ເມື່ອວັນທີ 7 ກັນຍາ 2017 ເອພີລາຍງານວ່າ ກອງທັບອາກາດຈີນປະຕິບັດການຊ້ອມຮົບອີກຄັ້ງໃນອ່າວປໍໄຫ່ໄກ້ກັບທະເລເຫຼືອງ ພຽງບໍ່ພໍເທົ່າໃດມື້ຫຼັງຈາກເກົາຫຼີເໜືອທົດສອບລະເບີດໄຮໂດຣເຈນ ຫຼື ເອຊບອມ

ການຊ້ອມຮົບຄັ້ງນີ້ໄດ້ມີຂຶ້ນໃນຕອນເຊົ້າວັນທີ 5 ກັນຍາ ທີ່ຜ່ານມາ ໄດ້ມີການຈຳລອງສາກການຖືກໂຈມຕີທີ່ບໍ່ມີການເຕືອນລ່ວງໜ້າດ້ວຍຂີປະນາວຸດຕໍ່ຕ້ານທາງອາກາດດ້ວຍເຮືອບິນຮົບບິນໃນລະດັບຕ່ຳ ບໍລິເວນແຄມຝັ່ງຕະເວັນອອກຂອງຈີນ ແລະ ການປ້ອງກັນອາວຸດນິວເຄຣຍ ແລະ ອາວຸດຊີວະພາບ

ກະຊວງປ້ອງກັນປະເທດຈີນແຈ້ງວ່າ ການຊ້ອມຮົບດັ່ງກ່າວມີຈຸດປະສົງເພື່ອຊ້ອມກຽມຄວາມພ້ອມໃນການປະຕິບັດພາລະກິດຂັບໄລ່ສັດຕູ ແລະ ກ່າວວ່າບໍ່ໄດ້ມີສ່ວນກ່ຽວຂ້ອງກັບສະຖານະການໃນແຫລມເກົາຫຼີ ແຕ່ເນັ້ນການປັບກອງທັບໃຫ້ທັນສະໄໝ ເພາະເມື່ອບໍ່ດົນມານີ້ທາງກອງທັບຈີນໄດ້ມຸ່ງເນັ້ນພັດທະນາສັກກະຍາພາບໃນການປ້ອງກັນຕົວ ແລະ ໃຫ້ຄວາມສຳຄັນກັບການພັດທະນາລະບົບຕໍ່ຕ້າຍຂີປະນາວຸດ

https://youtu.be/oTLy0OdfCbc