມູນຄ່າການລົງ

ທຶນຕົວຈິງທັງໝົດປະມານ 32 ລ້ານໂດລາສະຫະລັດໃນນັ້ນ, ເປັນການລົງທຶນຂອງຜູ້ພັດທະນາ 10 ລ້ານ ໂດລາສະຫະລັດ;

ຂອງຜູ້ລົງທຶນລາຍຍ່ອຍ 22 ລ້ານໂດລາສະຫະລັດ, ມາເຖິງປີ 2014 ສາມາດດຶງດູດການລົງທຶນຈາກພາຍໃນ ແລະ ຕ່າງ

ປະເທດເຂົ້າໃນເຂດໄດ້ທັງໝົດ 28 ບໍລິສັດ ເປັນຕົ້ນແມ່ນຈາກ ສປຈີນ, ຍີ່ປຸ່ນ, ໄທ, ມາເລເຊຍ, ໄຕ້ຫວັນ, ຮົງກົງ, ເດນ

ມາກ, ໃນນັ້ນຂະແໜງອຸດສາຫະກຳກວມເອົາ 46%, ການຄ້າ 28% ແລະ ການບໍລິການ 25%, ມີ 4 ບໍລິສັດທີ່ທົດລອງທຳ

ການຜະລິດ, 2 ບໍລິສັດໄດ້ຜະລິດ ແລະ ສົ່ງອອກສິນຄ້າ ສ່ວນທີ່ເຫລືອກຳລັງກໍ່ສ້າງຫ້ອງການ ແລະ ໂຮງງານ, ສ້າງວຽກ

ເຮັດງານທຳໄດ້ຈຳນວນ 823 ຄົນ, ໃນນີ້ຄົນລາວ 776 ຄົນ ແລະ ຕ່າງປະເທດ 47 ຄົນ. ໃນສົກປີ 2014-2015 ຄາດຄະເນ

ຄວາມຕ້ອງການແຮງງານຈະເພີ່ມຂຶ້ນອີກ ປະມານ 1.500 ຄົນ ແລະ ໃນ ຊຸມປີຕໍ່ໜ້າຄາດວ່າຈະສ້າງວຽກເຮັດງານທຳ

ໄດ້ບໍ່ຕໍ່າກວ່າ 15.000 ຄົນ. ສາມາດປະຕິບັດພັນທະອາກອນເງິນເດືອນຈາກແຮງງານໄດ້ຈຳນວນ 5.830 ໂດລາ ສະຫະ

ລັດ, ສາມາດສົ່ງອອກສິນຄ້າ ມູນຄ່າ 8 ລ້ານໂດລາສະຫະລັດ ແລະ ນຳເຂົ້າສິນຄ້າເປັນຕົ້ນເຄື່ອງຈັກ, ວັດສະດຸອຸປະກອນ

ຕ່າງໆລວມມູນຄ່າ 16 ລ້ານໂດລາສະຫະລັດ ພ້ອມກັນນັ້ນກໍໄດ້ມີການແບ່ງປັນຜົນປະໂຫຍດໃຫ້ແກ່ລັດຕາມສັນຍາ

( ແຕ່ປີ 2008- 2013) ຈໍານວນ 197.872 ໂດລາສະຫະລັດ ເຊິ່ງເປັນການປະກອບສ່ວນສ້າງລາຍຮັບແຫ່ງຊາດໃນເບື້ອງ

ຕົ້ນ.

 

ເຂດນິຄົມອຸດສາຫະກຳ ແລະ ການຄ້າວຽງຈັນ-ໂນນທອງ ຕັ້ງຢູ່ຫລັກ 22 ບ້ານ ໂນນທອງ, ເມືອງໄຊທານີ ນະຄອນຫລວງ

ວຽງຈັນ, ສ້າງຕັ້ງຂຶ້ນໃນເດືອນຕຸລາ 2009, ໂດຍແມ່ນກະຊວງອຸດສາຫະກຳ ແລະ ການຄ້າຕາງໜ້າໃຫ້ລັດຖະບານຖືຫຸ້ນ

30% ແລະ ບໍລິສັດ ໜຳເວ ພັດທະນາ ຈຳກັດ (ໄຕ້ຫວັນ) ຖືຫຸ້ນ 70%, ການລົງທຶນທັງໝົດປະມານ 43 ລ້ານໂດລາສະຫະ

ລັດ, ທຶນຈົດທະບຽນ 12,9 ລ້ານ ໂດລາສະຫະລັດ ແລະ ມີອາຍຸສຳປະທານ 75 ປີ, ມີເນື້ອທີ່ທັງໝົດ 110 ເຮັກຕາ.

 

ສຳລັບການຄຸ້ມຄອງ ແລະ ບໍລິຫານເຂດນິຄົມອຸດສາຫະກຳການຄ້າວຽງຈັນ-ໂນນທອງ ແມ່ນໄດ້ປະຕິບັດຕາມນະໂຍບາຍ

ໃໝ່ຂອງການພັດທະນາ ຂພສ ທີ່ກຳນົດໄວ້ໃນກົດໝາຍວ່າດ້ວຍການສົ່ງເສີມການລົງທຶນ ແລະ ດຳລັດວ່າດ້ວຍເຂດເສດ

ຖະກິດພິເສດ ແລະ ສະເພາະ (ຂພສ) ໂດຍສ້າງຕັ້ງສະພາບໍລິຫານເຂດ ທີ່ປະກອບດ້ວຍຝ່າຍລັດຖະບານ ແລະ ຜູ້ພັດທະ

ນາ (ບໍລິສັດ ໜຳເວ ພັດທະນາ ຈຳກັດ) ເພື່ອບໍລິຫານ ແລະ ຄຸ້ມຄອງເຂດຕາມກົນໄກຫົວໜ່ວຍບໍລິຫານນ້ອຍ-ສັງຄົມ

ກວ້າງ, ຫັນເປັນທັນສະໄໝ ດ້ວຍການນຳໃຊ້ລະບົບເອເລັກໂຕຣນິກເຂົ້າໃນການຄຸ້ມຄອງບໍລຶຫານ ທີ່ຮັບປະກັນຄວາມ

ໂປ່ງໃສ ແລະ ສາມາດກວດສອບໄດ້ ເພື່ອຊຸກຍູ້ ແລະ ອຳນວຍຄວາມສະດວກ ໃຫ້ແກ່ການດຳເນີນທຸລະ ກິດ, ການບໍລິ

ການຢູ່ພາຍໃນເຂດ ໃຫ້ບັນລຸຕາມຈຸດປະສົງເປົ້າໝາຍທີ່ວາງໄວ້ປະກອບສ່ວນໃຫ້ແກ່ການພັດທະນາເສດຖະກິດຂອງ

ທ້ອງຖິ່ນ ແລະ ຂອງຊາດໃຫ້ຂະຫຍາຍຕົວ.

 

ແຫຼ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...